LUKA 22:30 - Lai (Hakha) Common Language Bible 2006

³⁰ Ka Pennak ah ka cabuai ah nan ding nan ei lai i Israel mi phun hleihnih kha biaceihpiak awkah bawi ṭhutdan cungah nan ṭhu lai,” tiah a ti.

Laibaibal Thiang (BSI)

³⁰ cuticun ka Pennâk chung i ka cabuai cungah nan ei i nan din khawh nâkhnga le, Israel phun hleihnih bia ceihpiak in, bawi ṭhutdanh i nan ṭhut khawh nâkhnga,” tiah a ti.

LUKA 22:30 Referans Kwoze

MATTHAI 19:28

Jesuh nih cun, “Chan Thar chungah Mi Fapa hi ka bawi ṭhutdan cung i ka ṭhut tikah nannih a ka zultu hleihnih hna zong hi Israel mi phun hleihnih kha an biaceihpiak awkah bawi ṭhutdan cungah nan ṭhu ve lai.

MATTHAI 8:11

Hihi va philh hlah u: Nichuahlei le nitlaklei in mi tampi an ra te lai i Vancung Pennak chungah cun rawldanghnak cabuai ah Abraham le Isak le Jakob hna he tiah an ṭhu ṭi lai.

BIAPHUAN 3:21

Keimah kha teitu ka si i ka Pa pawngah a bawiṭhutdan cungah ka ṭhut bantuk hin, teitu a simi cu ka bawiṭhutdan cung i ka pawngah ṭhutnak nawl kha ka pek hna lai.

LUKA 14:15

Cabuai i a ṭhu vemi pakhat nih cu bia cu a rak theih i, “Pathian Pennak chung rawl danghnak i aa tel vemi cu zeitluk in dik an i lawmh lai,” tiah Jesuh cu a ti.

LUKA 12:37

An bawipa nih inn a phak tikah i hlau le ralring tein a rak ummi a sal hna caah cun lunglawmh awk a va si dah! Hihi kan chimh hna: a taisawm kha aa sawmh lai i a ṭhutter hna lai i a bultawl hna lai.

BIAPHUAN 19:9

Cun vancungmi nih cun a ka thawh i, “Mah hihi ṭial tuah: Tuufa nupi ṭhitnak puai i sawmmi hna cu milunglawm an va si dah!” a ti. Cun vancungmi nih cun, “Hi bia hi Pathian bia ngaingai an si,” a ti fawn.

BIAPHUAN 4:4

Bawiṭhutdan cu a velchum in bawiṭhutdan dang kul le pali nih an kulh i cu bawiṭhutdan hna cungah cun, puan rang aa aih i sui luchin aa chinhmi upa kul le pali an ṭhu.

SALM 49:14

Tuu bantukin a thi dingin ruah an si cang i an tuukhal cu thihnak a si lai. Miding mi nih khan zinglei ah an tei hna lai i mithi hna ram ah an pum cu a thu a man lai, cuka cu an inn in aa hlatmi hmun a si lai.

2 SAMUEL 19:28

Zeitintiah ka innchungkhar vialte cu siangpahrang ka bawipa hmaiah cun thah awk i khilmi men pei an hei si ko cu; asinain nangmah nih na salpa cu na cabuai i rawl a eimi hna lakah na ka chiah. Cucaah siangpahrang sinin thil dang a hal ngam ding ka si ti hnga maw?” tiah a ti.

MATTHAI 5:3

Mi chambau kan si ti aa hngalmi cu, lunglawmmi nan va si dah! Vancung Pennak cu nanmah ta a si.

2TIMOTE 2:12

Kan in khawh peng ahcun, a uk zong amah he kan uk ṭi lai. Kan hlawt ahcun, amah zong nih a kan hlawt ve lai.

JEIM 1:1

Pathian le Bawipa Jesuh Khrih sal a simi Jeim nih, vawlei cung khuazakip i aa ṭhekmi Pathian mi kha kan biakchawnh hna.