MATTHAI 7:24 - Lai (Hakha) Common Language Bible 2006

²⁴ “Cucaah hi ka bia a thei i a zulmi cu lung cungah a inn a sami mifimpa bantuk a si.

Laibaibal Thiang (BSI)

²⁴ Cucaah, hi ka bia a thei i a zulmi cu mifim, lungpi cungah inn a satu he tahchunh a si;

MATTHAI 7:24 Referans Kwoze

JOHAN 13:17

Atu cu hi biatak hi nan hngalh cang; nan tuah taktak ahcun zeitluk in dik nan i lawmh lai!

LUKA 11:28

Sihmanhsehlaw Jesuh nih a thawh i, “Pathian bia kha a thei i a ngaimi caah cun zeitluk in dik lunglawmhnak a si chinchin,” tiah a leh.

1JOHAN 2:3

Pathian kha a nawl kan ngaih ahcun, amah kha kan hngalh tiah fiang tein kan hngalh.

SALM 111:10

Bawipa ṭih hi fim hram i thawh cu a si; cu bantukin a nungmi cu hngalhnak ah an ṭhang, Bawipa cu zungzal in thangṭhat si ko seh.

PHUNGTHLÛKBIA 10:8

A fimmi nih cun nawlbia kha a lung chungah aa ken, sihmanhsehlaw mihrut mikatam cu ngaihchiatnak a phan lai.

JOHAN 14:15

“Nan ka dawt ahcun ka nawlbia kha nan zulh hna lai.

JOHAN 15:14

Kan fialmi hna nan tuah ahcun nannih cu ka hawile nan si.

JOB 28:28

Cun minung cu a thawh i, ‘Zohhmanh, Pathian ṭih hi fimnak cu a si, ṭhat lonak hrial hi hngalhthiamnak cu a si,’ tiah a ti,” a ti.

JOHAN 15:10

Ka Pa nawlbia kha ka ngaih i a dawtnak chungah ka um bantukte hin ka nawlbia nan ngaih ahcun kan dawt hnanak chungah hin nan um ve lai.

MATTHAI 12:50

Vancung i a ummi ka Pa nih tuah hna seh ti a duhmi a tuahmi paoh cu, ka nau le ka far le ka nu an si ko,” tiah a ti.

SALM 119:99

Na cawnpiaknak kha ka ruah hna caah, ka sayate vialte nakin ka hngal deuh.

SALM 119:130

Na kan cawnpiaknak fianternak nih khan ceunak a chuahpi, hngalhnak a tlawmmi kha fimnak a pek hna.

PHUNGTHLÛKBIA 14:8

Zeicahdah mifim cu a fim? Zeidah ka tuah lai ti kha aa hngalh caah a fim. Zeicahdah mihrut cu a hruh? Ka hngalh tiah aa ruah caah a hrut.

PHUNGTHLÛKBIA 10:25

Thlichia nih miṭhalo cu a choih hna, sihmanhsehlaw miding cu an him.

PHUNGTHLÛKBIA 12:7

Miṭhalo cu an tla i cucu an donghnak a si, sihmanhsehlaw miding hna tefa cu an i peh lengmang.

MATTHAI 7:25

Ruah a sur, ti a lian, thlitu nih fak piin a hranh. Sihmanhsehlaw lung cung i sakmi a si caah khan a pur lo.

MATTHAI 7:26

“Sihmanhsehlaw hi ka bia a thei i a zul lomi cu thetse cungah a inn a sami mihrutpa bantuk a si.

MATTHAI 16:18

Cucaah cun nang cu lung tum, Peter, na si, kan ti. Cun hi lungpi cungah hin ka Khrihfabu hram ka bunh lai i cucu thihnak hmanh nih a tei kho lai lo.

MATTHAI 24:45

“Cu a si caah aho cu dah zumh awk a tlakmi le a fimmi sal cu a si? Cu bantukin zumh awk a tlak i a fimmi sal cu, a Bawipa nih a sal hawi zohkhenhtu dingah, a caan hmaan tein an rawl a petu dingah, a chiahmi kha a si.

MATTHAI 25:2

Panga cu an hrut i panga cu an fim.

MATTHAI 25:4

A fimmi tu nih cun an meiinn he khan, zinan khat tein an rawnmi thawl kha an i ken chih cio.

MATTHAI 25:9

A fimmi hna nih cun, ‘A si kho lai lo. Nanmah ca he kanmah ca he cun kan ngeihmi hi a za lai lo. Chawdawr ah va kal u law vaa cawk ko u; tiah an leh hna.

ROM 2:13

Zeicahtiah cun minung cu Pathian he remter a sinak cu Nawlbia theih thawngin si loin Nawlbia nih tuah u a timi tuah thawngin a si.