MIKAH 4:5 - Lai (Hakha) Common Language Bible 2006

⁵ Mi vialte hna cu anmahle an pathian min cio ah an kal ko lai, Sihmanhsehlaw kannih cu Bawipa kan Pathian min in a zungzal in kan kal lai.

MIKAH 4:5 Referans Kwoze

ZEKHARIAH 10:12

Sihmanhsehlaw Israel ṭhawnnak cu Bawipa chungah a si lai i A min in sunglawi ngaiin an kal lai. Mah hihi Bawipa bia hrimhrim a si.

KOLOSE 3:17

Pathian kan Pa cu Khrih thawngin nan lawmh caah, nan tuahmi thil si hna seh, nan chimmi bia si hna seh, Bawipa Jesuh min in si dih ko hna seh.

JOSHUA 24:15

Cun Bawipa biak kha nan duh lo a si ahcun nihin ni ah hin nan biak ding cu i thim u; Tiva khattelei ral ram ah nan pupa hna nih an biakmi pathian hna maw, asiloah, an ram nan umnak a simi Amor mi pathian hna dah nan i thim lai; kei le kan innchungkhar tu nih cun Bawipa kha kan biak ko lai,” tiah a ti

ISAIAH 2:5

Atu cu, Jakob tefa hna, Bawipa nih a kan pekmi ceunak chungah cun i chawk cang u sih!

SALM 48:14

Pathian cu a zungzal in kan Pathian a si i hmailei i a ra ding caan vialte ah a kan hruai lai, tiah nan chimh khawh hna lai.

KOLOSE 2:6

Khrih Jesuh cu nan Bawipa ah nan i lak cang caah, amah he i pehtlai in nung u.

ISAIAH 26:8

Nangmah duhnak kha kan zul i nangmah kha kan in bochan; kan duhmi cu nangmah na si ko.

2 SIANGPAHRANG 17:34

Nihin ni tiang hin hlan i an rak tuahning khan an tuah ko. Annih nih Bawipa kha an bia lo i Bawipa nih Israel tiah min a sakmi Jakob i a tefa hna sinah nawl a pekmi nawlbia si hna seh, phunglam si hna seh, phungbia siseh, phung siseh, an zul lo.

2 SIANGPAHRANG 17:29

Sihmanhsehlaw miphun kip nih anmahle an pathian cio kha an i ser hna i Samaria mi nih an rak sermi khuahrum bo i hmunthiang hna ah khan an chiah hna, miphun kip nih an mahle an umnak khua cio ah khan an chiah hna.

GENESIS 17:1

Abram cu kum sawm kua le kum kua a si tikah Bawipa cu a sinah a lang i, “Kei cu Lianngan Bik Pathian ka si. Na nun chung vialte ka nawl ka ngai law soi awk zeihmanh um loin um.

SALM 71:16

Bawipa Pathian, na ṭhawnnak cu ka thangṭhat lai, na dinnak, nangmah dinnak lawnglawng kha ka thanh lai.

LAMKALTU 14:16

Hlanah cun mi vialte kha anmah duhning cio lam zulh kha a onh ko hna.

ISAIAH 26:13

Bawipa, kan Pathian, midang nih an kan uk, sihmanhsehlaw kan Bawi cu nangmah lawnglawng na si.

DEUTERONOMI 27:10

Cucaah Bawipa nan Pathian aw cu nan ngaih lai i nihin ah kan pekmi hna a phungbia hna le a nawlbia hna cu nan ulh hna lai,” tiah an ti.

SALM 20:6

Atu cu Bawipa nih a thimmi siangpahrang kha teinak a pek ti ka hngalh cang; a thiangmi a vancung khin a run leh i a ṭhawngmi a lianhngannak in teinak kha a pek.

JEREMIAH 32:40

Annih he zungzal in a hmunmi biakamnak kha ka ser lai i donglo in ka ṭhatnak in ka vorh hna lai; an lung kha keimah ṭihnak in ka khahter lai i keimah sinin an pial ti lai lo.