MATTHAI 26:35 - Lai (Hakha) Common Language Bible 2006

³⁵ Peter nih cun, “Na sin i ka thih ve ding a si hmanh ah, amah cu ka hngal lo, kan ti bal lai lo,” tiah a leh. Cu bantuk cun zultu dang vialte zong nih khan an ti cio.

Laibaibal Thiang (BSI)

³⁵ Peter nih, “Na thih nâkah thiding ka si hmanhah kan hlawt hrimhrim lai lo,” tiah a ti. Lamkaltu vialte zong nih cubantukin an ti cio.

MATTHAI 26:35 Referans Kwoze

ROM 11:20

Cucu ahmaan ko. Annih cu an zumh lo ruangah khiah an si, nannih cu nan zumh ruangah nan umnak hmun ah nan um. Sihmanhsehlaw cu kong ah nan lung puam sual hlah u; a ṭih in ṭih lehlam u.

JOHAN 13:37

Peter nih, “Bawipa, zeicahdah atu ah cun kan zulh khawh lai lo? Na caah thih ka ngamh ko dahkaw?” tiah a ti.

1 PETER 1:17

Pathian sin i thla nan cam tikah, amah cu kan Pa tiah nan kawh; amah nih cun mi vialte kha an tuahning cio ah duhdanh zeihmanh um loin bia a ceih hna. Cu Pathian cu a sin i thla nan cam tikah, kan Pa, tiin nan kawh ṭung ahcun, hi vawleicung nan nun lioah hin amah upat bu tein nan um awk a si.

FILIPI 2:12

Cucaah ka dawtmi ka hawile hna, nan sin ka um i ka bia nan ngaih zungzal bantuk khan lamhlat i ka um zongah hin ka nawl ngai chinchin ko u ti kan duh hna. Nan khamhnak a tlin khawh nakhnga, ther le phang lengmang in ṭuan ko u.

1 KORIN 10:12

Ka dir kho ko tiah aa ruatmi cu a tluk sualnak hnga lo i ralring seh.

PHUNGTHLÛKBIA 29:23

Mi cu aa porhlawtnak nih tangah a ṭhumh lai, sihmanhsehlaw toi dornak lungthin a ngeimi cu upatnak a hmu lai.

PHUNGTHLÛKBIA 28:14

Bawipa a ṭih zungzalmi cu mi thluachuak an si, sihmanhsehlaw a lung a hahtermi cu vanchiatnak chungah an tla lai.

EXODUS 19:8

Cun mi zapi nih khan an dihlak in, “Bawipa nih a chimmi paoh cu kan tuah dih lai,” an ti. Mi zapi nih an lehnak kha Moses nih khan Bawipa cu a chimh ṭhan.

MATTHAI 10:33

Sihmanhsehlaw zapi hmaiah, amah mi ka si lo, tiah aa phehmi cu vancung khua i a ummi ka Pa hmaiah cuticun ka ti ve hna lai.