RUTH 1:21 - Lai (Hakha) Common Language Bible 2006

²¹ Khatte in ka rak kal i Bawipa nih kutro in a ka kirpi ṭhan. Bawipa nih a ka hrem i Lianngan Bik nih ka cungah harnak a tlunter tikah hin zeicahdah Naomi nan ka ti?” tiah a ti.

RUTH 1:21 Referans Kwoze

JOB 1:21

Cun aa thawh i, “Ka nu paw chungin taklawng in ka chuak i taklawng in ka kir ṭhan lai; Bawipa nih a ka pek i Bawipa nih a lak ṭhan; Bawipa min cu thangṭhat si ko seh,” tiah a ti.

JOB 16:8

Sawng ṭiamṭuam in na ka tuah i mah cucu ka cung i tehte a si; Ka ruh lawng a taan caah hin, ka dernak cu a sual caah a si, an ka ti.

JOB 13:26

Nangmah nih ka dantatnak ding cu na ṭial hna i Ka tlanval lio ka ṭhat lonak rocotu ah khan na ka ser.

JOB 10:17

Keimah ralchanhtu tehte kha na ngei zungzal hna, Ka cung i na thinhunnak cu na karhter; Ralkapbu thar thar kha keimah doh awkah na ratpi hna.

MALAKHI 3:5

Zung nan chuah tikah kan chuahpi hna lai i eihthiammi hna le vacung pa duhmi hna le lih in chiat a sermi hna le man phalh in fialmi hna rianṭuantu hna le nuhmei le ngakṭah cungah a ding loin thil a titu hna le khualmi kha lam thlangah a eng i keimah a ka ṭih lomi hna kha, anmah ralchanh in tehte ka si lai tiah ralkapbu Bawipa nih a ti.

JOB 30:11

Pathian nih ka liza cu a dorh i a ka ṭhumh caah, Ka hmai i an i sum tawnnak kha an hlonh cang.

RUTH 1:13

nannih nih an upat tiang nan hngah hna hnga maw? Va ngei loin maw nan um ko hnga? Si hlah e, ka fanu hna, nanmah caah hin ka ngaih a chia hringhran ko, Bawipa kut cu keimah doh ah cun pei a chuah cang fam cu,” tiah a ti.