SALM 10:13 - Lai (Hakha) Common Language Bible 2006

¹³ Zeitindah miṭhalo hna nih cun Pathian cu zeirello in an um khawh lai i? “Dan a kan tat bal lai lo,” an ti khawh lai?

Laibaibal Thiang (BSI)

¹³ Zeiruangahdah misuaksual nih Pathian zeiah a rel lo? a lungchung in, “Zeihmanh ah a rel lai lo,” a ti tawn.

SALM 10:13 Referans Kwoze

LUKA 10:16

A zultu kha a thawh hna i, “Nan bia a ngaimi paoh nih ka bia an ngaih a si, an hlawmi hna paoh nih keimah an ka hlawt a si, keimah a ka hlawmi paoh nih a ka thlahtu kha an hlawt a si,” tiah a ti.

SALM 74:18

Sihmanhsehlaw maw Pathian, na ral nih an in serhsat kha philh hlah; annih cu mihrut an si i nangmah cu zei ah an in rel lo.

SALM 74:10

Maw Pathian, kan ral nih hin zei can dah an kan nihsawh lai? Na min hi a zungzal in maw an nihsawh ko lai?

2 CHANRELNAK 24:22

Cuticun siangpahrang a simi Joash nih khan, Zekhariah pa Jehoiada nih a cung i zaangfahnak a rak tuahmi kha a hngal duh lo i a fapa kha a thah. Cun a thih lioah khan, “Bawipa nih hmu seh law phuhlam ko seh,” tiah a ti.

NAMBAR 11:20

sihmanhsehlaw thla khat ning piin nan ei lai, nan hnarkua i a chuah i nan ca i fihnung a si tiangin, zeicahtiah nan lak i a ummi Bawipa cu nan hlawt i a hmaiah, “Zeicahhen Izipt ram khan kan rak chuah,” tiin nan ṭah caah,’ tiah ti hna,” tiah a ti.

GENESIS 9:5

Pakhatkhat nih an in thah hna ahcun, thihnak in dan ka tat hna lai. Nanmah an thattu hna saram cu ka thah hna lai i ahohmanh a minung hawi a thatmi cu dan ka tat hna lai.

1THESALON 4:8

Cucaah hi cawnpiaknak zulh a duh lomi cu, minung cawnpiaknak zulh a duh lo si loin, Thiang Thlarau an petu hna Pathian cawnpiaknak zulh a duh lo kha a si deuh.

GENESIS 42:22

Reuben nih khan, “Ngakchiapa kha harnak pe hlah u kan ti hna i nan rak ngai duh lo cu ta. Atu cu amah thih ruangah khan hi ton kan tong,” a ti hna.

DEUTERONOMI 29:18

Nannih lakah mipa siseh, minu siseh, innchungkhar siseh, miphun siseh, Bawipa kan Pathian sinin nihin ah a lung a mer i khi miphun hna pathian hna biak awkah a kal i nannih lakah sivai ngei le a khami thei a tlaimi hram nan um sual nakhnga lo, i ralring tuah u.

JOB 24:12

A thi cuahmahmi hna cu khuapi chungin an hrum an ai i Hliammi hna cu bawmhnak hal in an au; Sihmanhsehlaw Pathian nih an thlacamnak cu zeihmanh ah a relpiak hna lo.

JOB 24:23

Pathian nih him tein khua a sakter ko hna, Sihmanhsehlaw ṭha tein a ngiat zungzal hna.