SALM 107:1 - Lai (Hakha) Common Language Bible 2006

¹ Bawipa cu lawm tuah u, zeicahtiah amah cu a ṭha. a fekmi a dawtnak cu zungzal in a hmun.

Laibaibal Thiang (BSI)

¹ Aw, BAWIPA sinah lomhnâk bia chim u; zeitintiah amah cu a ṭha, a velngeihnâk cu zungzal in a hmun.

SALM 107:1 Referans Kwoze

SALM 106:1

Bawipa cu thangṭhat ko u! Bawipa sinah lawmhnak bia chim tuah u, zeicahtiah amah cu a ṭha, a dawtnak cu zungzal in a hmun.

1 CHANRELNAK 16:34

Bawipa cu lawm tuah u, zeitintiah amah cu a ṭha; Zeitintiah a fekmi a dawtnak cu zungzal in a hmun!

2 CHANRELNAK 7:3

Israel fale vialte nih mei a rung ṭum le biakinn cung i Bawipa sunparnak kha an hmuh tikah, vawlei lei hoih in lung phahmi cungah khan an lu an i khun i Bawipa cu an biak i an lawmh i, “Zeitintiah amah cu a ṭha, A fekmi a dawtnak cu zungzal in a hmun,” tiah an ti.

SALM 105:1

Bawipa sinah lawmhnak bia chim u, a lianhngannak kha thanh u; cun a tuahmi thil kha miphun vialte chim hna u.

SALM 100:5

Bawipa cu a ṭha; a fekmi a dawtnak cu zungzal in a hmun, zumhawktlak a sinak cu chan vialte tiangin a hmun.

SALM 118:1

Bawipa cu a ṭhat i a dawtnak cu zungzal in a hmunh caah lawm tuah u!

2 CHANRELNAK 7:6

Tlangbawi cu an umnak hmun cio ah khan Levi mi hna he hmaitonh in an dir. Levi mi hna cu Bawipa thangṭhatnak caah David nih a rak sermi aw dawh tumnak thilri hna he khan an dir i David nih an rian ah a rak thiah hna bang khan, “A fekmi a dawtnak cu zungzal in a hmun,” timi hla kha lawmhnak in an sa. Tlangbawi hna nih khan mi zapi an dir ah khan muko kha an tum hna.

LUKA 1:50

Amah a ṭihmi vialte kha chan khat hnu chan khat in a zaangfah hna.

SALM 103:17

Sihmanhsehlaw Bawipa nih amah a upatmi hna a dawtnak hna cu, zungzal in a hmun i a ṭhatnak nih chan vialte tiang a nguh,

2 CHANRELNAK 20:21

Cun mizapi kha ruahnak a hal hna hnuah, puan thiang i aih in ralkapbu hmai i an kal pah ah: “Bawipa sinah lawmhnak bia chim tuah u, Zeitintiah a fekmi a dawtnak cu zungzal in a hmun,” tiin a titu ding, Bawipa sinah thangṭhatnak hla a satu ding le amah cu a hlorhtu ding kha a thiah hna.

2 CHANRELNAK 5:13

muko tumtu hna le hlasatu hna an rian cu Bawipa lawmhnak hla le thangṭhatnak hla kha aw khat tein thanter kha a si caah, muko hna le sumsel hna le awdawh tumnak thilri dang hna he cun: “Zeitintiah amah cu a ṭha, A fekmi a dawtnak cu zungzal in a hmun,” tiin Bawipa thangṭhat in hla cu an hun sak tikah, inn kha, Bawipa inn kha, minmei in a khah

1 CHANRELNAK 16:41

An sinah cun Heman le Jeduthun le, Bawipa cu a fekmi a dawtnak kha zungzal in a hmunh caah a sinah lawmhnak bia chim awk ca i thimmi hna le fiang tein min chimmi a cheu hna kha an um,

SALM 119:68

Zeitluk in dah na ṭhat i zeitluk in dah vel na ngeih! Na nawlbia cu ka cawnpiak tuah hna.

MATTHAI 19:17

Jesuh nih cun, “Zeicahdah ‘zei thil ṭha dah,’ timi cu na ka hal? A ṭhami cu pakhat lawng pei a um ko cu. Nunnak chung i luh na duh ahcun nawlbia kha tah na zulh ko hna,” tiah a leh.