SALM 10:1 - Lai (Hakha) Common Language Bible 2006

¹ Maw Bawipa, zeicahdah lamhla tuk ah na um? Zeicahdah harnak caan ah naa thuh?

Laibaibal Thiang (BSI)

¹ Maw BAWIPA, zeiruangahdah hlapi ah na dir? zeiruangahdah vansân cân ah nâ thuh?

SALM 10:1 Referans Kwoze

SALM 22:1

Ka Pathian, ka Pathian, zeicahdah na ka hlawt? Ka bawm ko sawh, tiah fak piin ka au, sihmanhsehlaw bawmhnak cu a ra hlei lo.

SALM 27:9

keimah cu ka thuhtak sawh hlah. Ka cungah na thinhung hlah, na sal hi ka ṭhawl sawh hlah. Maw Pathian, ka Khamhtu, nangmah cu a ka bawmtu na si, ka kaltak hlah, ka chia ta sawh hlah.

JEREMIAH 14:8

Maw nang, Israel mi nih an i ruahchanmi, harnak caan i a khamhtu hna, Kan ram chungah hin khual bantukin maw na um ko lai? Zan khat riak khualtlawng bantuk maw na si ko lai?

SALM 88:14

Bawipa, zeicahdah na ka hlawt? Zeicahdah na ka thuhtak?

SALM 46:1

Pathian cu kan i dornak le kan thazang a si, harnak caan ah a kan bawm zungzaltu a si.

SALM 44:24

Zeicahdah na kan thuhtak? Kan inmi temhnak le harnak kha philh hlah.

SALM 30:7

Bawipa, ka cungah na ṭha ko; tlang cungah a ummi ralhruang a him bantukin him tein na ka umter. Sihmanhsehlaw na ka thuhtak tikah ṭihnak in ka khat.

JOB 13:24

Zeicahdah na hmai kha na thuh i kei cu na ral ah na ka rel?

JOB 34:29

Dai tein a um zongah aho nih dah sual an phawt khawh lai? A hmai kha a thuh tikah aho nih dah an mawhchiat khawh lai? Lung a khongmi miphun le a mi vialte hna cungah, Pathian zei i a rel lomi siangpahrang kha an bawi i a ser bel ah zeitindik a si hnga?

JOB 23:9

Kehlei i ka kawl ah ka hmu kho lo, Orhlei i kaa mer ah ka hmu kho fawn lo.

SALM 44:25

Vawlei ah na kan hrilh cang; leidip lakah kan ril ko.

JEREMIAH 14:9

Chikkhatte i teimi bantuk maw na si ko hnga? Amah le amah aa khamh kho lomi bantuk maw na si ko lai? Maw Bawipa, nang cu kan lakah na um i Kannih cu, Ka ta nan si, tiah na kan ti; Kan kaltak sawh hlah.