PHUNGTHLÛKBIA 1:4 - Lai (Hakha) Common Language Bible 2006

⁴ Lungtlawm mi nih fimnak an hmuh lai i Seino mi nih hngalhnak le ruahthiamnak an hmuh lai.

Laibaibal Thiang (BSI)

⁴ Mi sawsawh kha ralrinnâk pe ding le, mino hna nih hngalhnâk le ruahthiamnâk an ngeih khawh nâkhnga-

PHUNGTHLÛKBIA 1:4 Referans Kwoze

PHUNGTHLÛKBIA 8:5

Maw mihrut rual hna, fimnak cawng tuah u; maw lungtlawmmi hna, ṭha tein ngai tuah u.

PHUNGTHLÛKBIA 8:17

A ka dawmi cu ka dawt hna i fel tein a ka kawlmi nih cun an ka hmuh.

SALM 119:9

Zeitindah tlangval nih thiang tein a um lai? Na nawl ngaihnak thawngin thiang tein a um lai.

PHUNGTHLÛKBIA 8:32

Atu cu ka fapale hna, ka bia ngai tuah u: Ka lam a zulmi cu lunglawmmi an si.

PHUNGTHLÛKBIA 8:12

Kei cu fimnak ka si i fimnak kha ka pek hna hngalhnak le ruahthiamnak lam kha ka hmuhsak hna.

SALM 119:130

Na kan cawnpiaknak fianternak nih khan ceunak a chuahpi, hngalhnak a tlawmmi kha fimnak a pek hna.

TITAS 2:6

Cu bantuk ṭhiamṭhiam in, tlangval pawl zong kha, mah le mah aa uk khomi si u, tiah forh hna.

2TIMOTE 2:22

Tlanval lio pumsa duhnak kha zamtak i zuam hna law, kan bawm ko tiah Bawipa sinah thla a cam lengmangmi hna he dinnak le zumhnak le dawtnak le daihnak kha kawl i zuam u.

ISAIAH 35:8

Cuka ah cun lam nganpi pakhat a um lai i a min ah “Thiannak Lam” ti a si lai. Hi lam cu misual mi nih an zul lai lo i hi lam a zulmi cu mihrut nih an pialter kho hna lai lo.

PHUNGTHLÛKBIA 3:21

Ka fapa, fimnak ṭha le ruahthiamnak cu i ken hna, na mit hmuhnak chungin liamter hna hlah;

SALM 34:11

Ka hawile mino hna, ra u law, ka bia ngai tuah u; Bawipa ṭihzah ning cu kan cawnpiak hna lai.

SALM 19:7

Bawipa phung cu a ṭhat a tling, nunnak thar petu a si. Bawipa nawlbia cu bochan awk a tlak, fimnak a baumi fimnak petu a si.

PHUNGCHIMTU 11:9

Maw tlangval hna, nan tlanvalnak kha lawmhnak in hmang ko u, nan tlanval lioah hin nan lung nih lawmhnak hmu ko seh. Nan duhmi kha tuah ko u, nan lung a duh mi kha hmu ko u. (Sihmanhsehlaw nan tuahmi thil paoh ah khan Pathian nih bia a kan ceih lai, ti kha hngal ko u.)

SALM 116:6

Bawipa nih a awlok a chongmi kha a huhphenh hna, ṭihnung chung i ka um tikah a ka khamh.

DEUTERONOMI 4:6

Ul hna u law, tuah hna u, zeitintiah miphun hna hmuh ah mah cucu nan fimnak le nan hngalhnak a si lai; hi nawlbia vialte an theih tikah, ‘Hi a nganmi miphun hi a fim le a hngalhthiammi an si hrimhrim ko,’ an ti lai.