MATTHAI 3:12 - Lai (Hakha) Common Language Bible 2006

¹² A kut in facang zahnak sisiap cu aa put i rawl cu a zah dih hna lai; a fang cu buk ah a rawn hna lai i a hi cu a mit lomi mei in a khangh hna lai,” tiah a ti.

Laibaibal Thiang (BSI)

¹² A kut in sisiap â put i hrih ah facang kha a zah lai, a fangṭha kha bukah a khumh hna lai, asinain a hi vialte cu a mit kho lomi mei ah khangh an si dih lai,” tiah a ti hna.

MATTHAI 3:12 Referans Kwoze

MALAKHI 4:1

A vaam huammammi somei bantukin cu ni cu a ra; miporhlaw vialte hna le ṭhat lonak a tuahmi vialte hna cu favai an si lai, cun cu ni cu a rat tikah, cu ni nih cun annih cu a alhter hna lai i an hram le an nge zong tang loin a kangh dih hna lai, tiah ralkapbu Bawipa nih a ti.

MATTHAI 13:30

Rawl kung le belh cu hmunkhat ah rawl ṭuan caan tiang ṭhang ṭi ko hna seh. Cun khi tikah rawl ṭuantu pawl cu ka thawh hna lai i: Belh kha bawt hmasa hna u law mei chung i paih awkah tom hna u; cun rawl kha ṭuan hna u law ka buk chungah rawn hna u, ka ti hna lai,’ a ti,” tiah a ti.

LUKA 3:17

Amah nih cun a ṭalawn kha aa put i rawl kha a zah hna lai; a fang ṭha cu buk chungah a rawn hna lai, sihmanhsehlaw a hi cu a mit lomi mei chungah a khangh hna lai,” tiah a ti.

JEREMIAH 51:2

Cun Babilon ah facang vamtu ka thlah hna lai i Amah cu an vamh lai i a ram cu an hrawh lai; Harnak ni a tlun tikah a kenkip in an tuk lai.

ISAIAH 41:16

Van ah na hlerh hna lai i thlitu nih a choih hna lai; thlichia nih a kenkip ah a ṭhek dih hna lai. Sihmanhsehlaw nang cu naa lawm lai, zeicahtiah keimah cu na Pathian ka si, Israel Pathian thiang keimah cu na ka thangṭhat lai.

MATTHAI 13:41

Mi Fapa nih hin vancungmi kha a thlah hna lai i a Pennak chung i ṭhat lonak a tuahtu vialte hna le mi a sualtertu vialte hna kha an pumh hna lai i

SALM 1:4

Sihmanhsehlaw miṭhalo cu hi bangin an si lo, Thli nih a chawihmi favai bantuk an si.

JEREMIAH 7:20

Cucaah Bawipa Pathian nih hi bangin a ti: Zohhmanh u, hi hmun cungah hin, minung cung le saṭil cungah, lo chung thingkung hna le vawlei theitlai cungah, ka thinhunnak ka bungh lai; a kang lai i a mit ti lai lo.

JOHAN 15:2

Thei a tlai lomi ka nge vialte kha a tan dih hna i thei a tlaimi nge vialte kha an tlai chinchin nakhnga a thianh hna.

JEREMIAH 15:7

Ka vamh hna i ram chung khua kip ah khan ka ṭhek hna; Annih nih an lam kha an hlawt duh lo caah an cungah ngaihchiatnak ka tlunter i ka mi cu ka hrawh hna.

JEREMIAH 17:27

Sihmanhsehlaw sabbath ni kha thiang tein ulh awk le sabbath ni ah thil phorh lo le Jerusalem kutka ah luhpi lo awk i ka bia kha nan ngaih lo ahcun, hi kutka hna cu mei in ka khangh hna lai; Jerusalem khua i siangpahrang inn hna kha a kangh hna lai i a mit lai lo,” tiah a ti.

ISAIAH 30:24

Nan lei a thuangtu cawtum hna le laa hna nih khan cawhlek le fungṭe in an thianhmi ram rawl ṭha bikbik kha an ei lai.

ISAIAH 17:13

Miphun hna cu hmailei ah rili tilet bangin an kal, sihmanhsehlaw Pathian nih a sik hna i an kir, tlang cung i thli nih a choihmi leidip bantuk le phuchim nih a choihmi capawl bantuk an si.

ISAIAH 5:24

Cucaah cun facangzi le ramro cu an ker i an kangh bantukin, Israel Pathian a thiangmi Ralkapbu Bawipa nih a kan cawnpiakmi kha nan ngaih duh lo caah nan hram cu a thu lai i nan par cu a ro lai.

ISAIAH 1:31

Thing ro cu meici nih a alhter bantukin miṭhawng hna cu amah tuahmi lila nih a hrawh hna lai i cu bantukin an rawhnak cu ahohmanh nih an kham kho lai lo.

SALM 35:5

thli nih a choihmi capawl bantuk si hna seh, Bawipa vancungmi nih a dawimi bantuk si hna seh.

JOB 21:18

Pathian nih a thinhun in miṭhalo cu dan a tat hna in, thlitu nih a choihmi capawl le thlichia nih a choihmi leidip bantuk ah a ser bal hna maw?

MATTHAI 13:43

Cun Pathian mi hna cu an Pa Pennak chungah ni bangin an ceu lai. Cucaah hna nan ngeih ahcun, thei ko u,” tiah a ti.

AMOS 9:9

Keimah nih nawlbia kha ka chuah lai i Miphun vialte hna lakah khan Israel mi cu ka vamh hna lai, Mi nih fingrilh an rilh i cu fingrilh chungin lungtekem pakhat hmanh vawlei ah a tlak lo bantukin Israel mi cu ka rilh hna lai.

HOSEA 13:3

Cucaah cu mi hna cu zinglei minmei bantukin an ṭian lai i, A lo zaumi dap bantukin an lo lai. Annih cu phuhri in thli nih a choihmi capawl bantuk an si lai i, Meikhu chuahnak in a chuakmi meikhu bantuk an si lai.

JEREMIAH 4:11

Khi tikah hi mi hna le Jerusalem khuami hna cu hitin chimh an si lai: Thetse ram tlangpar kawng in ka mi hna leiah thli lin a hrang, Cu thli cu vamhnak caah a si lo, thianternak ca zongah a si lo;

ISAIAH 66:24

“An chuah pah ah a ka dohtu hna an ruak kha an hmuh lai. An sa a eitu tholung kha zeitikhmanh ah an thi lai lo i a kanghtu hna mei kha zeitikhmanh ah a mit lai lo. Annih cu an hmuh hna tikah mi vialte cu an luak a chuak lai.”

ISAIAH 27:4

Ka mitsur dum cungah ka thin a hung ti lo. Sam len awk hling le so um hna seh law ka duh hnga. Um hna seh law a khangh in ka khangh dih hna hnga.

MATTHAI 13:42

meiphu chungah an paih hna lai, cuka ah cun an ṭap lai i an hacang an rial lai.

LUKA 3:16

Cucaah Johan nih cun an dihlak in a thawh hna i, “Kei nih cun tiin tipilnak kan pek hna, sihmanhsehlaw keimah nakin a ngan deuh ngaingaimi a ra lio. A kedan hri phoihtu hmanh ah kei cu kaa tlak lo. Amah nih cun Thiang Thlarau le mei in tipilnak an pek hna lai.

ISAIAH 28:28

Changvut fang cu parh cikcek in a naang bal lo, a fang kha rawk lo tein cawleng kha a rialter.