PHUNGCHIMTU 3:11 - Lai (Hakha) Common Language Bible 2006

¹¹ Zeizong vialte hi anmahle an caan te a serpiak cio hna; cun hmailei thil hngalh duhnak kha minung kan lungthin chungah a chiah i asinain Pathian nih a tuahmi kha tling tein hngalh khawhnak kha cu a kan pe lo.

PHUNGCHIMTU 3:11 Referans Kwoze

ROM 11:33

Pathian hi a va rum hringhran dah! A fimnak le a hngalhnak hi an va thuk hringhran dah! Biakhiahnak a tuahmi hi aho nih dah a sullam an purh khawh lai? A thil tining hi aho nih dah an hngalh khawh lai?

JOB 11:7

Pathian thil thuk hna cu na hmuh khawh hna maw? Lianngan Bik ṭhawnnak a donghnak cu na hmuh khawh maw?

PHUNGCHIMTU 8:17

sihmanhsehlaw Pathian nih a tuahmi thil cu hngalh khawh lo ṭhiamṭhiam a si peng ko, ti kha ka hngalh. Zei tluk hmanh in i zuam law na hngal bal lai lo. Mifim nih kan hngalh an ti hnga, sihmanhsehlaw an hngal lo.

JOB 5:9

Amah nih thil lianngan hna le ruah phak lomi thil hna le khuaruahharmi thil kha rel cawk loin a tuah hna:

GENESIS 1:31

Pathian nih a sermi thil vialte cu a zoh i a lung a si ngaingai. Zanlei cu a hung dih i zinglei kha a hung um, cucu ni ruknak ni cu a si.

MARKA 7:37

Cun a theimi paohpaoh cu an khuaruah a har dih. “A tuahmi thil hi an va ṭha hringhran dah! Hnachet kha an hna a awnter hna i a holh kho lomi zong kha holh kho in a tuah hna,” tiah an thangṭhat.

DEUTERONOMI 32:4

“Lungpi bantukin an hupphengtu a si, A lam vialte cu a dik i a hmaan. Zumhawktlak le hlen hmang lo Pathian a si, Amah cu a ding i a dik.

SALM 104:24

Bawipa, na sermi thil hi an tam hringhran ko! An dihlak in fimnak in na ser hna. Vawlei cu na sermi thil in a khat.

PHUNGCHIMTU 7:29

Ka va hngalhmi cu mah vial hi a si ko: Pathian nih hin cun minung hi tliang tein a kan ser ko, sihmanhsehlaw kanmah le kanmah nih hin hnawk ngaiin kan i ser.

ROM 1:28

Pathian kong hngalh taktak cu minung nih khan an lung chung i chiah an duh lo caah a thurhnawmmi lungthin ngeih awkah khan a thlah hna i cucaah cun tuah awk a si lomi thil kha an tuah.

MATTHAI 13:22

Hling lak i a tlami thlaici cu Vancung Pennak kong kha a theih cu a thei i sihmanhsehlaw hi vawlei cung khuasak tintuknak kong i lungretheihnak le chaw le va duhnak nih cu bia cu a thah i thei a tlai lomi hna kha an si.

MATTHAI 11:27

Ka Pa nih zeizong vialte kha ka kut chungah a ka pek dih. Pa dah ti lo nih cun ahohmanh nih Fapa kha an ka hngal lo i Fapa le an sinah a phuanmi hna dah ti lo nih cun ahohmanh nih Pa kha an hngal lo.

JOB 37:23

Lianngan Bik cu kannih nih kan hmu kho lo; Amah a ṭhawnnak cu kannih nih kan hngalh khawh leng a si, A dinnak cu biading tuah awkah khan a khul a nuar lo.

PHUNGTHLÛKBIA 16:4

Bawipa nih zeizong vialte hi anmah ca i tinh ciomi caah khan a ser hna, miṭhalo hna hmanh hi, harnak ni caah a ser hna.

PHUNGCHIMTU 1:13

Vanrang toiah mi nih an tuahmi thil vialte hi ka hneksak hna lai i a sullam hngalh kaa zuam hna lai. Pathian nih minung kan cungah thil a kan khinhmi hi a nuam lo ngaimi a si ko.

PHUNGCHIMTU 7:13

Pathian rianṭuanmi hi va ruat tuah, a kawiter cangmi cu aho nih dah a dinter khawh lai?

PHUNGCHIMTU 7:23

Mah hi thil vialte hna hneksaknak caah hin ka fimnak kha ka hman. Fim hrimhrim kaa tim; sihmanhsehlaw cucu ka ti khawh leng a si.

PHUNGCHIMTU 11:5

Nu nih fa an pawimi ruh chungah zeitindah thlarau kha a luh ti kha na hngalh lo bantukin zeizong vialte a sertu Pathian rian ṭuannak cu na hngal kho ve bal lai lo.