MATTHAI 7:6 - Lai (Hakha) Common Language Bible 2006

⁶ “A thiangmi thil cu uico kha va pe hna hlah u — an i let lai i nanmah lehlam kha an in seh hna lai. Nan lungvar cu vok hmaiah va thla hlah u, vok nih cun a lamh in an lamh men ko lai.

Laibaibal Thiang (BSI)

⁶ A thiangmi thil cu uico vape hlah; vok hmaikâ zongah lungvar va chia hlah; an lamh chih lai i nangmah tiangin an in thlehbauh sual lai.

MATTHAI 7:6 Referans Kwoze

PHUNGTHLÛKBIA 23:9

Mihrut theihhngan ah cun bia va chim len hlah, Fimnak bia na chimmi cu zeihmanh ah a rel ṭung lai lo.

PHUNGTHLÛKBIA 26:11

A hruhnak a nolh ṭhan lengmangmi mihrut cu, A luak a kirhnawh ṭhantu uico bantuk a si.

FILIPI 3:2

Thil ṭhalo a tuahmi hna kha i ralring hna u, nan cuarpar nan i tan awk a si a ti pengmi uico hna kha i ralring hna u.

MATTHAI 15:26

Jesuh nih cun, “Ngakchia rawl cu i lak riangmang i uico pek cu a hmaan lo,” tiah a leh ṭhan.

HEBRU 10:29

Cu hmanh cu ti a si ahcun, Pathian Fapa zei i a rel lomi cu zeitindah tuah a si lai? Sualnak in a thianhtu Pathian biakamnak thisen zei i a rel lomi cu zeitindah tuah a si lai? Vel a ngeimi Thlarau a nihsawhtu cu zeitindah tuah a si lai? A in laimi dantatnak cu zeitluk in dah a ngan chinchin lai, ruat ko hmanh.

2 PETER 2:22

An tuahsernak nih hin, “Uico nih cun a luak a ei ṭhan,” ti le, “Vok cu kholh hnuah nawncek ah aa bual ṭhan,” timi phungthlukbia kha an hmaanter ngaingai.

MATTHAI 24:10

Cu caan ah cun mi tampi nih an zumhnak kha an hlawt lai i pakhat le pakhat an i rawi lai i pakhat le pakhat an i hua lai.

PHUNGTHLÛKBIA 11:22

Aa dawh ngai nain ruah thiamnak a ngei lomi nu cu vok hnar sui tumbul tonh bantuk a si.

HEBRU 6:6

Cun annih cu an tlu. Annih cu ngaihchihnak ah kirpi ṭhan khawh an si ti lo. Pathian Fapa kha vailam ah an khenh ṭhan ca le zapi hmaiah ningzak ngaingai in an tuah ṭhan caah ngaihchihnak ah kirpi ṭhan khawh an si ti lo.

2 KORIN 11:26

Ka khualtlawnnak ah hin voi tampi tilian ṭihnung ka ton, mifir ṭihnung ka ton hna, ka phunhawi Judah mi hna sinin le Jentail mi hna sinin harnak ka hmuh, khuapi chungah khuapi chung ummi thil ṭihnung ka ton hna, ramlak ah ramlak i a ummi thil ṭihnung ka ton hna, rili cungah rili cung i a ummi thil ṭihnung ka ton hna i ka hawikom taktak a rak si lo, mi hlennak kha ka huah tawn.

PHUNGTHLÛKBIA 26:4

Mihrut cu a hruhning in let hlah, amah bantuk na si ve sual lai.

MATTHAI 7:5

Mi depdepa, na mit chung i thingtan kha chuah hmasa law pei, na unau mithnawm cu fiang tein na hmuh lai i na coihpiak khawh lai cu!

BIAPHUAN 22:15

Sihmanhsehlaw uico bantuk a simi hna le eih thiammi hna le horduhcuaimi hna le lainawngmi hna le siasal biami hna le bia in siseh tuahnak in siseh lih a chimmi hna kha cu, khuapi lengah cun an um lai.