LUKA 4:8 - Lai (Hakha) Common Language Bible 2006

⁸ Jesuh nih, “Cathiang nih pei, ‘Bawipa na Pathian cu na biak lai i amah rian lawng kha na ṭuan lai,’ a ti cu,” tiah a leh.

Laibaibal Thiang (BSI)

⁸ Jesuh nih, “Satan, ka hnu ah um! ‘BAWIPA na Pathian bia law amah lawng rian,’ tiah ṭial a si kha,” tiah a ti.

LUKA 4:8 Referans Kwoze

DEUTERONOMI 6:13

Bawipa na Pathian cu na ṭih lai; na biak lai i a min lawngin chiat na ser lai.

DEUTERONOMI 10:20

Bawipa na Pathian cu na ṭih lai; a rian na ṭuan lai i amah ah naa bek lai i amah min chalh in chiat na ser lai.

MATTHAI 4:10

Cun Jesuh nih a leh i, “Satan, va kal cang, Cathiang nih pei, ‘Bawipa na Pathian cu va bia law, amah rian lawnglawng va ṭuan,’ a ti kha,” tiah a ti.

BIAPHUAN 19:10

Amah biak awkah a ke hramah ka bawk, sihmanhsehlaw a ka thawh i, “Bawk hlah. Keimah zong nangmah bantukin Pathian sal ka si ve, Jesuh nih a phuanmi biatak aa tlaihmi nan unau hna lak i pakhat ka si ve. Pathian tu bia tuah,” a ti. Profet hna kha lungthawhnak a petu cu Jesuh nih a phuanmi biatak kha a si.

SALM 83:18

Nangmah lawnglawng hi Bawipa na si le vawlei dihlak uktu, Cungnung Bik na si kha hngal hna seh!

BIAPHUAN 22:9

Sihmanhsehlaw a ka thawh i, “Tuah hlah. Kei zong nangmah bantukin sal ka si ve ko; na unau profet hna le hi cauk chung i aa ṭialmi bia a zulmi na unau hna bantukin sal ka si ve ko. Pathian tu bia ko,” a ti.

JEIM 4:7

Cucaah Pathian nawl kha ngai ko u. Khuachia kha doh u law an zam tak ko hna lai.

LUKA 4:4

Jesuh nih cun a leh i, “Cathiang nih pei, ‘Minung nunnak hi rawl lawngin a si lo,’ a ti cu,” tiah a ti.

1 SAMUEL 7:3

Cun Samuel nih Israel chungkhar vialte hna sinah cun, “Bawipa sinah nan lung dihlak in nan kir a si ahcun, ramdang khuazing hna le Ashtaroth hna kha nanmah chungin nan hlonh hna lai i Bawipa leiah khan nan lung nan hoihter lai i amah lawng kha nan biak lai, cun amah nih Filistin mi hna kut chungin an chuahter hna lai,” tiah a ti.

1 PETER 5:9

Nan zumhnak ah khan fek tein um u law amah cu rak doh u, zeicahtiah vawleicung khuazakip i a ummi zumhnak lei in nan unau a simi hna kha, cu bantuk temhnak cu an ing ve ti kha nan hngalh.

MATTHAI 16:23

Jesuh cu a hun i mer i Peter cu, “Satan, ka sinah um hlah. Na ruahnak hi Pathian ruahnak si loin minung ruahnak a si caah ka caah dawntu na si,” tiah a ti.

ISAIAH 2:11

Minung porhlawtnak le ruamkainak a dongh lai ni kha a ra lio. Khi tikah Bawipa cu hlorh a si lai.

2 SIANGPAHRANG 19:15

Cun Bawipa hmaiah cun Hezekiah nih thla a cam i, “Maw Bawipa, Israel Pathian, cherubim cungah a ṭhumi, vawlei cung pennak vialte hna Pathian cu nangmah lawnglawng hi na si; nangmah nih van le vawlei kha na ser hna.

LUKA 4:7

Cucaah ka hmaiah na khuk i bil law hi vialte hi na ta an si dih ko lai,” tiah a ti.