SALM 1:3 - Lai (Hakha) Common Language Bible 2006

³ Tiva kamah a khomi thingkung, a caan hmaan tein a thei a tlai i a hnah a uai bal lomi bantuk an si. An tuahmi thil kip ah khua awng an tong.

Laibaibal Thiang (BSI)

³ Tiva kamah phunmi thingkung, a cân teah a thei a tlai i a hnah zong a uai bal lomi bantuk a si; a tuahmi thil kipah khua awng a tong.

SALM 1:3 Referans Kwoze

JEREMIAH 17:8

Amah cu tikam phunmi thingkung bantuk, tiva kam i hram a zammi bantuk a si. Vaupi ni a chuah tikah, ṭih awk zeihmanh a ngei lo, A hnah cu hring dildel in an um zungzal ko. Khuakhen kum a tlun tikah a zei a poi lo i a thei zong a dong lo.

EZEKIEL 47:12

Cu tiva a kam hnih ah cun rawl ca i a ṭhami thingkung vialte kha an um lai. An hnah cu a uai lai lo i an thei cu dongh ti a um lai lo; thla fate in tuante ah an tlai lengmang lai. Zeicahdah cuticun an si ti ahcun, an tohmi ti kha hmunthiang in a rami a si i an thei cu rawl caah an si i an hnah cu damnak caah an si,” tiah a ti.

SALM 92:14

an tar tik hmanh ah thei a tlai lengmang i a zungzal in hring dildel in a um i a ṭhawng ngaimi bantuk an si.

JOHAN 15:6

Ka chungah a um lomi cu mitsur nge car bantukin lengah hlonh an si ko. Cu bantuk nge cu an pumh hna i mei ah an paih hna i cuka ah cun an kang dih.

EZEKIEL 19:10

Nan nu cu ti kam i phunmi mitsur ruang a rak si, Ti tampi a um caah thei tampi a tlai i a hnah cu hring hlerhhlurh in an um.

GENESIS 39:23

Bawipa nih khan Josef cu a umpi i a tuahmi paoh kha a tlam a tlinter caah Josef zohkhenhmi thil a simi paoh kha cu thong bawi nih zeihmanh a zoh a herh lo.

BIAPHUAN 22:2

Cu tivakam ah cun nunnak thingkung cu a um i kum khat ah voi hleihnih, thla khat ah voi khat lengmang thei a tlai; cun a hnah cu miphun vialte hna caah damnak a si.

EZEKIEL 17:8

A ngaingai ti ahcun, mitsur ruang kha vawlei a ṭhatnak ti a tamnak hmun, a hnah tampi a ngeih khawh i thei tampi a tlai khawh i mitsur ruang ṭha a si khawh nakding hmun ah khan cin a si ko cang.

MATTHAI 13:6

Ni a hung chuak i thlaikheu hme tete cu a hun emh hna tikah an hram kha a thuh lo caah an car zau.

2 CHANRELNAK 31:21

Cun Pathian inn rian le phungbia le nawlbia he aa tlak in a tuahmi rian vialte ah, Pathian a kawlnak ah, a lungthin dihlak in a ṭuan i khua awng a tong.

GENESIS 39:3

Bawipa nih Josef cu a umpi i zei a tuahnak hmanh ah Bawipa nih a tlam a tlinter ti kha a bawipa nih cun a hmuh.

SALM 128:2

Rian na ṭuan tikah nangmah pawcawmnak khim na hmuh lai i na lung aa lawm lai i khua awng na pem lai.

ISAIAH 3:10

Miding mi cu an i lawm lai, an caah thil a rem thliahmah ko lai. An ṭuan man kha an i lawmhpi lai.

ISAIAH 44:4

Ti ṭha tein toihmi ram le tiva kam i a khomi inhliam kung bantukin an hninghno lai.

JOB 14:9

Ti rim a theih cangka a corh ṭhan lai i thing langno bantukin a nge an borh ṭhan ko lai.

MATTHAI 21:34

Mitsur thei lawh caan kha a phak tikah a hlanhmi hna sinah cun a sal kha a hei thlah hna i a hmuh awk hnga a simi kha an va hal hna.

MATTHAI 21:19

Lam pawngah khan theipi kung a hei hmuh i a hei fuh, asinain a hnah lawng a rak si ai. Cucaah thingkung cu aa thawh i, “Zeitikhmanh ah thei tlai ti hlah,” tiah a ti. Hmakhatte ah theipi kung cu a car ko.

JUDAS 1:12

Annih cu hawikomhnak rawl nan dum ṭi tik i rawl lak i hnawm a ummi bantuk khi an si, ningzah zeihmanh hngal loin an ei i an ding. Anmah zawn lawng an i ruat. Ruah a chungah a um lomi khuadawm, thli nih a choih lengmangmi bantuk khi an si. Fur caan hmanh i thei a tlai lomi thingkung bantuk an si; a hram bongh i a thi taktakmi thingkung bantuk an si.

ISAIAH 27:11

Thing nge cu an kiak i an car i nu nih mei tih awkah an khawmh hna. Mi nih khan zeihmanh an hngalh khawh lo caah, anmah a sertu Pathian nih khan a zaangfah hna lai lo i vel zong a ngeih hna lai lo.

MATTHAI 21:41

“Cu miṭhalo hna cu a thah hrimhrim hna lai i a theitlai a pe dingmi midang kha dum cu a hlanh hna lai,” tiah an leh.

1 CHANRELNAK 22:11

Cucaah ka fapa, nangmah kong ah a chimmi bia bangin Bawipa na Pathian ca i inn saknak ah cun na hlawhtlin nakhnga, Bawipa cu na sinah um ko seh.

SALM 129:8

Cucaah an pawng i a kalmi ahohmanh nih, “Bawipa nih thluachuah in pe hna seh, Bawipa min in thluachuah kan in pek hna,” an ti hna lai lo.

2 CHANRELNAK 32:23

Cun mi tampi nih Bawipa sinah Jerusalem ah khan laksawng an rak put i Judah siangpahrang Hezekiah sinah khan thil man sung an rak put hna, cucaah cu caan thawk in hmailei ah cun miphun vialte hna mithmuh ah khan hlorh a si.

NAMBAR 24:6

A kau diahduahmi nelrawn hna le tiva pawng dum hna le, Bawipa nih a phunmi hna inhliam le tipawng sidar thing bantuk an si.

DEUTERONOMI 28:8

Nan buk nan han le rian nan ṭuanmi kip ah Bawipa nih thluachuahnak kha nan caah nawl a pek lai i, Bawipa nan Pathian nih an pekmi hna ram chungah cun thluachuahnak an pek hna lai.

2 SIANGPAHRANG 18:7

Cun Bawipa cu amah sinah a um i a kalnak paoh ah khua awng a tong. Assiria siangpahrang kha a doh i a rian a ṭuan duh lo.

1 CHANRELNAK 22:13

Khi tikah Bawipa nih Moses cu Israel mi caah a pekmi phunglam le nawlbia hna kha ṭha tein na zulh hna ahcun, na hlawh a tling lai. Ṭhawng ngai le ralṭha in um tuah. Ṭih hlah; na lung dong hlah.

JOB 22:28

Ka tuah lai, tiah na timi paoh ah na hlawh a tling lai i Na lam ah ceunak a tlang lai;

SALM 92:15

Hi nih hin Bawipa cu a ding ti le a ka chanhtu ka lungpi chungah cun palhnak zeihmanh a um lo, ti kha a langhter.

ISAIAH 58:11

Cun nannih cu keimah nih lam kan hmuhsak zungzal hna lai i thil ṭha in nan paw kan khimter zungzal hna lai. Ngandam le thazang ṭhawng in kan umter hna lai. Ti tampi a ngeimi dum bantuk nan si lai; a kao bal lomi cerhti bantuk nan si lai.

EZEKIEL 31:5

A nge cu an tam i a ṭe cu an sau; Zeicahtiah ti tampi nih a phak caah a si.