LUKA 6:24 - Lai (Hakha) Common Language Bible 2006

²⁴ “Sihmanhsehlaw nannih atu i a rummi, nan caah cun ngaihchia a va si dah! Nan nun nuamhnak kha nan hmuh cang.

Laibaibal Thiang (BSI)

²⁴ Sihmanhsehlaw nannih mirum hna, ngaih chia nan va si dah, zeitintiah nan hnangamnâk cu nan hmuh diam cang.

LUKA 6:24 Referans Kwoze

1TIMOTE 6:17

Vawleicung thil i a rummi kha, nan i porhlawt awk a si lo, cun bochan awk a tlak lomi nan rumnak hi a bo zong nan i bochan awk a si lo, tiah na cawnpiak hna lai. Sihmanhsehlaw kan ca i a ṭha dingah zeizong vialte siang ngaiin a kan petu Pathian kha nan i bochan awk a si, tiah na chimh hna lai.

MATTHAI 6:2

“Cucaah mi kha thil an herhmi nan pek hna tikah, mi depde pawl nih pumhnak inn le zatlang lam ah an tuah bantukin nan tuahmi cu vaa uangthlar hlah u. Annih nih cun, mi nih kan thangṭhat hna seh, tiin an tuah. Hihi philh hlah u! An tuah man cu tling tein pei an hmuh cang cu!

JEIM 2:6

Asinain nannih nih cun sifakmi cu nan zawmhtaih hna. Ahodah hremnak an petu hna le biaceihtu hmaiah an chuahpi tawntu hna kha an si? Mirummi an si lo maw?

PHUNGTHLÛKBIA 1:32

Zeicahtiah lungtlawm pawl cu anmah pialnak nih khan a thah hna i Mihrut hna cu zei ruat khak loin an umnak nih khan a hrawh hna,

MATTHAI 6:16

“Mi depde pawl nih rawl an ulh tikah hmaichia fiamfuam in an i umter bantukin nannih cu rawl nan ulh tikah i umter ve hlah u. Rawl an ul ti kan hngal hna seh tiin rawl ṭam hnianghnuang in an i chawk. Hihi philh hlah u! Annih nih cun an laksawng kha tling tein an hmuh cang.

MATTHAI 6:5

“Thla nan cam tikah mi depde pawl nih an cam bantukin va cam hlah u. Annih nih cun, mi nih kan hmu hna seh, tiin pumhnak inn chung i dir riangmang i cam le zatlang lam tonnak i cam kha an duh. Hihi philh hlah u! Annih cu an laksawng kha tling tein an hmu cang.

HAGGAI 2:9

Hi inn a hmanung u sunparnak hi a hmasa u sunparnak nakkhan a ngan deuh lai, tiah ralkapbu Bawipa nih a ti; cun hi hmun ah hin rumnak ka chiah lai,” tiah ralkapbu Bawipa nih a ti.

LUKA 6:25

Atu i a paw a khimmi nan caah cun ngaihchia a va si dah! Rawlṭam in nan vak lai. Atu i a ni lengmangmi nan caah cun ngaihchia a va si dah! Ngaihchia in nan ṭap lai!