PHUNGTHLÛKBIA 10:16 - Lai (Hakha) Common Language Bible 2006

¹⁶ Miṭha nih an hmuhmi laksawng cu nunnak a si, sihmanhsehlaw sualnak nih cun sualnak lawng a chuahpi lengmang.

Laibaibal Thiang (BSI)

¹⁶ Miding rianṭuannâk nih nunnâk a chuahpi i misuaksual hna hlawh cu sual tuahnâk a si.

PHUNGTHLÛKBIA 10:16 Referans Kwoze

HEBRU 6:10

Pathian cu miding lo a si lo. Rian nan rak ṭuanmi le nan Khrihfa hawi nan rak bawmh tawn hna i atu zongah nan bawmh ko rih hna thawngin nan langhtermi amah nan dawtnak kha a philh lai lo.

ROM 6:23

Zeicahtiah sualnak man cu thihnak a si, sihmanhsehlaw Pathian laksawng cu zungzal nunnak a si i cu nunnak cu kan Bawipa Jesuh Khrih he aa pehtlaimi nunnak a si.

JOHAN 6:27

Hi a rawk khomi rawl caah hin ṭuan hlah ngat u, a hmunmi rawl, zungzal nunnak rawl caah ta nan ṭuan. Hi rawl cu Mi Fapa nih hin kan pek hna lai, zeicahtiah Pa a simi Pathian nih keimah cungah hin a lungsinak kha a khenh cang,” tiah a ti.

1 KORIN 15:58

Cucaah ka u le ka nau hna, fek tein dir u law zeihmanh nih in ṭhial kho hna hlah seh. Bawipa rian teimak tein nan ṭuannak ah cun i manh lo ngaiin um zungzal ko u, Bawipa rian nan ṭuanmi cu alak a si bal lo ti kha nan hngalh.

PHUNGTHLÛKBIA 11:30

Dinnak theitlai cu nunnak thingkung a si, sihmanhsehlaw zaang-ennak cu nunnak thah kha a si.

2TIMOTE 3:13

sihmanhsehlaw miṭhalo le chungthu lengnal pawl cu a ṭhalo chin lengmang khan an um lai i midang kha an hlen lengmang hna lai i anmah le anmah zong kha an i hleng lengmang lai.

MATTHAI 15:19

Zeicahtiah lai a nawntertu, nu le pa sualnak a tuahtertu, thil ṭhalo dangdang a tuahtertu, a firtertu, lih a chimtertu, mi a congoihtertu ruahnak ṭhalo vialte cu a lung chungin a hung chuakmi an si.

PHUNGTHLÛKBIA 21:21

Dinnak le zaangfahnak zulh aa zuammi nih cun Nunnak le upatnak a hmuh lai.