MATTHAI 4:24 - Lai (Hakha) Common Language Bible 2006

²⁴ Amah thawng cu Siria ram zongah khan a thang dih i zawtnak a phunphun in a zawmi vialte hna le harnak a phunphun a ingmi hna kha amah sinah cun an ratpi hna: khuavang nih a tuahmi hna le mitlu a simi hna le a zengmi hna kha a damter dih hna.

Laibaibal Thiang (BSI)

²⁴ Cuticun a thawngpang cu Siria ram vialte ah a thang; zawtnâk le fahnâk phunkip a tuarmi kha an ratpi hna, cheukhat cu khuachia tuahmi, mitlu le mizeng an si i arak damter dih hna.

MATTHAI 4:24 Referans Kwoze

MATTHAI 17:15

“Bawipa, ka fapa hi ka zaangfahpiak tuah. Amah cu mitlu a si i a tluk tikah hin mei chung le ti chung zongah a tlu tawn.

MATTHAI 8:6

“Bawipa, ka sinumpa cu a zaw i inn ah a ril ko, a cawl zong a cawlcang kho lo i a zual ngaingai ko,” tiah a ti.

LUKA 5:15

Sihmanhsehlaw Jesuh thawng cu a thang chinchin i mirun tampi nih a bia ngaih awkah le an zawtnak in damter awkah an fuh.

LUKA 2:2

Hi milu relnak hmasa bik a hung um ah hin Kuirinias cu Siria ram uktu a rak si.

MATTHAI 17:18

Jesuh nih khuachia cu, chuak, a ti i a chuak i cu caan thawk te cun ngakchiapa cu a dam colh.

MATTHAI 15:22

Cuka ram i a ummi Kanaan minu pakhat cu a sinah a ra i, “David Fapa, ka zaangfah tuah. Ka fanu cu khuavang nih a tuah i awlokchong in a um ko,” tiah fak piin a au.

MATTHAI 12:22

Cun Jesuh sinah cun, mipa pakhat khuachia nih a tuah ruangah a mit a caw i a holh kho lomi kha an ratpi. Jesuh nih cun a rak damter i cucaah a holh kho i khua zong a hmu kho.

LAMKALTU 10:38

Cu thil lianngan cu, zeitindah Pathian nih Nazareth khuami Jesuh kha Thiang Thlarau le ṭhawnnak a toih i Pathian nih a umpi caah zeitindah khuazakip ah aa chawh i khuachia ṭhawnnak tangah a ummi vialte a damter hna kha a si.

LAMKALTU 15:23

A tanglei ca hi an kut cun an kuat hna: “Kannih, lamkaltu hna le upa hna, nan unau hna nih, Antiok, Siria le Silisia i a ummi unau vialte, chuahkehnak lei in Jentail mi a simi nan kut kan in tlaih hna.

MARKA 2:3

cu lioah cun mi pali nih a zengmipa pakhat kha an rak zawnh.

MARKA 1:32

Zanlei, ni a tlak hnuah khan Jesuh sinah cun a zawmi vialte le khuavang nih a tuahmi vialte hna kha an ratpi hna i

MATTHAI 4:23

Jesuh cu Galilee ram dihlak ah khan aa chawk i pumhnak inn ah khan a cawnpiak hna i pennak Thawngṭha kha a chimh hna i zawtnak le fahnak a ingmi a phunphun kha a damter hna.

EXODUS 15:26

Bawipa nan Pathian ka bia kha ṭha tein nan ngaih i a ding ka timi kha nan tuah i ka nawlbia kha nan zulh hna i ka phunglam kha nan tuah hna ahcun, Izipt mi cungah ka tluntermi rai kha nan cungah ka tlunter lai lo. Keimah cu an damtertu hna Bawipa ka si,” a ti.

LAMKALTU 15:41

Siria le Silisia ram kha an ṭol hna i khrihfabu kha an thazang an fehter hna.

LUKA 4:14

Cun Jesuh cu Galilee ah khan a ra kir i Thiang Thlarau cu a sinah khan a um. Cuka hrawng vialte cu amah kong kha a thang dih.

MARKA 1:28

Cucaah Jesuh thawngpang cu Galilee ram hmun kip ah khan a thang.

MATTHAI 14:1

Cu caan ah cun Galilee ram uktu Herod nih khan Jesuh kong cu a rak theih.

1 CHANRELNAK 14:17

Cun David minthannak nih cun ram vialte kha a cul dih i miphun vialte cungah amah ṭihnak kha Bawipa nih a tlunter.

1 SIANGPAHRANG 10:1

Sheba siangpahrangnu nih Bawipa min kong i Solomon minthannak kha a theih tikah, amah cu a harmi biahalnak in hneksak awkah a ra.

1 SIANGPAHRANG 4:31

Zeitintiah amah cu midang vialte nakin a fim deuh, Ezrah mi Ethan le Mahol fapa hna Heman, Kalkol le Darda nakin a fim deuh; cun a min cu a pawngkam ram dihlak ah a thang.

JOSHUA 6:27

Cucaah Bawipa cu Joshua sinah a um i cu ram chung vialte ah cun a min a thang.

JOHAN 10:21

Sihmanhsehlaw a cheu nih, “Khuachia a ngeimipa nih cun hi bantukin bia a chim kho hnga lo. Zeitindah khuachia nih cun mitcawmi mit cu a deiter khawh lai,” an ti ve.

MATTHAI 9:35

Cuticun Jesuh cu khuapi he khuate he a tlawng duahmah hna. An pumhnak inn ah khan a cawnpiak hna i Vancung Pennak kong Thawngṭha kha a chimh hna i a zaw a fakmi kip kha a damter hna.

MATTHAI 9:26

Cu thawng cu cuka hrawng ram vialte ah cun a thang dih.

MATTHAI 8:28

Jesuh cu Rili khattelei ral Gadarin mi hna ram kha a va phan i, miruak vuinak lungkua chungin a ra chuakmi mi pahnih nih an rak ton. Hi hna hi an chung i khuachia a ngeimi an si i ṭih an nun tuk hringhran caah cu lam ah cun ahohmanh an kal ngam lo.

2 SAMUEL 8:6

Cun David nih Damaskas khua chung i Aram ah khan ralvengtu ralkapbu a chiah hna i Siria mi cu David sal ah an cang i ngunkhuai kha an pek. Cun Bawipa nih David cu a kalnak kip ah khan teinak a pek lengmang.

1 CHANRELNAK 29:2

Cucaah kan Pathian biakinn ca thilri cu ka ti khawh chungin ka damh hna. Sui thilri ca sui, ngun thilri ca ngun, dar thilri ca dar, thir thilri ca thir, thing thilri ca thing kha ka damh hna. Cuhleiah, ṭamhnak caah oniks lungvar tampi le lung tampi, cun antimoni lungvar, lung a mui a phunphun a simi hna, lung mansung a phunphun le marbal lung kha tampi ka damh hna.

MATTHAI 8:33

Vok zohkhenhtu hna cu khulrang in khua ah cun an va le i cu kong cu le khuachia nih a tuahmi hna kong kha an va chimh hna.

MARKA 2:4

Asinain mi an tam tuk caah Jesuh sin kha an phakpi kho lo. Cucaah Jesuh cung zawn inncung kha an baoh i mipa cu a ihphah cung i a ih bu khan an vun thlak.

MARKA 2:9

Hi mizengpa sinah hin, ‘Na sualnak kan ngaihthiam,’ ti maw a fawi deuh, ‘Tho tuah, na ihphah kha i put law kal,’ ti dah a fawi deuh?

LUKA 4:38

Jesuh cu pumhnak inn khan a chuak i Simon inn ah a kal. Simon nupi nu cu a rak zaw i a tak a lin ngaingai i cu kong cu Jesuh kha an chimh.

LUKA 5:24

Cucaah vawlei cungah hin Mi Fapa nih sual ngaihthiam khawhnak nawl a ngei ti kha nannih sinah ka langhter lai,” tiah a ti hna. Cucaah mizengpa cu a thawh i, “Tho law na ihkhun kha i cawi law inn ah va ṭin,” tiah a ti.

LAMKALTU 8:7

Mi tampi chungin khuachia kha aupah in an chuak i a zengmi le a beimi mi tampi kha damnak an hmu.

LUKA 7:17

Jesuh thawngpang cu Judea ram vialte le a pawngkam ram ah khan a thang dih.

LAMKALTU 28:9

Hi thil thawng hin cuka tikulh i a ummi mizaw vialte kha an ra i damnak kha an hmuh.