MATTHAI 18:7 - Lai (Hakha) Common Language Bible 2006

⁷ Vawlei cungah hin cu bantuk tlukrilhnak a um caah a va poi hringhran dah! Cu bantuk cu a um ṭheoṭheo ko lai, sihmanhsehlaw cu bantuk a umtertu caah cun ṭihnung a si hringhran ko.

Laibaibal Thiang (BSI)

⁷ Tluknâk ruangah vawlei hi chiatserh si ko seh. Zeitintiah tluknâk kha a um awk hrimhrim a si; asinain tluknâk a umtertu cungah chiatserhnâk tlung ko seh.

MATTHAI 18:7 Referans Kwoze

LUKA 17:1

Jesuh nih a zultu kha a chimh hna i, “Sualnak chungah mi a tlaktertu thil cu an um ṭheo lai; sihmanhsehlaw cu thil hna a umtertu caah cun ṭihnung a va si dah!

1 KORIN 11:19

(Aho hi dah ahmaan ti hngalhnak caah a si ahcun, i ṭhen zong cu a ṭha ve sawk.)

MATTHAI 26:24

Mi Fapa cu Cathiang nih a thi lai a tining khan a thi lai, sihmanhsehlaw Mi Fapa a rawitu caah cun ngaihchia a si ko. Cu pa cu chuak loin rak um seh law a caah a ṭha deuh hnga,” tiah a ti.

JUDAS 1:4

Zeicahtiah kan lakah hin Pathian zei i a rel lomi kha kan hngalh loin an lut i anmah ziaza ṭhalo thuhphenhnak caah khan Pathian vel kong kha ahmaan loning in an chim i kan Uktu le kan Bawipa a simi Jesuh Khrih kha an hlawt. Hi bantuk mi hna cu sualphawt an si lai ti kha Cathiang nih hlanpi in a rak chimchung cang.

TITAS 2:8

Soi khawh lo ding bia ṭha kha hmang hna law, na ral pawl kha kan thangchiatnak zeihmanh chim awk an ngeih lai lo caah an ning tu zak seh.

TITAS 2:5

mah le mah aa uk khomi an si nakhnga le a thiangmi an si nakhnga le innchungkhar khuasak ṭha tein a zohkhenh khomi an si nakhnga le an vale bia a ngaimi an si nakhnga, thil ṭha nan cawnpiak hna lai, tiah nutar deuh pawl cu na chimh hna lai. Cuti an tuah ahcun Thawngṭha cu mi nih an thangchiat kho lai lo.

1TIMOTE 6:1

Sal nih nan bawile cu hmaizah awktlak ah nan rel hna awk a si. Cuti nan tuah lo ahcun kan Pathian min le kan in cawnpiakmi hna kha thangchiatnak nan hmuhter sual hna lai.

LAMKALTU 1:16

“Ka u le ka nau hna, Jesuh a tlaitu hna lam hruaitu Judas kong ah, Thiang Thlarau nih David ka in a chimchungmi bia, Cathiang chung i aa ṭialmi kha a tlin awk a herh.

JOHAN 17:12

Annih sin i ka um lioah hin cun, na ka pekmi hna cu na min ṭhawnnak in ka huhphenh hna i him tein ka chiah hna. A tlau ding a rak si hrimmi dah kha ti lo cu pakhat hmanh an tlau lo — kha zong kha Cathiang a tlin nakhnga caah a si ko.

MARKA 13:7

Cun lamnai i raltuknak thawng nan theih ah siseh, lamhla i nan theih ah siseh, nan awlok chong hlah u. Cu bantuk cu a um awk a si ko, sihmanhsehlaw a donghnak a phan cang, tinak a si lo.

2 SAMUEL 12:14

Sihmanhsehlaw mah hi thil na tuah thawngin Bawipa kha na zawmhtaih ngaingai cang caah, na hrinmi na fa cu a thi lai,” tiah a ti. Cun Nathan cu a inn ah a ṭin.

1 SAMUEL 2:17

Cu bangin tlangval hna sualnak cu Bawipa mit hmuh ah khan a ngan ngaingai ko, zeicahtiah annih nih Bawipa sin pekchanhnak kha zawmhtaih serhsat in an tuah.

GENESIS 13:7

Cucaah Abram saṭil cawng hna le Lot saṭil cawng hna kha an i si lengmang. (Cu lioah cun Kanaan mi hna le Periz mi hna kha cu ram chungah cun an um ko rih).

MATTHAI 16:23

Jesuh cu a hun i mer i Peter cu, “Satan, ka sinah um hlah. Na ruahnak hi Pathian ruahnak si loin minung ruahnak a si caah ka caah dawntu na si,” tiah a ti.