MATTHAI 8:9 - Lai (Hakha) Common Language Bible 2006

⁹ Kei zong ka cunglei bawi nawl tang i a ummi ka si i ka tang zongah ralkap an um ve. Pakhat cu, ‘Kal,’ ka ti i a kal ve ko, cun a dang pakhat cu, ‘Ra,’ ka ti i a ra ve ko; cun ka sal cu, ‘Hihi tuah,’ ka ti i a tuah ve ko,” tiah a leh.

Laibaibal Thiang (BSI)

⁹ Zeitintiah kei zong nawlngeihnâk tang i a ummi ka si, kakut tang zongah ralkap an um. ‘Kal’ ka timi an kal i, ‘Ra’ ka timi an ra; ka sin um sinah, hihi tuah, ka ti ahcun an tuah ko,” tiah a ti.

MATTHAI 8:9 Referans Kwoze

TITAS 2:9

Sal hna kha, nan bawile cu an nawl ngai hna u law an lung lawmhter hna u, tiah chim hna. An bia an leh lakmak hna awk a si lo i an thil zong an fir awk a si lo.

KOLOSE 3:22

Salle hna, nan bawile kha zeizong ah an nawl ngai hna u. An mit hmuh lawngah an lungton i zuam loin Bawipa nan hmaizah caah lungthin tak tein an nawl ngai hna u.

LUKA 7:8

Keimah zong hi bawi ngan deuh kut tang i a ummi ka si, cun keimah kut tang zongah cun ralkap an um ve. Hi pa cu, Kal, ka ti ah a kal ko i khi pa cu, Ra, ka ti ah a ra ko; cun ka sal zong cu, Hihi tuah, ka ti ah a tuah ko, a ti tiah va chim u,” a ti hna.

LUKA 4:39

Jesuh cu a va kal i a ihkhun pawngah khan a dir i a zawtnak cu a sik. A taklin nih cun a thlah i chikkhatte ah a tho i a bultawl hna.

SALM 148:8

Nimtlau le rial, hawhra le khuadawm, a nawl a ngaimi thlichia, nannih nih Bawipa cu thangṭhat ko u!

SALM 119:91

Nangmah nawlbia thawngin zeizong vialte hi nihin ni tiang an hmun, zeicahtiah zeizong vialte cu an dihlak in na sal an si.

MATTHAI 8:8

Ralbawipa nih cun, “Aa, bawipa, si hlah! Nang ka inn i rat dingah hin kaa tlak lo. Nawl hei pe law ka sinumpa cu a dam ko lai.

MATTHAI 8:10

Cu bia cu Jesuh nih a theih tikah a khuaruah a har i a zulmi mizapi hna cu, Hi pa bantukin zumhnak a ngeimi Israel mi hna lakah ahohmanh ka hmu rih hna lo.

MARKA 1:27

Mizapi cu an khuaruah a har tuk hringhran i, “Mah hihi zeidah a si ee? Cawnpiaknak thar phun khatkhat maw a si? Hi pa nih hin khuavang kha chuak u, a ti hna i an ngaih ko dah ngai” tiah an ti lengmang.

LUKA 9:1

Jesuh nih pahleihnih hna kha hmunkhat ah a auh hna i khuachia ṭhawl khawhnak le zawtnak damter khawhnak ṭhawnnak le nawlngeihnak kha a pek hna.