PHUNGTHLÛKBIA 5:12 - Lai (Hakha) Common Language Bible 2006

¹² Khi tikah naa thawh lai i, “Zeicahdah chimhhrinnak kha ka rak huat i mawhchiatnak kha ka lung nih a rak duh hnga lo.

Laibaibal Thiang (BSI)

¹² “Zeitindah cawnpiaknâk kha ka rak huat i nunchimnâk kha ka lungthin in ka rak zomhtaih!

PHUNGTHLÛKBIA 5:12 Referans Kwoze

PHUNGTHLÛKBIA 12:1

Hngalhnak a duhmi nih cun a palh tikah na palh tiah chimh kha a duh, palhnak chimh huat cu hruh a si.

PHUNGTHLÛKBIA 15:5

Mihrut nih a pa chimhhrinnak kha zei ah a rel lo, sihmanhsehlaw mawhchiatnak zei ah a relmi cu mifim a si.

PHUNGTHLÛKBIA 1:25

Fim kan chimhmi hna vialte kha nan hnon i Kan chimhhrin hnanak vialte cu zeihmanh nan duh lo caah,

PHUNGTHLÛKBIA 1:22

“Zei can dah maw mihrut rual hna, hruh kha nan duh rih ko lai? Zei can dah, mi nihsawh hmangmi hna, mi nihsawh kha a nuam nan ti lai i mihrut nih fimnak kha nan huat lai?

PHUNGTHLÛKBIA 1:7

Bawipa ṭih hi hngalhnak hramthawknak a si; Sihmanhsehlaw mihrut nih cun fimnak le cawnpiaknak kha zei ah an rel lo.

JEREMIAH 44:4

Ka sal profet vialte hna kha hi ralrinnak bia he hin nannih sinah ka rak thlah lengmang hna i, ‘Ka huatmi thil fihnung hi tuah sawh hlah u,’ tiah ka ti lengmang.

PHUNGTHLÛKBIA 13:18

Cawnpiaknak zei ah a rel lomi cu sifahnak le ningzahnak nih a phak hna, sihmanhsehlaw chimhhrinnak zei ah a relmi cu upatnak an hmu.

SALM 50:17

Kan chimhhrin hna lai, ka ti tikah nan duh ṭung lo, ka nawlbia kha nan hlawt ko ṭung hna.

SALM 73:22

Ka hrut i zeihmanh ka hngalthiam lo; na cung i ka umtuning cu saram umtuning bantuk a si.

2 CHANRELNAK 36:16

sihmanhsehlaw Bawipa thinhunnak cu a mi hna cungah a thawh i remh ṭhan khawhnak a um ti lo tiangin Pathian lamkaltu hna cu an rak zawmhtaih lengmang hna i a bia kha zei ah an rel lo i a profet hna kha an nihsawh hna.

2 CHANRELNAK 25:16

Sihmanhsehlaw bia a chim lioah cun siangpahrang nih khan a thawh i, “Nangmah cu siangpahrang fimchimtu ah maw kan in ser? Ngol ko! Zeicahdah thah na si lai?” tiah a ti. Cucaah profet nih cun a ngol, sihmanhsehlaw, “Mah hihi na tuah i kan chimhmi na ngaih lo caah, Pathian nih nangmah hrawk awk cu a ruah cang tiah ka hngalh,” tiah a ti.

GENESIS 19:9

Sihmanhsehlaw annih nih an thawh i, “Kan kian, a nang ramdangmi hi i thlak hlah, nangmah nih hin maw cutin tuah u khatin tuah u na hei kan ti. Kan kian, cu lo ahcun anmah nak fak in kan in tongh sual lai,” an ti. Lot cu an en i innka kha baoh awkah an hei fuh.

PHUNGTHLÛKBIA 6:23

Zeicahtiah nawlbia cu meiinn a si i cawnpiaknak cu ceunak a si,

PHUNGTHLÛKBIA 5:11

A donghnak ah cun rawlṭam in na um lai i na ruh lawngin khua na sa lai.

PHUNGTHLÛKBIA 8:36

Sihmanhsehlaw keimah a ka hmu lomi nih cun amah le amah kha aa hliam ko; a ka huatu vialte cu thihnak he aa duhmi an si,” tiah a ti.

PHUNGTHLÛKBIA 10:17

Chimhhrinnak a ngaimi paoh cu an nung lai, sihmanhsehlaw ka palh a ti duh lomi cu lamping ah an kal.