MATTHAI 16:14 - Lai (Hakha) Common Language Bible 2006

¹⁴ Annih nih, “A cheu nih Tipil petu Johan a si, an in ti. A cheu nih, Elijah a si, an in ti, a cheu nih Jeremiah maw profet pakhatkhat dik a si, an in ti,” tiah an leh.

Laibaibal Thiang (BSI)

¹⁴ Annih nih, “Cheukhat nih, Baptisma petu Johan an in ti, cheukhat nih Elijah an in ti, cheukhat nih, Jeremiah maw, profet pakhat khat a si lai, an in ti,” tiah an ti.

MATTHAI 16:14 Referans Kwoze

MARKA 6:15

Sihmanhsehlaw a cheu nih cun, “Elijah a si,” an ti. Cun a cheu nih cun, “Hlanlio profet ngan pakhatkhat hna bantuk khan profet a si ve ko,” an ti.

MATTHAI 14:2

A bawi pawl kha a thawh hna i, “Amah hi tipil petu Johan kha a si hrimhrim ko lai: thihnak in a tho ṭhan i a si lai. Cucaah cun khuaruahhar tuah khawhnak ṭhawnnak a ngeih hi a si lai,” tiah a ti.

MALAKHI 4:5

A lian a ngan i ṭih a nungmi ni, Bawipa ni cu a phak hlanah, nan sinah profet Elijah kha ka rak thlah lai.

JOHAN 9:17

Cucaah Farasi mi hna nih khan mipa cu an hal ṭhan i, “Na mit an damter va si kaw, zeitindah amah cu na ruah?” an ti. “Amah cu profet a si, tiah ka ruah,” tiah a leh hna.

JOHAN 7:12

A kong kha a thli in an i ceih lulh ko i a cheu nih, “Mi ṭha a si,” an ti; a cheu nih, “Sihlah, mi kha a hlen hna,” an ti.

LUKA 9:8

Midang nih, Elijah kha a hung lang cang, an ti i a dang nih hlan lio pi i a rak ummi profet pakhatkhat a hung nung ṭhan, an ti.

MARKA 8:28

Annih nih, “A cheu nih, Tipil petu Johan a si, an in ti. A cheu nih Elijah a si, an in ti. A cheu nolh nih, profet pakhatkhat a si, an in ti,” tiah an leh.

MATTHAI 17:10

Cun a zultu pawl nih Jesuh cu, “Zeicahdah Phungbia cawnpiaktu saya pawl nih, Elijah cu a rat hmasa awk a si, an ti?” tiah an hal.

JOHAN 1:21

Cun annih nih cun, “Ahodah na si kun? Elijah tah na si maw?” tiah an hal. Johan nih cun, “Ka si lo,” tiah a leh hna. Annih nih, “Profet cu tah na si maw?” an ti. Anih nih, “Ka si lo,” tiah a ti hna.

JEREMIAH 1:1

Jeremiah bia, amah cu Benjamin ram chung Anathoth khua i a ummi tlangbawi hna chung mi Hilkiah fapa a si;

MATTHAI 3:1

Cu caan ah cun Tipil petu Johan kha a hung chuak i Judea ram ramcar chungah khan phung a chim.

MATTHAI 16:15

Cun a thawh hna i, “Nannih tah, aho a si nan ka ti dah?” tiah a hal hna.