NEHEMIAH 9:5 - Lai (Hakha) Common Language Bible 2006

⁵ Cun Levi mi Jeshua, Kadmiel, Bani, Hasshabneiah, Sherebiah, Hodiah, Shebaniah le Pethahiah nih hi bangin an thangṭhat: “Dir u law Bawipa nan Pathian cu ‘Zungzal in zungzal tiang, sunparnak na min cu thangṭhat a si i thangṭhatnak vialte le hlorhnak vialte nakin a cungnung deuh.

NEHEMIAH 9:5 Referans Kwoze

1 PETER 1:3

Kan Bawipa Jesuh Khrih i a Pathian le a Pa cu lawm ko u sih. Zeicahtiah a zaangfahnak a nganmi ruangah kannih cu Jesuh Khrih thihnak in a thawhternak khan, nunnak thar a kan pek. Cucaah kannih cu zumhnak nung in kan khat i

2 KORIN 4:6

“Muihnak chungin ceunak hung ceu seh,” tiah a titu Pathian ṭhiamṭhiam kha kan lung chungah amah ceunak a ceutertu cu a si; Khrih hmai cungah a ceumi Pathian sunparnak hngalhnak ceunak kha a kan pek.

MATTHAI 11:25

Khi caan ah khan Jesuh nih aa thawh i, “Maw ka Pa, van le vawlei a uktu. A fimmi le cathiammi hna sinin na thuhmi kha cathiam lomi hna sinah na langhter caah na cungah ka lawm.

EZRA 3:11

cun annih nih Bawipa cu an thangṭhat i an lawmh i, “Bawipa sin i lunglawmhnak chim hi a ṭha; Zeitintiah a fekmi a dawtnak cu Israel leiah zungzal in a hmun,” tiin an i sak tonh. Bawipa inn hram cu bunh a si caah mi vialte nih Bawipa cu an thangṭhat tikah fak piin an au.

1 CHANRELNAK 29:13

Cucaah kan Pathian, nangmah cu kan in lawmh i a sunglawimi na min cu kan thangṭhat.

SALM 146:2

Ka nun chung vialte amah cu ka thangṭhat lai; nunnak ka ngeih chung paohpaoh ka Pathian cu hla in ka thangṭhat lai.

SALM 145:5

Mi nih na sunparnak le lianngannak kha an chim lai, kei nih thil khuaruahhar na tuahmi kha ka ruat hna lai.

SALM 145:2

Nifate in kan thangṭhat lai i a zungzal in kan lawmh lai.

SALM 134:1

Bawipa sal vialte hna, ra u law Bawipa cu thangṭhat u sih, zan i a biakinn chung i rian a ṭuanmi vialte hna, amah cu thangṭhat u sih.

SALM 106:2

Aho nih dah thil lianngan a tuahmi vialte cu a chim cawk lai? Aho nih dah zaa lak in an thangṭhat khawh lai?

SALM 16:2

Bawipa cu ka thawh i, “Nangmah cu ka Bawipa na si; thil ṭha ka ngeihmi vialte hi nangmah sinin ka hmuhmi an si,” ka ti.

2 CHANRELNAK 20:19

Cun Levi mi Kohath pawl hna le Korah pawl hna kha Bawipa, Israel Pathian cu aw thang piin thangṭhat awkah an dir.

2 CHANRELNAK 20:13

Cu lioah cun Judah mi vialte hna cu an ngakchia hna le an nupi le an fale hna he, Bawipa hmaiah khan an dir.

1 CHANRELNAK 29:20

Cun David nih aa pummi vialte hna cu, “Bawipa, nan Pathian cu thangṭhat ko u,” tiah a ti hna. Cun aa pummi vialte nih Bawipa, an pupa hna Pathian cu an thangṭhat i an lu an khun i Bawipa cu an biak i siangpahrang cu hmaizahnak an pek.

1 CHANRELNAK 29:11

Maw Bawipa, lianhngannak le ṭhawnnak le sunparnak le teinak le upatnak cu nangmah ta an si ko; zeitintiah vancung le vawlei cung i a ummi thil vialte cu nangmah ta an si dih; maw Bawipa, pennak cu nangmah ta a si i nangmah cu zeizong vialte cungah cungnung bik na si.

1 SIANGPAHRANG 8:27

“Sihmanhsehlaw Pathian cu vawlei cungah cun khua a sa taktak hnga maw? Zohhmanh, van le a sang bik van nih hin an in tlum lo, zeitindah hi keimah sakmi inn chinchin nih cun an tlum hnga!

1 SIANGPAHRANG 8:22

Cun Solomon cu Bawipa biakṭheng hmaiah khan Israel mi aa pummi vialte hna hmuh ah cun a dir i van leiah a kut a phar hna i,

1 SIANGPAHRANG 8:14

Cun siangpahrang cu a hnulei aa mer i Israel mi aa pummi vialte cu an dir lioah Israel mi aa pummi vialte cu thluachuah a pek hna.

DEUTERONOMI 28:58

“Hi a lianngan i ṭihnung a simi min, Bawipa nan Pathian, hi nan ṭih nakhnga ca i hi cauk chungah ṭial a simi phungbia vialte hi ṭha tein nan zulh ṭung lo ahcun,

EXODUS 15:11

“Bawipa, pathian hna lakah hin ahodah nangmah bantuk a um? Ahodah nangmah bantukin a thiangmi a um hna? Ahodah nangmah bantukin khuaruahharmi thil a tuah khomi a um i a liannganmi thil tuahnak ah ṭih awk a simi a um?

EXODUS 15:6

Bawipa, na orhlei kut a ṭhawngmi cu khuaruahhar a si; ral pawl kha a den cikcek hna.

1 SIANGPAHRANG 8:15

Cun aa thawh i, “Ka pa David sinah, ‘Ka mi Israel mi hna cu Izipt ram in ka chuahpi hna ni thawk in, Israel mi hna phun chung i khua zeihmanh kha, ka min umnak ding i inn saknak caah, ka thim lo;

NEHEMIAH 9:4

Levi mi hna hleiah khan Jeshua, Bani, Kadmiel, Shebaniah, Bunni, Sherebiah, Bani le Khenani kha an dir i Bawipa an Pathian kha fak piin an auh.

NEHEMIAH 9:6

Nangmah lawnglawng hi Bawipa cu na si; nangmah nih van cu na ser, a sang bik van cu a chung i a ummi thil vialte he na ser hna i vawlei le a cung i a ummi thil vialte zong hi na ser hna i rili le a chung i a ummi thil vialte zong hi na sermi an si dih. An dihlak hin nangmah nih na hmunhter hna i van i a ummi thil vialte nih khin nangmah cu an in biak.

BIACEIHTU 13:18

Cun Bawipa vancungmi nih cun amah sinah, “Zeicahdah ka min na ka hal, khuaruahhar a si tiah na hngalh ko ṭung?” tiah a ti.

1 CHANRELNAK 16:36

Bawipa, Israel Pathian cu, zungzal in zungzal tiang thangṭhat si ko seh!” ti tuah u. Cun mi vialte nih, “Amen!” tiah an ti. Bawipa kha an thangṭhat.

JOB 1:21

Cun aa thawh i, “Ka nu paw chungin taklawng in ka chuak i taklawng in ka kir ṭhan lai; Bawipa nih a ka pek i Bawipa nih a lak ṭhan; Bawipa min cu thangṭhat si ko seh,” tiah a ti.

SALM 66:2

A sunglawimi a min kha hla in thangṭhat u, sunparnak in thangṭhat u.

SALM 99:3

A lian a ngan i rumra a ngeimi a min cu mi vialte nih an thangṭhat lai. Amah cu Mi Thiang a si.

DANIEL 2:20

Fimnak le ṭhawnnak vialte cu a ta a si caah Pathian min cu chan khat hnu chan khat thangṭhat si ko seh.