MATTHAI 13:19 - Lai (Hakha) Common Language Bible 2006

¹⁹ Lam hril i a tlami thlaici cu Vancung Pennak kong kha a theih cu a thei i a sullam a hngal ṭung lo mi kha an si. An chung i tuhmi thlaici cu Mi Ṭhalopa nih khan a chuah dih.

Laibaibal Thiang (BSI)

¹⁹ Mizei pauh nih pennâk Thawngṭha hi a theih i a sullam a hngalh lo ahcun, mi ṭhalopa cu ara i a lungthin i a tlami thlaici cu a lâkpiak tawn. Cucu lamlak i a tlami cu a si.

MATTHAI 13:19 Referans Kwoze

MATTHAI 13:38

lo cu vawlei hi a si; thlaici ṭha cu Vancung Pennak chung i a ummi hi an si; belh cu Mi Ṭhalopa minung kha an si.

HEBRU 2:1

Cucaah a ping i kan kal sual nakhnga lo kan theihmi biatak kha fek chinchin in kan i tlaih awk a si.

1JOHAN 5:18

Pathian fa a simi cu a sual peng lo ti kha kan hngalh, zeicahtiah Pathian Fapa nih khan him tein a umter i Miṭhalopa nih khan a tawng kho lo.

MATTHAI 4:23

Jesuh cu Galilee ram dihlak ah khan aa chawk i pumhnak inn ah khan a cawnpiak hna i pennak Thawngṭha kha a chimh hna i zawtnak le fahnak a ingmi a phunphun kha a damter hna.

1JOHAN 3:12

Miṭhalopa ta a simi Kain, a nau a thattu bantuk kha kan si awk a si lo. Zeicahdah Kain nih khan a thah? Amah tuahmi thil kha a ding lo i a nau tuahmi thil kha a din caah a si.

ROM 1:28

Pathian kong hngalh taktak cu minung nih khan an lung chung i chiah an duh lo caah a thurhnawmmi lungthin ngeih awkah khan a thlah hna i cucaah cun tuah awk a si lomi thil kha an tuah.

2 THESALON 2:12

A phichuak cu: biatak a zum lo i sualnak tuah a duhmi vialte kha sualphawt an si lai.

ROM 14:17

Zeicahtiah Pathian Pennak cu ei le din menmen hi a si lo, Thiang Thlarau pekmi dinnak le daihnak le lawmhnak tu hi a si deuh.

ROM 2:8

Cun mi a cheu cu anmah zawn lawng kha an i ruat i ahmaanmi kha an duh lo i ahmaan lomi tu kha an zulh; cu hna cu Pathian nih a thinhunnak le a thinlinhnak kha a toih hna lai.

LAMKALTU 28:23

Cucaah ni an i tuk i cu ni ah cun Paul umnak ah khan tampi an ra. Zinglei in zan tiang Pathian Pennak kong kha a chimh hna i a fianter hna. Jesuh kong ah an lung a pem khawh nakhnga Moses Phungbia chungin le profet hna ṭialmi chungin bia kha a lak hna.

LAMKALTU 20:25

“Nan dihlak in kan vahhnawh hna i Pathian Pennak kong kha kan chimh hna. Cun atu cu ahohmanh nih nan ka hmu ṭhan ti lai lo ti kha ka hngalh.

LAMKALTU 18:15

Sihmanhsehlaw hi thil cu bia le min le nanmah phung nan i almi kong a si caah nanmahte nih vaa ceih ko u. Cu bantuk thil kong men biaceihtu si cu ka duh lo!” tiah a ti i

LAMKALTU 17:32

Paul nih thihnak in thawhternak kong a chimmi kha an hun theih tikah a cheu nih an nihsawh i a cheu nih, “Hi kong hi theih ṭhan kan duh,” an ti.

JOHAN 18:38

“Zei cu dah biatak cu a si?” tiah Pilat nih a hal. Cun Pilat cu lengah a va chuak ṭhan i, Judah mi hna cu, “Kei nih cun a sualnak zeihmanh ka hmu lo.

JOHAN 8:43

Zeicahdah ka chimmi hi nan hngalh khawh lo? Ka bia kha nan theih khawh lo caah a si.

LUKA 10:9

cuka khua i a ummi mizaw kha va damter hna u law, cuka khuami hna cu, ‘Pathian Pennak cu nan pawngte a phan cang,’ tiah va chim hna u.

LUKA 9:2

Cun Pathian Pennak kong chim awk le mizaw damter awkah a thlah hna.

MARKA 4:15

Micheu cu lam kam i a tlami bantuk an si. Bia kha an theih cangka Satan kha a ra i an chung bia kha a kalpi.

MATTHAI 5:37

‘Asi,’ ‘Asilo,’ ti lawng kha chim ko u, cu pin cu Mi Ṭhalopa sinin a rami thil an si.

PHUNGTHLÛKBIA 17:16

Mihrut caah cun tangka hi zei san dah a tlaih? Fimnak a ngeih lo ahcun fimnak cu a cawk khawh lai maw?

PHUNGTHLÛKBIA 1:7

Bawipa ṭih hi hngalhnak hramthawknak a si; Sihmanhsehlaw mihrut nih cun fimnak le cawnpiaknak kha zei ah an rel lo.

1JOHAN 5:20

Pathian Fapa cu a ra cang i hngalhnak a kan pek caah Pathian taktak kha kan hngalh. Kan nunnak cu Pathian taktak a simi a Fapa Jesuh Khrih chungah khan a um; amah cu Pathian taktak le zungzal nunnak cu a si.

EFESA 3:8

Pathian mi hna lak i a hme bik nak hmanh in a hme deuhmi ka si ko nain, Khrih a rumnak a dong kho lomi Thawngṭha cu Jentail mi hna sinah chim awk le

EZEKIEL 31:18

Eden thingkung lakah khan a zei kha dah sunparnak le lianhngannak ah nangmah bantuk a rak si hna? Ahohmanh an si lo, asinain Eden thingkung hna sinah khan tanglei vawlei ah cun kalpi na si ve ko lai; vainam in thahmi hna sinah khan na ril ve ko lai i thazang a ngei lomi mithi hna bu chungah khan na um ve ko lai. Hi nih hin a sawhmi a sullam cu Faro le a minung vialte kha an si. Mah hihi Bawipa Pathian bia hrimhrim a si.

MATTHAI 12:26

Cucaah Satan pennak chungah hin bu khat le bu khat an i doh ahcun cu pennak cu aa ṭhen dih cang a si ko caah tuan te ah a rawk ko lai.

MATTHAI 13:20

Lung tamnak hmun i a tlami thlaici cu Vancung Pennak kha a theih cangka i lungtho ngaiin a cohlangmi kha an si.