MARKA 1:13 - Lai (Hakha) Common Language Bible 2006

¹³ khika ah ni sawm li a va um i Satan nih khan a rak tukforh. Cuka ah cun saram zong kha an rak um ve, sihmanhsehlaw vancungmi kha an ra i an rung hramh.

Laibaibal Thiang (BSI)

¹³ Cun ramcar ah ni sawmli chung satan tukforh in a um. Saram lakah khua asa i vancungmi nih a rian an ṭuanpiak.

MARKA 1:13 Referans Kwoze

HEBRU 4:15

Kan Tlangbawi Ngan hi kan santlaih lonak ah kan cung i zaangfahnak a ngei kho lomi tlangbawi a si lo. Kan Tlangbawi Ngan hi kanmah bantuk tein tukforhnak a ing vemi a si, sihmanhsehlaw sualnak zeihmanh a tuah lomi a si.

EXODUS 34:28

Moses cu Bawipa sinah khan ni sawm li le zan sawm li a um i zeihmanh a ding lo i a ei lo. Lungtlap cungah khan biakamnak bia cu a ṭial hna — nawlbia pahra cu.

MATTHAI 26:53

Ka pa kha bawmhnak ka hal khawh ko i khulrang in vancungmi ralkap bu hleihnih a run ka thlah khawh ko ti kha na hngal lo maw?

DEUTERONOMI 9:25

“Bawipa nih nannih cu ka hrawh hna lai tiah a ti caah, cucaah Bawipa hmaiah hi ni sawm li le zan sawm li cu ka bawk.

DEUTERONOMI 9:18

Cun Bawipa hmaiah a hlan bang khan ni sawm li le zan sawm li ka bawk; Bawipa kha a thin phawh awkah amah mithmuh ah ṭhat lo nan tuahnak thawngin sual nan tuahmi vialte ruangah rawl ei lo le ti ding loin ka um.

DEUTERONOMI 9:11

Cun ni sawm li le zan sawm li a dihnak ah Bawipa nih lungtlap pahnih kha a ka pek hna, biakamnak lungtlap hna cu.

1TIMOTE 3:16

Kan biaknak phung chung i aa thupmi biathli hi zeitluk in dah a ngan ti kha ahohmanh nih an al kho lo: Minung pum in a lang i ahmaan tiah Thlarau nih tehte a khaan, Vancungmi zong nih an hmuh. Miphun kip sinah a kong cu chim a si, Vawlei cung khuazakip ah mi nih an zumh i vancung ah a kai.

EXODUS 24:18

Moses cu minmei chungah khan a lut i tlang cungah cun a kai. Cuka ah cun ni sawm li le zan sawm li a um.

MATTHAI 4:1

Cun Thlarau nih Jesuh cu, Satan nih rak tukforh awkah, ramlak ah a kalpi.

LUKA 4:1

Jesuh cu Thiang Thlarau he khat in Jordan tiva khan a ra kir i Thlarau nih ramcar chungah khan a kalpi.