MATTHAI 18:16 - Lai (Hakha) Common Language Bible 2006

¹⁶ Sihmanhsehlaw na bia a ngaih duh lo ahcun, Cathiang nih, ‘Sual puhnak paohpaoh cu ahmaan hmaanlo ti hngalhnak caah tehte pahnih maw pathum dik a hau,’ a ti bang khan, mi dang pakhat maw pahnih dik naa kalpi hna lai.

Laibaibal Thiang (BSI)

¹⁶ Asinain na bia a ngaih duh lo ahcun, mi dang pakhat, asiloah pahnih maw nâ sawm lai; cuticun bia vialte hi mi pahnih, asiloah pathum theihpinâk in fehter a si lai.

MATTHAI 18:16 Referans Kwoze

DEUTERONOMI 19:15

“Mi pakhatkhat cu tuahnak ṭhalo kongah siseh, nawl buarnak a tuahmi he aa tlaimi sualnak kongah siseh, biahngaltu pakhat lawng cu a za lai lo; biahngaltu pahnih maw pathum hna nih an chimnak lawngin sualpuhnak cu fehter a si lai.

2 KORIN 13:1

Atu hi kan tlawn hna a voi thumnak a si lai. Cathiang nih a ti bantukin, “Sual i puhnak cu tehte pahnih nih maw pathum nih maw, ahmaan an ti awk a si.”

1TIMOTE 5:19

Khrihfa upa cu thil ṭhalo pakhatkhat an puh tikah cu kong a hngaltu tehte pahnih tal an um lo ahcun, zei ah relpiak duh hna hlah.

JOHAN 8:17

Nan Phung chungah pei, tehte pahnih an bia aa khen ahcun an chimmi cu ahmaan, tiah aa ṭial kha.

HEBRU 10:28

Moses Nawlbia a zul lomi cu, tehte pahnih chimnak in, a sual tiah hmuh a si ahcun, zaangfahnak um loin thah a si.

DEUTERONOMI 17:6

Thih awk hnga a simi cu biahngaltu pahnih maw pathum hna chimnak in thah a si lai; biahngaltu pakhat chimnak in cun ahohmanh thah an si lai lo.

NAMBAR 35:30

Mi pakhatkhat nih mi a thah ahcun lainawngtu cu hngaltu hna chimmi bia ningin thah a si lai; sihmanhsehlaw hngaltu pakhat lawng chimmi bia cu thah awk biakhiahnak caah a za lo.

1 SIANGPAHRANG 21:13

Cun mi ṭhiṭhalo pahnih hna kha an ra i a hmaiah khan an ṭhu; cun mi ṭhiṭhalo hna nih khan mi zapi hmaiah cun Naboth cu bia an puh i, “Naboth nih Pathian le siangpahrang kha chiat a serh hna,” an ti. Cucaah khua lengah an chuahpi i thi lakin lung in an cheh.

BIAPHUAN 11:3

Ka tehte pahnih kha ka thlah hna lai, annih cu buri an i aih lai i ni thong khat le za hnih le sawm ruk chung Pathian bia kha an chim lai.