MATTHAI 13:11 - Lai (Hakha) Common Language Bible 2006

¹¹ Annih cu a leh hna i, “Vancung Pennak kong biathli hngalhnak cu nannih cu pek nan si cang, sihmanhsehlaw hi hna cu pek an si lo.

Laibaibal Thiang (BSI)

¹¹ Anih nih, “Vanbawi pennâk biathli hi nan hngalh dingah pêk nan si, asinain annih cu pêk an si ve lo ruangah a si,” tiah a ti.

MATTHAI 13:11 Referans Kwoze

1 KORIN 2:14

Sihmanhsehlaw Thlarau a ngei lomi nih cun Pathian Thlarau sinin a rami laksawng cu an hmu kho lo. Fiang in an hngal kho ngaingai hna lo; laksawng a sunning kha thlarau lei lawngin hngalh khawh a si caah annih caah cun pakpalawng men a si ko.

MATTHAI 19:11

Jesuh nih cun, “Hi cawnpiaknak hi a mi kip caah a si lo, Pathian nih a thimmi hna ca lawngah a si.

JEIM 1:5

Sihmanhsehlaw fimnak a baumi nan um ahcun, Pathian sinah thlacam seh law Pathian nih a pek ko lai; Pathian nih cun ahopaoh kha zaangfah ngai le siang ngaiin a pek ko hna.

1JOHAN 2:27

Sihmanhsehlaw nannih cu Khrih nih a Thlarau kha an toih cang hna. A Thlarau nan chung i a um paoh ahcun ahohmanh cawnpiaktu nan herh hna lo. Zeicahtiah a Thlarau nih cun zeizong vialte kha an cawnpiak hna i an cawnpiakmi hna cu biatak a simi kha a si, ahmaan lomi a si lo. Cucaah Thlarau cawnpiaknak kha zul u law Khrih chungah cun um camcin ko u.

1JOHAN 2:20

Sihmanhsehlaw nannih cu Khrih nih Thiang Thlarau kha an toih hna caah nan dihlak in biatak kha nan hngalh.

MATTHAI 16:17

Jesuh nih cun, “Johan fapa Simon, mi vanṭha ngaingai na si! Zeicahtiah hi biatak cu minung sinin na hngalhmi a si lo i vancung i a ummi ka Pa nih an pekmi a si.

EFESA 1:9

Pathian nih a fimnak le a thil hmuh khawhnak in a rak i timhmi cu a hun tuah i Khrih thawngin tlinter a timhmi a khuakhannak a rak i thupmi kha kannih cu a kan hngalhter cang.

ISAIAH 35:8

Cuka ah cun lam nganpi pakhat a um lai i a min ah “Thiannak Lam” ti a si lai. Hi lam cu misual mi nih an zul lai lo i hi lam a zulmi cu mihrut nih an pialter kho hna lai lo.

EFESA 5:32

Hi Cathiang bia nih hin a langhtermi biatak a um i cucu Khrih le khrihfabu kong kha a si tiah ka hngalh.

ROM 16:25

Pathian cu sunparnak pe u sih. Ka chimmi Khrih kong Thawngṭha le kan hnulei chan tampi chung aa thupmi biathli kha phuan a sining in, Pathian nih cun nan zumhnak ah fek tein an dirter khawh hna lai.

LUKA 8:10

Jesuh nih a thawh hna i, “Pathian Pennak kong biathli hngalhnak cu nannih cu pek nan si cang; sihmanhsehlaw midang cu tahchunhnak bia lawngin chimh an si lai, cucaah cun an zoh len lai nain an hmu lai lo, an ngai len lai nain an hngal lai lo,” tiah a ti.

1 KORIN 15:51

Biathli pakhat kan chimh hna hmanh lai: kan dihlak hin kan thi dih lai lo, sihmanhsehlaw chikkhatte ah kan i thleng dih lai,

1 KORIN 2:7

ka chimmi fimnak cu Pathian biathli fimnak, minung hngalh lomi, vawlei ser hlan hrimhrim in Pathian nih kan sunparnak ding ca i a rak timhmi fimnak tu kha a si.

JOHAN 6:65

Cun aa thawh ṭhan i, “Hi ruangah hin pei, ka Pa nih an caah lam a serpiak hna lo ahcun ahohmanh ka sinah an ra kho lo, tiah ka rak in chimh hna kha a si cu,” tiah a ti.

1TIMOTE 3:9

Phuanmi zumhnak biatak cu chiaṭha thleidannak thiang in fek tein aa tlaihmi an si lai.

1 KORIN 13:2

Phungchim thiamnak laksawng ka hei ngei ko hnga i hngalhnak phun tling ka hei ngei ko hnga i biathuk vialte ka hei hngalh dih ko hna hnga; cun tlang ṭhial khawhnak zumhnak zong ka hei ngei ko hnga, sihmanhsehlaw dawtnak ka ngeih lo ahcun zeihmanh ka si lo.

MARKA 4:11

Jesuh nih cun a leh hna i, “Pathian Pennak biathli cu nannih cu pek nan si cang, sihmanhsehlaw lenglei i a ummi hna cu bianabia lawnglawng in cawnpiak an si.

KOLOSE 2:2

Cu bantukin ka ṭuan cu, an lungthin kha ralṭhatnak in a khah i dawtnak in pakhat le pakhat an i komh i hngalhnak hmaan nih a chuahpimi hnangamnak tampi kha an ngeihnak hnga ka duh caah a si. Cun annih nih Pathian biathli cu an hngalh lai i cu biathli cu Khrih kha a si ko.

EFESA 6:19

Cun thla rak ka campiak ve u, bia ka chim tikah Pathian nih chim awk bia a ka pek nakhnga le ralṭha in ka chim nakhnga le thawngṭha biathli cu ka langhter khawh nakhnga, ka caah thla rak cam u.

1 KORIN 4:7

Midang nakin cungnung deuh ah aho nih dah an ser? Pathian pek a si lomi na ngeihmi zeital a um maw? Cucaah cun nan hmuhmi cu a lakin hei hmu hlah u law cu bang, zeitindah nan i porhlawt khawh?

1 KORIN 4:1

Kannih cu Khrih sal, Pathian biathli kengtu ah khan nan kan ruah awk a si.

JOHAN 7:17

Pathian duhnak tuah a duhmi hna nih cun, kan cawnpiakmi hna hi Pathian sinin a rami maw a si keimah i ka hei in cawnpiak menmenmi hna dah a si, ti kha nan hngalh ko lai.

SALM 25:14

Bawipa cu a nawl a zulmi hna hawikom a si i a biakam kha a cawnpiak hna.

1TIMOTE 3:16

Kan biaknak phung chung i aa thupmi biathli hi zeitluk in dah a ngan ti kha ahohmanh nih an al kho lo: Minung pum in a lang i ahmaan tiah Thlarau nih tehte a khaan, Vancungmi zong nih an hmuh. Miphun kip sinah a kong cu chim a si, Vawlei cung khuazakip ah mi nih an zumh i vancung ah a kai.

EFESA 1:18

Zei ruahchannak hmuh awkah dah an kawh hna ti le, a mi a kamhmi hna a thluachuahnak khuaruahhar cu zeitluk in dah a tam i

ISAIAH 29:10

Bawipa nih an ngutter hna i thu hluahmah in nan i hngilh dengmang cang. Profet cu nan mit an si awk a si, sihmanhsehlaw Pathian nih cu nan mit cu an mit a huh hna.

LAMKALTU 16:14

Cu hna lak i kan bia a theimi pakhat cu Lidia a si, amah cu Thiatira khuami a si i maimaw puan a zuarmi a si. Amah cu Pathian a biami nu a si i Paul nih a chimmi bia ngaih awk caah khan Pathian nih a lungthin kha a hunpiak.

ISAIAH 29:11

Profet nih an hmuhmi langhnak sullam cu thuhkanh nan si lai, cakhenhnak in khenh chihmi cazual bantuk a si lai. A rel a thiammi sin i nan va kalpi i, kan relpiak tuah, nan va ti tikah, aa hrenh caah ka rel kho lo, a rak in ti hna lai.

MATTHAI 13:10

A zultu hna kha a sinah cun an hung kal i, “Bia na chimh hna tikah zeicahdah bianabia na hman?” an ti.

MATTHAI 20:23

“Ka hrai cu a din zong nan din khawh taktak ve ko lai. Sihmanhsehlaw ka orhlei ah anih ṭhu seh, ka kehlei ah anih ṭhu seh, ti cu keimah thim khawhmi a si lo. Cuka hmun cu ka Pa nih a timhpiakmi hna caah a si,” tiah a ti hna.

MARKA 10:40

Sihmanhsehlaw ka orhlei kam i ṭhut le ka kehlei kam i ṭhut cu keimah pek khawhmi a si lo. Hi hmun cu Pathian nih a timhpiakmi hna kha a pek ko hna lai,” tiah a leh hna.

ROM 11:25

Ka u le ka nau hna, biathli pakhat nan hngalh awk i ka duhmi a um. Cu nih cun ka fim tiah i ruat loin an umter hna lai. Cu biathli cu hihi a si: Israel mi lung khohkhal i an um hi zungzal ca in a si lo, Jentail mi an dihlak in Pathian sin i an rat caan tiang ca lawng a si lai.