MALAKHI 1:6 - Lai (Hakha) Common Language Bible 2006

⁶ Fa nih a pa kha a upat i sal nih a bawi kha a ṭih. Pa ka si ahcun khuazei ah dah nan ka upatnak cu a si kun? Bawi ka si ahcun khuazei ah dah nan ka ṭihnak cu a si kun? Cuticun ralkapbu Bawipa nih ka min zei i a rel lomi nannih tlangbawi cu kan ti hna.

MALAKHI 1:6 Referans Kwoze

LUKA 6:46

“Zeicahdah nannih nih, ‘Bawipa, Bawipa,’ nan ka ti len ko i kan chimhmi hna cu nan tuah ṭung lo?

ISAIAH 1:2

Bawipa nih aa thawh i, “Van le vawlei hna, Bawipa nih ka chimmi hi ngai tuah u. Ka cawm cia le ka ken cia ka fale nih hin an ka doh.

EXODUS 20:12

“Nan nu le nan pa kha upat hna u, cu ti nan tuah ahcun, Bawipa nan Pathian nih an pekmi hna ram ah hin saupi nan um lai.

1 PETER 1:17

Pathian sin i thla nan cam tikah, amah cu kan Pa tiah nan kawh; amah nih cun mi vialte kha an tuahning cio ah duhdanh zeihmanh um loin bia a ceih hna. Cu Pathian cu a sin i thla nan cam tikah, kan Pa, tiin nan kawh ṭung ahcun, hi vawleicung nan nun lioah hin amah upat bu tein nan um awk a si.

HOSEA 12:8

Asinain annih nih cun an i thawh i, Kannih cu kan rum cang, chawva tampi kan ngei cang; Dinlonak in an rum tiah ahohmanh nih an kan ti kho lai lo, an ti.

ISAIAH 64:8

Sihmanhsehlaw Bawipa, nangmah cu kan Pa na si. Kannih cu tlak bantuk kan si i nangmah cu um sertu bantuk na si. Nangmah nih kannih cu na kan ser,

EFESA 6:2

“Na nu le na pa upat hna,” ti hi nawlbia hmasa bik a si i,

PHUNGTHLÛKBIA 30:17

a pa kha a nihsawh i a nu kha a tar tikah zei ah a rel lomi cu, a mit kha nelrawn langak nih an khoih lai i langta nih an ei lai.

MATTHAI 7:21

“ ‘Bawipa, Bawipa,’ tiah a ka timi paoh in Vancung Pennak chungah an lut dih lai, tinak a si lo, sihmanhsehlaw vancung i a ummi ka Pa nih tuah hna seh ti a duhmi a tuahmi lawnglawng kha an lut lai.

MATTHAI 6:9

Cucaah hi bantuk hin thla nan cam awk a si: ‘Vancung khua i a um kan Pa, Na min thiang cu upat si ko seh;

PHUNGTHLÛKBIA 30:11

An pale kha chiat a serh i an nule kha a thangṭhat lomi an um tawn,

DEUTERONOMI 5:16

“ ‘Bawipa na Pathian nawl an pek bangin na nu le na pa kha va upat hna, Bawipa na Pathian nih an pekmi ram chungah na chan a sau lai i nangmah caah a remrel lai.

LEVITIKAS 19:3

Nannih vialte nih nan nu le nan pa kha nan upat hna lai i ka sabbath hna kha nan ulh hna lai, kei cu Bawipa nan Pathian ka si.

MARKA 10:19

Nawlbia kha na hngalh ko ṭung hna: ‘Lai va nawng hlah; nupi cung le va cungin midang cungah sual hlah, fir hlah, lih chim hlah, mi va hleng hna hlah, na nu le na pa va upat hna!’ ti pei an si kha,” tiah a ti.

MATTHAI 19:19

na nu le na pa kha upat hna; na minung hawi kha nangmah bantukin va daw hna, ti hawi hna hi ta,” tiah a leh.

HOSEA 4:6

Ka mi hna nih keimah cu an ka hngalh duh lo caah an rawk. Nannih tlangbawi hna nih keimah hngalh kha nan duh ve lo i ka cawnpiaknak kha nan hlawt, Cucaah nanmah le nan fapale hna cu ka tlangbawi sinak khan kan hlawt hna.

EZEKIEL 22:26

A tlangbawi hna nih ka phunglam kha an hrawh i ka ca i a thiangmi thil kha an thurhhnawmh hna. A thiang le a thianglo kha an thleidang hna lo i a thiang le a thianglo an i dannak kha an cawnpiak hna lo. Ka sabbath hna kha zei ah an rel hna lo i kei cu an lakah hmaizahnak hmu loin ka um.

JEREMIAH 23:11

“Profet nih si hna seh, tlangbawi nih si hna seh, An phu hnih in Pathian kha zei ah an rel lo; Ṭhat lonak an tuahmi kha ka inn chung hmanh ah ka hmuh, tiah Bawipa nih a ti.

MATTHAI 15:6

a nu siseh, a pa siseh, a bawmh hna a herh ti lo, nan ti. Hihi Pathian bia zei i nan rel lo ning le nanmah cawnpiakning lawng zulh nan duhning cu a si.

MALAKHI 2:8

Sihmanhsehlaw nannih nih cun cu lam cu nan pialtak i mi tampi kha nan cawnpiaknak thawngin nan rilhter hna, Levi mi sin i biakamnak ka rak sermi kha pakpalawng ah nan ser, tiah Ralkapbu Bawipa nih a ti.

LUKA 10:29

Sihmanhsehlaw Phungbia cawnpiaktu sayapa nih cun thiam hun i coh kha a duh i, “Ahodah ka innpa cu a si?” tiah Jesuh kha a hal.

LUKA 6:36

Nan Pa cu mi zaangfah thiam a si bantukin nannih zong mi zaangfah thiammi si ve u,” tiah a ti.

MARKA 7:10

Zeitindah a si tiah, Moses nawl pekning ah khan, ‘Na nu le na pa na upat hna lai i a nu siseh a pa siseh a vawlpammi cu thah a si lai,’ ti a si.

JEREMIAH 31:9

Inn ah an ra tlung, an tlun pah in an ṭap, Sihmanhsehlaw ka hnemh hna lai i keimah cu a cawngtu hna ka si lai. A luangmi tiva ah ka hruai hna lai; An lam kha a mil tuk caah an tlu an ril lai lo. Zeicahtiah keimah cu Israel mi caah an pa ka si cang i Efraim cu ka fapa upa bik a si.

LUKA 18:20

Nawlbia kha na hngalh ko ṭung hna: Va cung in siseh, nupi cung in siseh, sual hlah, lainawng hlah, fir hlah, lih chim hlah, na nu le na pa upat hna, ti pei an si kha,” tiah a ti.

MATTHAI 15:4

Pathian nih cun, ‘Na nu le na pa kha va upat hna, a nu siseh a pa siseh a congoihmi cu thah si seh,’ tiah a ti.

HOSEA 5:1

Nannih tlangbawi hna, hihi thei tuah u; Nannih Israel mi hna, hihi ngai tuah u. Nannih siangpahrang innchungkhar mi hna, ka bia hi i chingchiah tuah u. Nannih cu midang kha bia a ceihtu ding nan si, Sihmanhsehlaw biaceihnak kha nanmah cungah a tlung lai. Nannih cu Mizpah i chiahmi rap le Tabor tlang i chiahmi sur rap le

SALM 123:2

Sal nih a bawipa aa bochan bantuk le salnu nih a bawinu aa bochan bantukin, Bawipa kan Pathian, nangmah lawng kan hun in zoh ko, kan cungah zaangfahnak na ngeih hlantiang kan in zoh ko lai.

PHUNGTHLÛKBIA 17:6

Tu le fa hi tar hna bawiluchin an si, Fapa hna an sunparnak cu an pale hi an si.

ISAIAH 43:23

Khangh thawinak caah nan hmanmi tuu cu keimah nan ka pe lo; raithawinak nan tuah tikah nan upatmi cu keimah ka si lo. Laksawng ka pe u tiah thilrit kan khinh hna lo zihmui ka pe u ti zongah kan ti fawn hna lo.

JEREMIAH 3:4

Cun atu naite ah naa thawh i, “Nangmah cu ka Pa, ka no lio in ka hawi ṭha zungzal na si”; na ti i

JEREMIAH 35:16

Jonadab tefa pawl nih cun an pu nih nawl a pekmi hna kha an zulh, sihmanhsehlaw nannih cu ka nawl nan ngai lo.

ZEFANIAH 3:4

A profet hna cu mihrokhrawl, profet taktak a si lomi an si, A tlangbawi hna nih hmunthiang kha an thurhhnawmh i phung kha an duhnak leiah an merh.

MALAKHI 2:1

Atu cu, nannih tlangbawi hna, hi biachahnak hi nannih caah a si:

MALAKHI 2:10

Kan dihlak in pa pakhat fa kan si lo maw? Pathian pakhat sermi kan si lo maw? Zeicahdah pakhat le pakhat cung i zumhawktlak lo i kan umnak thawngin kan pupa hna sin i biakamnak cu kan hrawh?

DEUTERONOMI 32:6

Nannih mihrut le minga hna, Bawipa cu hi bantukin nan rulh lai maw? Amah cu na pa, nangmah an ser, an siam i An fehtertu a si lo maw?

ISAIAH 45:10

Aho tal nih an nu le an pa cu, “Zeicahdah hi bantukin nan ka hrin?” tiah an ti ngam bal hna maw?

ISAIAH 64:7

Ahohmanh nih thlacam in nangmah lei kan hoih lo, ahohmanh nih bawmhnak hal in kan in fuh lo. Kan sinin naa thup i kan sual ruangah na kan kaltak cang.

MALAKHI 3:5

Zung nan chuah tikah kan chuahpi hna lai i eihthiammi hna le vacung pa duhmi hna le lih in chiat a sermi hna le man phalh in fialmi hna rianṭuantu hna le nuhmei le ngakṭah cungah a ding loin thil a titu hna le khualmi kha lam thlangah a eng i keimah a ka ṭih lomi hna kha, anmah ralchanh in tehte ka si lai tiah ralkapbu Bawipa nih a ti.