LUKA 6:49 - Lai (Hakha) Common Language Bible 2006

⁴⁹ Sihmanhsehlaw ka bia a thei i a zul ṭung lomi cu a hram ṭha tein ser hmasa loin inn a sa menmi bantuk a si; tilian nih cu inn cu a hun den tikah chikkhatte ah a pur i a tlu ruangmang ko,” a ti.

Laibaibal Thiang (BSI)

⁴⁹ Sihmanhsehlaw bia kha a thei i a nunpi lomi cu hrambunhnâk ngei loin lei cung i inn sakmi bantuk a si. Tilian nih a nam tikah a cim cawlh i cu inn rawhning cu a fak ngai ngai.

LUKA 6:49 Referans Kwoze

EZEKIEL 33:31

Cucaah ka mi hna cu, mi nih an tuah tawn cio bantukin, an ra hungmang lai i na hmaiah an ṭhu lai. Chimh awk na ngeihmi hna bia cu an theih lai, sihmanhsehlaw an tuah lai lo. ‘Bia ṭha an si,’ an ti lai, sihmanhsehlaw an lung cu mah pumpak miaknak cio lawngah khan fek tein an bunh cang.

MATTHAI 23:3

Cucaah an in chimhmi hna paoh cu nan ngaih le nan zulh a herh. Asinain anmah nawl bel i cawn hlah u, zeicahtiah an chimmi kha an tuah lo.

PHUNGTHLÛKBIA 28:18

Ningcang tein khua a sami cu him tein an um lai, sihmanhsehlaw ningcang loin khua a sami cu lam khatkhat in a sung ṭhiamṭhiam lai.

1JOHAN 2:19

Hi hna hi kan bu chungmi ngaingai an rak si bal lo, cucaah an kan chuahtaknak cu a si; kan bu chung mi ngaingai kha rak si hna seh law cu, kan sinah hin an um peng ko hnga. Annih cu pakhat hmanh kan bu chung mi ngaingai an rak si lo ti kha a fian nakhnga annih nih khan an kan chuahtak.

JOHAN 15:2

Thei a tlai lomi ka nge vialte kha a tan dih hna i thei a tlaimi nge vialte kha an tlai chinchin nakhnga a thianh hna.

LUKA 12:47

“A bawipa duhnak a hngal ko na i cu a duhmi a tuah duh lomi sal cu a fakmi tuknak a in lai.

LUKA 6:46

“Zeicahdah nannih nih, ‘Bawipa, Bawipa,’ nan ka ti len ko i kan chimhmi hna cu nan tuah ṭung lo?

MARKA 4:17

Asinain an chungah khan thuk a pil lo i cucaah sau an rau lo. Cu bia ruang i hremnak siseh, harnak siseh, an hung um tikah an i ngol zau.

2 PETER 2:20

Kan Bawipa le kan Khamhtu Jesuh Khrih an hngalhnak thawngin hi vawlei cung thurhnawmhnak in a luatmi hna cu, hi vawlei cung thurhnawmhnak nih khan a tlaih ṭhan hna i a tei ṭhan ahcun, a hramthawk i an rak umning nakkhan an donghnak cu a chia deuh.

1THESALON 3:5

Cucaah Timote cu nan sinah ka hun thlah. Um sawhsawh cu ka ing kho ti lo i nan zumhnak zeidah a lawh hnga ti hngalh duh ah amah cu ka ratter. Khuachia nih an tukforh hna zong a si kho ko i kan rian ṭuanmi kha pakpalawng ah a cang dih sual lai ti zong ka phang.

LAMKALTU 26:11

Pumhnak inn kip ah khan voi tampi hremnak ka inter hna i an zumhnak kha hlawtter kaa zuam hna. An cungah khan ka thin a hun tuk caah anmah hrem awkah cun ramdang khua hmanh ah ka fuh hna.

LAMKALTU 20:29

Ka kal hnuah ṭih a nungmi cenghngia kha an ra lai i tuurun kha an ngan hna lai lo ti kha ka hngalh.

LUKA 19:27

Cun an siangpahrang si awkah a ka duh lotu ka ral hna kha cu, hika ah hin ratpi hna u law ka hmaiah that hna u, a ti,’ ” tiah a ti.

LUKA 19:14

A ram mi nih cun amah cu an huat i, ‘Hi pa hi kan siangpahrang si awkah kan duh lo,’ tiin lamkal a hnu in an hei thlah hna.

MATTHAI 24:10

Cu caan ah cun mi tampi nih an zumhnak kha an hlawt lai i pakhat le pakhat an i rawi lai i pakhat le pakhat an i hua lai.

HOSEA 4:14

Sihmanhsehlaw hi ruangah hin annih cu dan ka tat hna lai lo, Zeicahtiah nanmah zong biakinn i hlawhhlangnu a ummi hna he nan kal ve ko i anmah he cun Baal sinah khan raithawinak nan pekchanh ve ko, Cuticun phungthluk bia i “Hngalhnak a baumi cu an rawk,” tiah a um bantuk khan an rawk.

LUKA 6:48

Amah cu inn a sami bantuk a si: thuk piin a cawh i a hram kha lungpi cungah a bunh. Tiva cu a hung lian i inn cu a hun den, sihmanhsehlaw fek tein sak a rak si caah a hninh in a hnin kho lo.

LUKA 7:1

Hi bia vialte hi mizapi kha a chimh dih hna in Jesuh cu Kapernaum khua ah khan a kal.