PHUNGCHIMTU 1:16 - Lai (Hakha) Common Language Bible 2006

¹⁶ Keimah le keimah cu, “Mingan ka si cang, keimah hlan i Jerusalem a rak uktu hna nakkhan a let tam piin ka fim deuh. Fimnak le hngalhnak hi zeidah an si, ti kha ka hngalh hna,” ka ti.

PHUNGCHIMTU 1:16 Referans Kwoze

PHUNGCHIMTU 2:9

Ka ngan taktak ko, Jerusalem khua i a rak ummi aho nak hmanh khan ka ngan deuh ko i ka fim ngaingai fawn.

1 SIANGPAHRANG 4:30

Cucaah Solomon fimnak nih nichuahlei mi vialte fimnak le Izipt fimnak vialte kha a lonh dih hna.

1 SIANGPAHRANG 10:7

sihmanhsehlaw an chimmi cu keimah hrim ka rat i keimah mit hrim nih a hmuh hlanah cun ka zum lo; cun zohhmanh, a cheu hmanh an rak ka chimh ṭung lo; na fimnak le na rumnak nih ka rak theihmi bia cu a lonh diam.

HEBRU 5:14

Sihmanhsehlaw rawl taktak cu upa nih khan an ei khawh; annih cu chia le ṭha thleidan khawhnak a ngei cangmi an si.

SALM 4:4

Ṭihnak ngei u law nan sualnak kha ngol hna u; hi thil hi nanmah lawng tein nan inn khaan chungah thuk piin ruat tuah u. Selah

2 CHANRELNAK 2:12

Huram nih cun hi ti zong hin a ti fawn, “Bawipa, Israel Pathian, van le vawlei a ser i Bawipa caah biakinn le amah caah siangpahrang inn i saknak ding caah ruahnak fim le hngalhthiamnak a ngeimi fapa David Siangpahrang a petu cu thangṭhat si ko seh.

DANIEL 4:30

“Mah hihi a liannganmi Babilon, keimah nih siangpahrang umnak caah keimah ṭhawnnak a nganmi le keimah upatnak langhternak caah ka sermi a si lo maw?” tiah a au.

JEREMIAH 22:14

‘Keimah caah inn nganpi pakhat ka sak lai i Cungdot khaan kau pipi ka ser hna lai, Thlalangawng ka ser hna lai, Sidar thing in ka ṭamh lai i si sen ka thuh lai,’ a timi cu A cungah ningzahnak tlung ko seh.

SALM 77:6

Zan khuadei fak piin khua ka ruat; khua ka ruat lengmang i keimah le keimah kaa halmi cu hihi a si:

2 SIANGPAHRANG 5:20

Pathian mi Elisha i a sinum Gehazi nih khan, “Zohhmanh, ka bawipa nih Siria mi Naaman cu, a rak i phorhmi laksawng cohlang loin fawi tuk in a luatter cang. Bawipa a nun bangin, a hnu in ka hei dawi lai i amah sinin zeilo tetal ka va lak tuah lai,” tiah a ti.

1 SIANGPAHRANG 5:9

Ka sinum hna nih Lebanon tlang in rili ah an vun kalpi lai; cun na ka tinhmi hmun i rili in kalpi awkah puum ah ka ser hna lai i khika ah cun ka phoihter hna lai i nang nih na rak lak hna lai; cun ka duhnak cu ka innchungkhar cu rawl na rin hna lai,” tiah a ti.

PHUNGCHIMTU 2:1

Kaa nuam tuah lai, lunglawmh timi hi a sullam zeidah a si ka kawl tuah lai, ka ti. Sihmanhsehlaw hi zong hi pakpalawng men a si ko.

PHUNGCHIMTU 2:15

Mihrut cung i a tlungmi thil kha keimah cung zongah a tlung ve ko lai. Cucaah ka fim hi zei ṭhathnemnak a um hlah i? ka ti. Zeihmanh ṭhathnemnak a um lo, a um hrimhrim lo.

PHUNGCHIMTU 3:17

Ka lung chungin Pathian nih miding le miṭhalo cu aa khat rep in bia a ceih ko hna lai, zeicahtiah kan hmailei vawlei zong hmanh ah khin zeizong vialte hi anmahle an caan te cio ah an tling cio ko lai, ka ti.