PHUNGTHLÛKBIA 1:22 - Lai (Hakha) Common Language Bible 2006

²² “Zei can dah maw mihrut rual hna, hruh kha nan duh rih ko lai? Zei can dah, mi nihsawh hmangmi hna, mi nihsawh kha a nuam nan ti lai i mihrut nih fimnak kha nan huat lai?

Laibaibal Thiang (BSI)

²² Nannih mi sawsawh hna, zeicandah thil sawsawh kha nan tlaihchan ko rih lai? Zeitintiah zomhtaih hmangmi hna nih zomhtaihnâk ah an i nuam i mihrut nih hngalhnâk kha an huat.

PHUNGTHLÛKBIA 1:22 Referans Kwoze

PHUNGTHLÛKBIA 5:12

Khi tikah naa thawh lai i, “Zeicahdah chimhhrinnak kha ka rak huat i mawhchiatnak kha ka lung nih a rak duh hnga lo.

PHUNGTHLÛKBIA 1:29

Annih nih hngalhnak kha an huat i Bawipa ṭihnak kha an i thim lo caah

SALM 1:1

Miṭhalo hna khuakhannak ah aa tel lo i Misual hna lam zong a zul lo i Pathian a nihsawhmi hna sinah a ṭhu lomi cu Thluachuakmi an si.

BIAPHUAN 22:17

Thlarau le va ngei laimi ngaknu nih khan, “Ra u,” an ti. Hi bia a theimi paoh nih khan, “Ra u,” ti ve hna seh. Ti a halmi paoh cu ra u, nunnak ti hi a duhmi paoh nih man loin i lak u.

2 PETER 3:3

A hmasa bik ah nan hngalh awk i ka duhmi cu, caan donghnak caan ah cun, an pumsa duhnak nih a ukmi hna kha an hung chuak lai. Nannih cu an in nihsawh hna lai i

JOHAN 3:20

Thil ṭhalo a tuahmi paoh nih cun ceunak kha a huat i ceunak i rat kha a duh lo, zeicahtiah thil ṭhalo a tuahmi langh kha a duh lo.

LUKA 19:42

“Nihin ah hin daihnak caah zeidah a herh ti kha hei hngal law cu mu! Sihmanhsehlaw cucu na hmu kho ṭung lo.

MATTHAI 9:13

Va kal u law, ‘Saram thawinak si loin ka duhmi cu zaangfahnak lungthin kha a si,’ tiah Cathiang chungah aa ṭialmi hi a sullam va ruat tuah u. Miding mi pawl kawh awkah ka rat ṭung lo, misual mi hna kawh awkah pei ka rat ko cu,” tiah a ti.

PHUNGTHLÛKBIA 21:11

Miporhlaw cu dantat a si tikah mihrut kha an lung a fim, Mifim cu cawnpiak an si tikah, hngalhnak kha an i chap.

MATTHAI 23:37

“Maw Jerusalem, Jerusalem, Profet kha na rak thah hna i nangmah sinah Pathian nih a run thlahmi lamkaltu hna kha lung in na rak den hna. Arpi nih a fale cu a thla tangah a huh hna bantukin na fale cu voi zeizat dik ka kut in huh ka timh hna i an duh lo.

MATTHAI 17:17

Jesuh nih cun a leh i, “Nannih cu a zum kho lomi le a palhmi nan si hrimhrim ko. Zei can dah nan sinah ka um awk a herh lai? Zei can dah kan umpi hna a herh lai? Ngakchiapa cu ka sinah hin ratpi u,” tiah a ti hna.

PHUNGTHLÛKBIA 19:29

Miporhlaw mi hna caah fungfek cu chiah cia a si ko i Mihrut hna keng caah tuknak cu timhcia a si ko.

PHUNGTHLÛKBIA 15:12

Miporhlaw nih cun chimhhrinnak kha a duh lo, mifim hna sinah khan ruahnak va hal awkah a kal bal lo.

PHUNGTHLÛKBIA 14:6

Miporhlaw nih cun fimnak kha a kawl nain a hmu lo, sihmanhsehlaw hngalhthiamnak a ngeimi caah cun fimnak cu a fawitemi thil a si ko.

PHUNGTHLÛKBIA 8:5

Maw mihrut rual hna, fimnak cawng tuah u; maw lungtlawmmi hna, ṭha tein ngai tuah u.

PHUNGTHLÛKBIA 7:7

Seino lungmawng rual hna lakah khan, ruahnak a ngei lomi tlangval pakhat kha ka hmuh;

PHUNGTHLÛKBIA 6:9

Maw zaangthupa, zei can dah na ih ko lai? zeitik ah dah na ihnak in na thawh lai?

PHUNGTHLÛKBIA 3:34

Mi zei ah a rel lomi hna cu zei ah a rel ve hna lo i mi toiah aa dormi hna cu duhdawtnak a pek hna.

PHUNGTHLÛKBIA 1:7

Bawipa ṭih hi hngalhnak hramthawknak a si; Sihmanhsehlaw mihrut nih cun fimnak le cawnpiaknak kha zei ah an rel lo.

PHUNGTHLÛKBIA 1:4

Lungtlawm mi nih fimnak an hmuh lai i Seino mi nih hngalhnak le ruahthiamnak an hmuh lai.

SALM 94:8

Ka mi hna, zeitindah cu tluk cun nan hruh khawh? Zeitik ah dah nan hngalh khawh te lai?

JOB 34:7

Job bantuk hi mi zeital an um bal maw? Holh dawh lo kha tihal in a haal i

NAMBAR 14:27

“Zei can dah hi a ṭha lomi bu nih hin an ka zaihnawh lai? Israel mi an phunzainak, keimah cung i an phunzainak cu ka theih cang.

EXODUS 16:28

Cu tikah Bawipa nih khan Moses cu a thawh i, “Zei can riamruam dah ka nawlbia le ka phunglam cu zul duh loin nan um lai?

EXODUS 10:3

Cucaah Moses le Aaron kha Faro sinah cun an va kal i, “Hebru mi Pathian Bawipa nih, ‘Zei can dah ka nawl zul duh loin na um lai? Ka mi hna cu an ka biak khawh nakhnga kalter hna.

PHUNGTHLÛKBIA 1:21

Kulhnak vampang cung khan a au i Khua chung luhnak kutka hna ah khan bia a chim:

PHUNGTHLÛKBIA 1:32

Zeicahtiah lungtlawm pawl cu anmah pialnak nih khan a thah hna i Mihrut hna cu zei ruat khak loin an umnak nih khan a hrawh hna,

PHUNGTHLÛKBIA 21:24

Aa porhlaw i a ruam a kai i ninghngal in mi zei ah a rel lomi cu a min ah “Nihsawhtu” ti a si.

PHUNGTHLÛKBIA 22:3

Mifim nih cun harnak a rat kha a hmuh tikah hrial khawhnak aa zuam, sihmanhsehlaw mihrut nih cun a pahchih thluahmah ko i a hnuah aa ngaichih.

JEREMIAH 4:14

Maw Jerusalem, palhnak na tuahmi kha na lung chungin i thianh law, Khamh na si ko rih hnga dah kaw! Zei can dah na ruahnak ṭhalo cu na chungah a cam lai?

JEREMIAH 13:27

Va cungin pa nan i duhnak, hor au in nan aunak, nan thurhnawmhnak hna hi ka huat hna. Tlang cungah le ram lakah thil ṭhalo nan tuahmi kha ka hmuh hna. Aize, Jerusalem, nang cu khua thurhnawm na si ai! Zei can dah, zei can dah na rauh rih lai?