SALM 102:28 - Lai (Hakha) Common Language Bible 2006

²⁸ Kan fale cu him tein khua an sa lai i an tefa hna cu nangmah nih zungzal in na huhphenh hna lai.

Laibaibal Thiang (BSI)

²⁸ Na sal le an fale hna zong an um peng lai i an techin fapar kha na hmaiah fekfuan ngaiin an um lai.

SALM 102:28 Referans Kwoze

ISAIAH 66:22

“Ka lianhngannak thawngin vawlei thar le van thar cu an hmunh bantukin nan tefa hna le nan min cu an hmun ve lai.

ISAIAH 53:10

Bawipa nih aa thawh i, “Temhnak a in cu ka rak duhmi a si ko; thihnak cu ngaihthiamnak a umtertu raithawinak a si. Cucaah a tefa kha a hmuh hna lai i chan saupi a nung lai, cun amah thawngin khua ka khanmi cu a tlam a tling lai.

SALM 89:4

‘Na tefa pakhat cu siangpahrang a si zungzal lai; na pennak cu zungzal in ka hmunhter lai,’ ka ti,” na ti. Selah

DEUTERONOMI 32:39

“ ‘Atu cu hngal tuah u, Keimah, keimah hi, amah cu ka si i Keimah hleiah pathian dang zeihmanh an um lo; Keimah nih ka thah, keimah nih ka nunter ṭhan, Keimah nih hma ka banh, keimah nih ka damter i Ka kut chungin a ka chut khotu ahohmanh an um lo.

JOB 10:5

Na ni hna cu minung ni bantuk maw an si? Na kum hna cu minung hna kum bantuk dah an si?

ISAIAH 41:4

Hi thil a umtertu hi ahodah a si? Tuanbia kalning hi hi bantukin si seh tiah aho nih dah a rak ti? Bawipa cu a hramthawknak i a rak ummi kha ka si i Bawipa cu a donghnak i a um laimi zong ka si.

ISAIAH 43:13

Keimah hi Pathian cu ka si i ka si zungzal ko lai. Ahohmanh ka ṭhawnnak chungin a luat khomi an um lai lo; ka tuahmi kha ahohmanh nih an thleng kho lai lo,” a ti.

MALAKHI 3:6

Keimah cu i thleng loin Bawipa ka si caah nannih Jakob tefa zong nan rawk dih lo.