MATTHAI 13:47 - Lai (Hakha) Common Language Bible 2006

⁴⁷ “Vancung Pennak cu rili chung i chehmi sur, nga phun zakip a tlaitu bantuk a si.

Laibaibal Thiang (BSI)

⁴⁷ Vanbawi pennâk cu rili chung i lênkhang zam i nga phunkip an awhmi bantuk a si.

MATTHAI 13:47 Referans Kwoze

JOHAN 15:6

Ka chungah a um lomi cu mitsur nge car bantukin lengah hlonh an si ko. Cu bantuk nge cu an pumh hna i mei ah an paih hna i cuka ah cun an kang dih.

BIAPHUAN 3:1

“Sardis khua i a ummi Khrihfabu vancungmi sinah hi bangin va ṭial tuah: Hi bia hi Pathian thlarau pasarih le arfi pasarih a ngeimi bia kha a si. Na tuahmi kha ka hngalh, a nungmi a si tiah na min a thang nain na thi ko.

MARKA 1:17

Jesuh nih cun a thawh hna i, “Ka zul tuah u, mi tlaitu ah kan ser hna lai,” tiah a ti hna.

GALATI 2:4

a cheu nan unau ka si ve aa titermi hna, kan bu chung i aa fon vemi hna bel nih i tan seh ti an duh. Hi hna hi kan bu chungah a thli in a rung lutmi an si i annih nih dothlat an duhmi cu Khrih Jesuh he kan i pehtlaihnak thawngin kan hmuhmi luatnak kong kha a si. Kannih cu sal i ser kha an kan duh.

2 KORIN 11:26

Ka khualtlawnnak ah hin voi tampi tilian ṭihnung ka ton, mifir ṭihnung ka ton hna, ka phunhawi Judah mi hna sinin le Jentail mi hna sinin harnak ka hmuh, khuapi chungah khuapi chung ummi thil ṭihnung ka ton hna, ramlak ah ramlak i a ummi thil ṭihnung ka ton hna, rili cungah rili cung i a ummi thil ṭihnung ka ton hna i ka hawikom taktak a rak si lo, mi hlennak kha ka huah tawn.

LAMKALTU 20:30

Cun nanmah bu chung lila zong hin mi a cheu nih a zummi hna kha anmah lei i hruai awkah lih an chim lai caan kha a phan lai.

LUKA 5:10

Simon hawile hna Jeim le Johan, Zebedi fapa hna zong kha, cu bantuk ṭhiamṭhiam cun an um. Jesuh nih Simon cu a thawh i, “Na thinphang hlah, atu thawk in mi na tlai cang hna lai,” tiah a ti.

MATTHAI 4:19

annih cu Jesuh nih cun a hei auh hna i, “Ka zul u, mi tlaitu si awk kan cawnpiak hna lai,” tiah a ti hna,

1 KORIN 11:19

(Aho hi dah ahmaan ti hngalhnak caah a si ahcun, i ṭhen zong cu a ṭha ve sawk.)

JOHAN 15:2

Thei a tlai lomi ka nge vialte kha a tan dih hna i thei a tlaimi nge vialte kha an tlai chinchin nakhnga a thianh hna.

EZEKIEL 47:10

Engedi in En-eglaim tiang a kam ah cun ngatlai pawl nih khan an sur an samh hna lai i an dir lai. Khika ah khan nga phun zakip cu a bu pipi in an um lai, Rili Ngan i a ummi nga hna bantuk khin;

MATTHAI 13:44

“Vancung pennak cu lo chung i thuhmi rothil bantuk a si. Mi pakhatkhat nih a vaa hmuh sual tikah a khuh ṭhan ta tawn. A lung aa lawmh tuk caah a ngeihmi thil vialte kha a zuarh hna i a va kal ṭhan i a lo ning in a va cawk,” tiah a ti.

MATTHAI 13:46

A ṭha ngaingaimi kha a hmuh tikah a kal i a ngeihmi thil vialte kha a zuar i cu lungvar cu a cawk.”

MATTHAI 13:48

A khah tikah ngatlaitu hna nih cun tikam ah an hnuh i an ṭhu i nga kha an ṭhen hna: a ṭhami cu an bawm chungah an sanh hna i a ṭha lomi cu an hlonh hna.