NEHEMIAH 9:6 - Lai (Hakha) Common Language Bible 2006

⁶ Nangmah lawnglawng hi Bawipa cu na si; nangmah nih van cu na ser, a sang bik van cu a chung i a ummi thil vialte he na ser hna i vawlei le a cung i a ummi thil vialte zong hi na ser hna i rili le a chung i a ummi thil vialte zong hi na sermi an si dih. An dihlak hin nangmah nih na hmunhter hna i van i a ummi thil vialte nih khin nangmah cu an in biak.

NEHEMIAH 9:6 Referans Kwoze

ISAIAH 37:16

“Ralkapbu Bawipa, Pathian bawiṭhutdan cungah a ṭhu mi, nangmah lawnglawng hi Pathian na si i vawlei cung pennak vialte a uk dihtu na si. Nangmah nih van le vawlei kha na ser hna.

GENESIS 1:1

A hramthawk ah, Pathian nih van le vawlei a ser hna tikah,

BIAPHUAN 4:11

“Kan Bawipa le kan Pathian, Nangmah cu sunparnak le upatnak le lianhngannak kha hmuh awkah aa tlakmi na si. Zeicahtiah zeizong vialte kha nangmah nih na ser hna i Nangmah duhnak bangin annih cu ser an si i nunnak an ngei,” tiah an ti.

DEUTERONOMI 10:14

Zohhmanh, a sang bik van hna le, vawlei le a chungah a ummi thil vialte hi, Bawipa na Pathian ta an si dih;

DEUTERONOMI 6:4

“Thei hmanh, maw Israel: Bawipa hi kan Pathian a si, Bawipa lawnglawng hi;

ISAIAH 44:8

Ka mi hna, nan thinphang hlah u. Thil um lai ding vialte kha hlanlio piin atu tiang, ka rak chimchung cang kha nan hngalh i ka tehte cu nanmah nan si. Pathian dang aho tal an um maw? Lungpi dang ahohmanh an um lo, ka hngalhmi pakhat hmanh an um lo.

ISAIAH 44:6

Israel mi kha a uk i a hupphengtu hna Bawipa, Ralkapbu Bawipa nih hitin a ti: “Keimah cu a hmasa bik le a hmanung bik ka si, Keimah lawnglawng hi Pathian ka si i Keimah chim lo a dang pathian zeihmanh an um lo.

2 SIANGPAHRANG 19:15

Cun Bawipa hmaiah cun Hezekiah nih thla a cam i, “Maw Bawipa, Israel Pathian, cherubim cungah a ṭhumi, vawlei cung pennak vialte hna Pathian cu nangmah lawnglawng hi na si; nangmah nih van le vawlei kha na ser hna.

GENESIS 2:1

Cuticun vawlei le van le vawlei le vancung i a ummi thil vialte cu ser an si.

ISAIAH 43:10

“Israel mi hna, ka tehte cu nanmah hi nan si, tiah Bawipa nih a ti; ka sal si awkah ka thimmi cu nanmah hi nan si, cucaah cun nan ka hngalh i nan ka zumh awk a si, keimah lawnglawng hi Pathian cu ka si ti kha nan hngalh awk a si. Keimah hleiah pathian dang zeihmanh an um lo, an rak um bal lo i hmailei zongah an um bal lai lo.

BIAPHUAN 14:7

Aw thang piin, “Pathian kha ṭih u law a lianhngannak kha thangṭhat u. Zeicahtiah amah nih minung vialte bia a ceih hna lai caan kha a phan cang. Van le vawlei le rili le tiput a sertu kha bia u,” a ti.

SALM 36:6

Na dinnak cu tlang nganpi bantukin a fek i na biakhiahnak cu rilipi bantukin a thuk. Bawipa, nangmah nih minung le saram cu na zohkhenh hna.

1 SIANGPAHRANG 8:27

“Sihmanhsehlaw Pathian cu vawlei cungah cun khua a sa taktak hnga maw? Zohhmanh, van le a sang bik van nih hin an in tlum lo, zeitindah hi keimah sakmi inn chinchin nih cun an tlum hnga!

HEBRU 1:3

Amah cu Pathian sunparnak in a ceu i Pathian he aa lo taktakmi kha a si; cun van le vawlei kha, ṭhawnnak a ngeimi a bia in a domhtlaih hna. Minung cu an sualnak kha a thianhpiak dih hna hnu in vancung ah khin Lianngan Bik Pathian orhlei kamah a ṭhu.

HEBRU 1:6

Pathian nih a fater cu vawlei cung i a thlah tikah, “Pathian vancungmi vialte nih amah cu an biak awk a si,” a ti.

ISAIAH 37:20

Cucaah Bawipa kan Pathian, kannih cu Assiria mi hna kut chungin kan khamh ko sawh; cuticun vawlei cung miphun vialte nih nangmah lawnglawng Pathian na si kha an hngalh lai,” a ti.

SALM 86:10

zeicahtiah Pathian, nangmah lawnglawng hi a ṭhawngmi na si, nangmah lawnglawng hi khuaruahhar a tuah khotu na si.

2 SIANGPAHRANG 19:19

Cucaah maw Bawipa, kan Pathian, vawlei cung pennak vialte nih, maw Bawipa, nangmah lawnglawng hi Pathian na si ti kha an hngalh naklai, amah kut chung hin kan khamh ko, tiah kan nawl,” tiah a ti.

EZEKIEL 20:11

Khika ah annih cu ka nawlbia kha ka pek hna i ka phunglam kha ka cawnpiak hna, annih nih zul hna seh law nung hna seh tiah.

SALM 146:6

amah nih cun van le vawlei le rili le an chung i a ummi thil vialte kha a ser hna.

SALM 103:21

Vancung i a ummi ṭhawnnak vialte hna, Bawipa cu thangṭhat tuah u, a duhnak a tuahmi a sal vialte hna, Bawipa cu thangṭhat tuah u,

SALM 33:6

Bawipa nih a nawlbia in van khi a ser hna, ni le thlapa le arfi khi a bia in a ser hna.

1 SIANGPAHRANG 22:19

Cun Mikaiah nih cun, “Cucaah Bawipa bia cu thei tuah: Bawipa cu a bawi ṭhutdan cungah a ṭhut i vancung ralkapbu vialte a orhlei le a kehlei ah a pawng i an dir kha ka hmuh;

JOHAN 10:30

Ka Pa le keimah cu pakhat kan si,” tiah a ti.

GENESIS 32:2

A hmuh hna tikah, “Hi hi pei Pathian ralkapbu a si hi,” a ti i cucaah cuka hmun cu a min ah Mahanaim a sak.

LAMKALTU 4:24

Annih nih an theih tikah hmunkhatte ah Pathian sinah thla an cam i, “Bawipa, van le vawlei le rili le an chung i a ummi thil vialte a Sertu,

NEHEMIAH 9:5

Cun Levi mi Jeshua, Kadmiel, Bani, Hasshabneiah, Sherebiah, Hodiah, Shebaniah le Pethahiah nih hi bangin an thangṭhat: “Dir u law Bawipa nan Pathian cu ‘Zungzal in zungzal tiang, sunparnak na min cu thangṭhat a si i thangṭhatnak vialte le hlorhnak vialte nakin a cungnung deuh.

SALM 24:10

A liannganmi siangpahrang cu ahodah a si? Amah cu ralkapbu Bawipa, a liannganmi siangpahrang kha a si! Selah a si! Selah

SALM 102:25

hlanpi ah vawlei cu na rak ser cang, Nangmah nih na kut hrimhrim in van khi na ser hna.

SALM 115:15

Van le vawlei a sertu Bawipa nih cun, thluachuahnak in pe ko hna seh!

ISAIAH 45:12

Vawlei a sertu cu keimah ka si i a cung um dingah mi a sertu cu keimah ka si. Ka ṭhawnnak in van cu ka samh hna i ni le thlapa le arfi cu ka uk hna.

JONAH 1:9

Cun Jonah nih cun aa thawh i, “Kei cu Hebru mi ka si, Bawipa, vancung Pathian, rili le vawlei a sertu a biami ka si,” tiah a leh hna.

GENESIS 1:9

Cun Pathian nih cun, “Van tang i a ummi ti cu hmun khat ah i pum hna seh law vawlei kha hung lang seh,” tiah nawl a pek i cu bang cun a hung si.

DEUTERONOMI 32:39

“ ‘Atu cu hngal tuah u, Keimah, keimah hi, amah cu ka si i Keimah hleiah pathian dang zeihmanh an um lo; Keimah nih ka thah, keimah nih ka nunter ṭhan, Keimah nih hma ka banh, keimah nih ka damter i Ka kut chungin a ka chut khotu ahohmanh an um lo.

SALM 124:8

Bawmhnak kan hmuhnak cu Bawipa sinin a si, amah cu van le vawlei a sertu a si.

JEREMIAH 32:17

‘Maw Bawipa Pathian, Na ṭhawnnak a nganmi le samhmi na ban in van le vawlei hi na ser hna; nangmah caah a si kho lomi thil zeihmanh a um lo.