LUKA 6:30 - Lai (Hakha) Common Language Bible 2006

³⁰ Thil zeimaw an halmi paohpaoh kha va pe hna, cun mi pakhatkhat nih na ta a simi kha aa lak ahcun va hal ṭhan ti hlah.

Laibaibal Thiang (BSI)

³⁰ An haltu cu va pe law, na thil an lâkmi vahal ti hlah.

LUKA 6:30 Referans Kwoze

2 KORIN 8:9

Nannih nih kan Bawipa Jesuh Khrih vel kha nan hngalh ko: a rum nain nanmah ruangah sifak ah a cang, cuti a can cu a sifahnak khan nannih kha rumter an duh hna caah a si.

LAMKALTU 20:35

Zeizong vialte ah hi bantukin fak piin rianṭuannak thawngin a dermi kha kan bawmh hna awk a si ti cu kan hmuhsak cang hna i Bawipa Jesuh zong nih khan zeitindah a rak ti ti ahcun, ‘Pek leiah hin hmuh lei nakin lunglawmhnak a um deuh,’ a rak ti; cucu kan philh lo awk a si,” tiah a ti.

MATTHAI 6:12

Mi nih kan cungah ṭhat lonak an tuahmi kan ngaihthiam hna bangin Kan ṭhat lonak cu kan ngaithiam ve ko.

LUKA 18:22

Hi bia cu Jesuh nih a theih tikah, “Pakhat te na bau kun. Na ngeihmi vialte kha va zuar law tangka cu sifakmi kha va ṭhen hna, cun vancung khua ah chawva na ngei lai; cun ra law ka zul,” tiah a ti.

PHUNGTHLÛKBIA 21:26

Chun nitlak in a ruahmi cu zei khi dah hei ngei ning law ti lawng khi a si ko. Sihmanhsehlaw miding nih cun mi kha a pek hna i sianh loin a um hna lo.

SALM 41:1

Sifak zawn a ruatmi cu lunglawmmi a si, harnak chung i a um tikah Bawipa nih a bawmh lai.

PHUNGTHLÛKBIA 19:17

Misifak cungah zaangfahnak na ngeih ahcun Bawipa kha chaw na coih bantuk a si. Bawipa nih tling tein an cham lai.

LUKA 12:33

Nan ngeihmi thil kha zuar hna u law tangka cu mi kha ṭhen hna u. A ṭet kho lomi phaisa bawm kha i zalh u law vancung ah nan ro kha khong hna u, khika ah cun mifir nih an fir kho hna lo i rungrul nih an ei khawh hna lo caah a zor lei an panh bal lai lo.

LUKA 11:41

Sihmanhsehlaw nan hrai chung le nan kheng chung i a ummi thil kha misifak va pe hna u law nan caah zeizong vialte a thiang ko lai.

LUKA 6:38

Midang kha thil va ṭhen hna u, nannih zong Pathian nih an ṭhenh ve hna lai: liam thluahmah in, nan i chap khawh chungin, nan zawi khawh le khawh loin nan kut chungah an thlet hna lai. Midang ca i nan hmanmi tahnak rel kha Pathian nih nanmah ca zongah a hman ve lai,” tiah a ti.

MATTHAI 18:35

“Nannih nih nan u nan nau kha nan lungchung taktak in nan ngaihthiam hna lo ahcun cu bantuk cun vancung khua i a ummi ka Pa nih nannih zong cu an tuah ve hna lai,” tiah a ti hna.

PHUNGCHIMTU 8:16

Fim kha kaa zuam i hi vawlei cung thil umtuning hngalh kha kaa zuam paoh ah hin, chun zan in hngilh loin ka um tawn,

PHUNGTHLÛKBIA 22:9

Siannak lungthin a ngeimi cu thlua a chuak lai, zeicahtiah a rawl kha sifakmi a hrawm hna.

SALM 112:9

A herh a baumi kha siang ngaiin a pek hna, mi cung i zaangfahnak a ngeihmi cu zungzal in a hmun; amah cu a ṭhawng lai i hmaizah a si ko lai.

EFESA 4:28

Fir a hmangmi kha fir ti hlah seh, amah ca i ding tein pawcawmnak caah le sifakmi bawmhnak caah rianṭuan seh.

PHUNGCHIMTU 11:2

Na tangka rianṭuannak cu hmun tampi ah chia hna, Zeitintiah vawlei cungah hin zei ṭhat lonak dah a tlung lai, na hngal lo.

MATTHAI 5:39

Sihmanhsehlaw kei nih cun, nan cung i ṭhat lonak a tuahtu hna kha lehrul hna hlah u, kan ti hna. Nan orhlei bel ah an in bengh hna ahcun khatlei zong kha i chit rih u.

LUKA 6:29

Mi pakhatkhat nih na bel ah an bengh ahcun khattelei bel zong i chit rih; pakhatkhat nih na angkileng an chuh ahcun na angki chungnawh zong va pe rih.

LUKA 6:31

Ka tuahpiak hna seh ti na duhmi kha mi va tuahpiak hna.