MATTHAI 24:44 - Lai (Hakha) Common Language Bible 2006

⁴⁴ Cu ruangah cun nannih zong timh cia tein nan um zungzal awk a si, zeicahtiah Mi Fapa cu nan i rin lo caan ah khin a ra ko lai.

Laibaibal Thiang (BSI)

⁴⁴ Cucaah nannih zong ralring tein um u, zeitintiah nan i ralring lo cân ah nan Bawipa a ra sual lai.

MATTHAI 24:44 Referans Kwoze

MATTHAI 25:10

Cucaah a hrutmi ngaknu hna cu zinan cawk awkah khan chawdawr ah cun an va kal i cu karah nupi ṭhi tlangvalpa cu a rak phan. Timh cia tein a ummi ngaknu panga hna cu nupi ṭhit rawldanghnak chungah khan amah sinah cun an lut i innka kha an khar.

MATTHAI 25:13

Cucaah cun, a ni siseh, a caan siseh, nan hngalh ṭung lo caah ralring tein um ko u.

MATTHAI 24:42

Cucaah nan Bawipa a rat lai ni nan hngalh lo caah ralring tein um ko u.

LUKA 12:40

Cucaah nannih zong i ralring ve u, zeicahtiah a ra lai tiah nan zumh lo caan ah khin Mi Fapa cu a ra ko lai,” tiah a ti.

FILIPI 4:5

Mi vialte sinah nemnak tein va um u. Bawipa cu tuan ah a ra lai.

MATTHAI 24:27

Zeicahtiah Mi Fapa cu van ah nichuahlei in nitlaklei tiang aa lekmi nimtlau bantukin pei a rat lai cu.

BIAPHUAN 19:7

I lawm u si law i nuam u sih; a lianngannak cu thangṭhat u sih! Zeicahtiah Tuufa nupi ṭhit caan cu a phan cang i a ṭhit laimi ngaknu cu aa tim cang.

JEIM 5:9

Harnak nan ton tikah pakhat le pakhat i mawhchiat hlah u. Cu ti nan um ahcun Pathian nih bia an ceih sual hna lai. Biaceihtu cu lamnai te ah a um ko i a rung lut zau ko lai.

MATTHAI 24:43

Hihi philh hlah u: Inn ngeitu nih mifir a rat lai caan kha hngal seh law, hngilh lo tein a rak um hnga i mifir kha a inn chungah a luhter hnga lo.

LUKA 12:39

Cun nannih nih hihi i cinken u: Inn ngeitu nih mifir a rat lai caan kha a hngalh ahcun mifir kha a inn cu a bauhter lai lo.

LUKA 21:36

Hi a tlung hnga dingmi thil vialte hi him tein chuak lakin nan tan khawh nakhnga, thazang nan ngeih nakhnga le Mi Fapa hmaiah nan dir khawh nakhnga, ralring tein um u law thla va cam zungzal ko u,” tiah a ti.