ROM 7:23 - Lai (Hakha) Common Language Bible 2006

²³ sihmanhsehlaw ka chung i phung dang a rak um ve kha ka hngalh — cu phung cu ka lung nih a ṭha a timi phung a rak dohtu kha a si. Cu phung nih cun, ka pum chung i rian a ṭuanmi sualnak phung sal ah khan a ka ser.

Laibaibal Thiang (BSI)

²³ Asinain ka pum ṭengnge ah hin nawlbia phundang a um ti kha ka hngalh, cu nih cun ka ruahnâk nawlbia kha an ralchanh i ka pum ṭengnge i sual nawlbia a ummi sinah sal ah a ka hruai tawn.

ROM 7:23 Referans Kwoze

GALATI 5:17

Zeicahtiah kan minung sining nih a duhmi cu Thlarau nih a duhmi he khan aa ralchanh i Thlarau nih a duhmi cu kan minung sining nih a duhmi he khan aa ralchan. Annih pahnih cu ral an si, cu a sullam cu, tuah na duhmi kha na tuah kho lo, tinak a si.

JEIM 4:1

Nan i siknak le nan i velhnak vialte hi khuazei in dah an rat? Nuamhnak nan duhnak in an ra i cu nan duhnak cu nan pum chungah khan anmah le anmah aa do lengmangmi an si.

ROM 8:2

Zeicahtiah Khrih Jesuh he aa pehtlaimi nunnak a kan petu Thlarau phung nih cun sualnak le thihnak phung chung khan a ka luatter cang.

ROM 6:19

Hi bantukin tahchunhnak bia ka hman hi, nannih nih nan hngalh khawh deuh nakhnga ka duh caah a si. Hlanah cun a ṭha lomi thil tuah awkah thurhnawmhnak le ṭhat lonak sal nan rak si. Cu bantuk ṭhiamṭhiam in atu cu a thiangmi thil tuah awkah dinnak sal nan si awk a si.

ROM 7:25

Pathian cu lawm ko u sih. Cucaah ka sining cu hihi a si ko: keimah lawngin ti ahcun, ka lung lawng in Pathian nawl cu ka zulh khawh, ka minung sining tu cu sualnak phung kha a zul ko.

1 PETER 2:11

Ka dawtmi ka hawile hna, hi vawlei cungah khual le ralzam nan si bantukin thlarau he aa do zungzalmi pumsa duhnak kha i teiter hna hlah u, tiah kan nawl hna.

HEBRU 12:4

Zeicahtiah sualnak nan dohnak ah hin thihnak tiang ngaingai cu nan ing rih lo.

ROM 7:21

Cucaah thil umtuning cu hitihin a si ti kha ka hngah: a ṭhami thil tuah ka duh tikah khan ṭhat lonak kha ka pawngte ah a rak um ko.

ROM 7:5

Kan minung sining in kan rak nun lioah khan Nawlbia nih a cawlcanghtermi kan pumsa duhnak hna kha kan pum chungah hin rian an rak ṭuan i an theitlai cu thihnak a si.

ROM 6:13

Cun nan pum a zeihmanh kha thil ṭhalo tuahnak ding caah sualnak kha pe ti hlah u. Thihnak in nunnak ah thawhter ṭhanmi bantukin Pathian sin tu ah i pe u law dinnak tuahnak ding caah nan pum cu a ningpi in Pathian cu pe ko u.

PHUNGCHIMTU 7:20

Ṭhatnak a tuah zungzal i a sual bal lomi miding pakhat hmanh vawlei cungah hin an um hrimhrim lo.

SALM 142:7

Na min cu ka thangṭhat khawh nakhnga thong chung hin ka chuah ko sawh. Ka hmuh awk hnga a simi laksawng kha na ka pek tikah a dingmi hna nih cun pangpar ṭhi kha an ka oih lai.

ROM 7:14

Nawlbia cu thlarau lei thil a si, cucu kan hngalh ko. Sihmanhsehlaw kei cu titsa mi ka si, sualnak sal ah a zuarh in zuarhmi ka si.

JEIM 3:2

Kan dihlak hin palhnak kan tuah cio tawn. A biachim ah palhnak a tuah lomi cu mitling a si i a pum aa uk khomi a si.