ROM 10:14 - Lai (Hakha) Common Language Bible 2006

¹⁴ Asinain, an zumh lo ahcun zeitindah a min cu an auh khawh lai? Cun bia kha an theih lo ahcun zeitindah an zumh khawh lai? Cun bia cu chimh an si lo ahcun zeitindah an theih khawh lai?

Laibaibal Thiang (BSI)

¹⁴ An zumh lo ahcun zeitindah an kawh khawh lai? Ahodah a si tiah an theih lomi cu zeitindah an zumh khawh lai? Chimtu um loin zeitindah an theih khawh lai?

ROM 10:14 Referans Kwoze

HEBRU 11:6

Ahohmanh nih zumhnak loin Pathian lung ton khawh a si lo; zeicahtiah Pathian a fuhmi paohpaoh nih cun, Pathian cu a um i amah a kawlmi cu laksawng a pek hna, ti kha an zumh awk a herh.

LAMKALTU 8:31

Cu bawi nih cun a thawh i, “Aho tal nih a sullam chimh lo cun zeitindah ka hngalh khawh hnga,” tiah a ti. Cun Filip kha rangleng cungah hin hung kai law ka sinah ṭhu tuah, tiah a sawm.

JEIM 5:15

Zumhnak in thla an camnak nih khan a zawmi kha a damter lai; Bawipa nih damnak kha a pek ṭhan lai i sualnak a tuahmi kha ngaihthiam a si lai.

2TIMOTE 4:17

Sihmanhsehlaw Bawipa nih a ka umpi i Jentail mi vialte nih an theih khawh nakhnga Thawngṭha cu tling cikcek tein chim khawhnak thazang a ka pek; cun chiandeih kaa chung khan a ka chanh.

EFESA 4:21

Amah kong cu nan theih i amah zultu nan si bantukin Jesuh chung i a ummi biatak cu cawnpiak nan si.

JOHAN 20:31

Hi thil lianngan a tuahmi hna ka ṭialnak chan cu, nannih nih Jesuh cu Messiah, Pathian Fapa a si ti kha nan zumh i cu nan zumhnak thawngin amah min in nunnak nan hmuh nakhnga caah a si.

LAMKALTU 19:2

annih cu a thawh hna i, “Nan zumh ah khan Thiang Thlarau nan rak hmu maw?” tiah a hal hna. Annih nih, “Thiang Thlarau cu a um le um lo hmanh kan hngalh ṭung lo,” tiah an leh.

ROM 1:5

Amah thawngin Pathian nih lamkaltu sinak kha a ka pek i miphun kip chungmi kha zumhnak le Pathian nawlngaihnak i phakter awkah a ka fial;

JONAH 1:16

Cucaah Bawipa cu lawngcawng pawl nih cun an ṭih i raithawinak kha an pekchanh i a sinah biakamnak kha an tuah.

JONAH 1:5

Lawng cawngtu pawl cu an thin a phang i an pathian sin cio ah khan bawmhnak hal awkah an au. Cun lawng kha zaanter deuh awkah thil kha an hlonh hna, sihmanhsehlaw Jonah tu cu tilawng chung a ken khat ah khan a vung kal i a it i aa hngilh ziar ko.

JOHAN 9:36

Mipa nih cun, “Bawipa, amah cu ka zumh khawh nakhnga aho hi dah a si ka chim tuah?” tiah a leh.

EFESA 2:17

Cuticun Khrih cu a ra i mi vialte sinah Thawngṭha cu a chim — Pathian he aa hlatmi nannih Jentail mi zong an chimh hna i Pathian he aa naihmi nannih Judah mi zong an chimh hna.

DEUTERONOMI 30:13

‘Kannih nih kan theih i kan tuah khawh nakhnga, ahodah kan caah rili lengah a kal in kan sinah a ratpi lai,’ tiah nan ti awkin rili lengah khin a um fawn lo.

MATTHAI 20:7

‘Ahohmanh nih rian an kan fial duh lo caah a si,’ tiah an leh. ‘A si ahcun, nannih zong ka dum ah va kal u law rian va ṭuan u,’ tiah a ti hna.