PHUNGCHIMTU 3:2 - Lai (Hakha) Common Language Bible 2006

² Hrin caan a um, thih caan a um; cin caan a um, phawi caan a um;

PHUNGCHIMTU 3:2 Referans Kwoze

HEBRU 9:27

Minung hi voi khat kan thi lai i cu hnuah cun Pathian nih bia a kan ceih lai.

JOB 14:5

A ni hna cu relpiak an si i A thla hna cu zeizat an si kha nangmah nih na hngalh; Nangmah nih a lonh khawh lomi ramri kha na serpiak.

GALATI 4:4

Sihmanhsehlaw caan cu a hung phak tikah, Pathian nih A Fapa kha a run thlah. Nu chung khan a hung chuak i Judah mi Nawlbia tangah khan a um,

LUKA 1:20

Ka bia cu na ka zum lo, asinain a caan a phak tikah cun a tling ṭhiamṭhiam te ko lai. Na zumh lo caah holh kho loin na um lai i kan chimhmi thil kha a tlin ni a phak hlantiang bia pakhat hmanh na chim kho lai lo,” tiah a ti.

MATTHAI 15:13

Jesuh nih cun, “Vancung khua i a ummi ka Pa nih a phun lomi kung paoh cu phawi an si ko lai.

JOHAN 16:21

Nu nih nau a ngeih lai ah, nganfah in caan nih khan a phak caah a ngaih a chia, sihmanhsehlaw naute cu a hung chuah tikah nau thar pakhat vawlei cung i a hung chuah caah cun aa lawm i a nganfahnak cu a philh dih.

ISAIAH 38:1

Cu caan lio hrawngah cun Siangpahrang Hezekiah kha a zaw i a thi dengmang. Profet Isaiah Amoz fapa kha amah zoh ah cun a va kal i, “Bawipa nih, ‘zeizong vialte kha ningcang tein chia dih seh, zeicahtiah a dam ṭhan ti lai lo,’ a ti. Cucaah cun thih awkah i tim ko,” tiah a va ti.

JOB 7:1

“Vawleicung ah hin mi nih rian har a ngei a si lo mei? Cun a ni hna hi hlanchom sinum ni bantuk an si ko lo maw?

LAMKALTU 7:20

Hi caan lioah hin Moses kha a rak chuak i fa dawh ngai a si. Inn ah thla thum an zohkhenh i

LAMKALTU 7:17

“Pathian nih Abraham sinah bia-kamnak a sermi a tlin caan kha a nai tikah Izipt ram i a ummi kan mi hna cu fak piin an karh.

JOHAN 7:30

Cun annih nih tlaih kha an zalh, sihmanhsehlaw ahohmanh nih an tlai kho taktak lo, zeicahtiah caan kha a rem deuh rih lo.

LUKA 1:36

Hi hleiah na rualchan Elizabeth kha a tar leiah fa a pawi i a cing ti i rak ti tawnmi kha atu hi a thla ruknak a si cang,

LUKA 1:13

Sihmanhsehlaw vancungmi nih cun a thawh i, “Zekhariah, na thinphang hlah! Pathian nih na thlacamnak kha a theih i na nupi Elizabeth nih fapa an hrinpiak lai. A min ah Johan na sak lai.

MATTHAI 13:41

Mi Fapa nih hin vancungmi kha a thlah hna lai i a Pennak chung i ṭhat lonak a tuahtu vialte hna le mi a sualtertu vialte hna kha an pumh hna lai i

JEREMIAH 45:4

Baruk sinah na chim ding bia cu hihi a si, hi bangin Bawipa nih a ti: Zohhmanh, ka sakmi kha ka ṭheh ṭhan i ka phunmi kha ka phawi ṭhan. Cu bantuk cun vawlei pumpi kha a si lai.

JEREMIAH 1:10

Zohhmanh nihin ah hin nangmah cu miphun hna cung le pennak hna cungah, phawi awk le ṭheh awkah, hrawh awk le hral awkah, sak awk le phun awkah kan chiah cang,” tiah a ti.

ISAIAH 54:1

Jerusalem, nangmah cu fa a ngei lomi nu bantuk na si. Sihmanhsehlaw atu cu hla na sa kho cang i lunglawm in na au kho cang. A va nih a kaltak bal lomi nu nakin fa tam deuh na ngei cang lai.

ISAIAH 38:5

Hezekiah sinah khan va kal law, “Na pu David i a Pathian Bawipa keimah nih na thlacamnak kha ka theih i na mitthli kha ka hmuh, kum hleinga kan nunter rih lai.

SALM 113:9

Fa a ngei kho lomi nu kha upatnak a pek hna i fa a ngeimi lunglawmmi nu ah a ser hna. Bawipa cu thangṭhat u! a ser hna. Bawipa cu thangṭhat u!

SALM 52:5

Cucaah Pathian nih an hrawh zungzal cang lai; an tlaih lai i na thlam chungin an chuah lai, a nungmi hna ram in an dawi lai.

JOB 14:14

Cucaah ka rian cu zeitluk in a sau hmanh ah ka lung a dong lai lo i Ka luatnak ding cu ka rak hngah ṭhiuṭheo ko lai.

2 SIANGPAHRANG 4:16

Cun anih nih, “Atu tikah hin, a caan a phak tikah, fapa na pom lai,” tiah a ti. Cun anih nih, “Maw Pathian mi, bawipa, na salnu hi ka hleng hlah hen,” tiah a ti.

1 SIANGPAHRANG 13:2

Cun mipa nih cun Bawipa bia in biakṭheng cu a auhnawh i, “Maw biakṭheng, biakṭheng, Bawipa nih hi bangin a ti: ‘Zohhmanh, David innchungkhar chungah fapa pakhat, a min Josiah a simi a chuak lai; cun nangmah cung i zihmui a khangmi khuahrum bo tlangbawi hna cu nangmah cungah hin rai ah a thawi hna lai i mi ruh cu nangmah cungah hin khangh a si lai,’ a ti,” tiah a ti.

1 SAMUEL 2:5

A khim tawnmi cu rawl kawl ah kuli an ṭuan, Sihmanhsehlaw a ṭam tawnmi cu an ṭam ti lo. A cingmi nih pasarih a hrin cang hna. Sihmanhsehlaw fa tampi a ngeimi kha cihai in a um.

DEUTERONOMI 34:5

Cu bangin Bawipa sal Moses cu Bawipa bia ningin Moab ram chungah a thi i,

GENESIS 47:29

A thih caan kha a naih tikah a fapa Josef kha a auh i, “Ka sinah bia i kam tuah. Na kut kha ka phei tangah chia law, na cungah ka ṭha lai i zumhawktlak tein ka um lai. Izipt ram ah kan vui lai lo tiin, bia i kam.

GENESIS 17:21

Cun ka biakamnak cu, Sarah nih kumvoi atu tik i an hrinpiak laimi na fapa Isak sinah ka fehter lai,” a ti.

PHUNGTHLÛKBIA 24:27

Lenglei thil vialte kha ṭha tein tim dih hmasa hna, Cun na lo kha sersiam hna law cu hnuah cun nupi ṭhit le innlo khuasak tintuk cu a si lai.

ISAIAH 28:24

Lothlopa nih a lo cu, thlaici tuhnak caah ti in a thuan lawng a thuang zungzal bal lo.