ROM 15:4 - Lai (Hakha) Common Language Bible 2006

⁴ Cathiang nih lungsaunak le lungthin ṭhawnnak a kan pekmi thawngin ruahchannak kha kan ngeih khawh nakhnga Cathiang chung i aa ṭialmi vialte cu kanmah cawnpiaknak caah a si.

Laibaibal Thiang (BSI)

⁴ Zeitintiah Cathiang chungah inkhawhnâk, hnangamnâk le ruahchannâk kan ngeih khawh nâkhnga hlan lioah an rak ṭialmi hna kha kanmah cawnpiaknâk dingah ṭialmi an si.

ROM 15:4 Referans Kwoze

1 KORIN 10:11

Hi vialte an cung i a tlungmi hi midang nih i zohchunh awk caah a si i kan i ralrinnak ding caah ṭial an si. Zeicahtiah kannih kan caan hi donghnak a phak dengmangnak caan a si.

ROM 12:12

Nan i ruahchanmi thawng khan nan tha nuam ko u; harnak nan in tikah lungsau thinfual in um u law thla cam zungzal u.

1 PETER 1:13

Cucaah nan lung in rianṭuan awkah timhcia tein um u. Ralring tein um u law, Jesuh Khrih a langh tikah nan hmuh laimi velngeihnak laksawng cungah khan nan i ruahchannak cu bunh ko u.

SALM 102:18

Bawipa nih a tuahmi thil kha a ra lai ding chan caah ṭial tuah u, cuticun a chuak rih lomi nih amah kha an thangṭhat khawh lai.

SALM 119:50

Nganfah ka in hmanh ah ka hna a ngam, zeicahtiah na biakamnak nih nunnak a ka pek.

HABAKKUK 2:2

Cun Bawipa nih a ka leh i, “Langhnak na hmuhmi cu ṭial tuah, Lungtlap ah khan ṭial law a reltu nih tlikpah hmanh in an rel khawh nakhnga fiang tein ṭial tuah.

1THESALON 1:3

Nan zumhnak cu rianṭuannak ah nan langhterning le dawtnak nan ngeihmi nih fak piin rian an ṭuanter hna ning le kan Bawipa Jesuh Khrih chung i ruahchannak nan ngeihmi a fehning kha Pathian kan Pa hmaiah kan philh lo.