LUKA 20:26 - Lai (Hakha) Common Language Bible 2006

²⁶ Cuticun zapi lak i tlaih an i zuamnak cu pakpalawng ah a cang i a lehnak hna cu an khuaruah a har i dai tein an um.

Laibaibal Thiang (BSI)

²⁶ Cuticun mizapi hmai ah a chim sualmi tlaih awk an hmu lo, a lehnâk cu an khuaruah a har i dai tein an um.

LUKA 20:26 Referans Kwoze

LUKA 20:20

Cucaah caan rem tu kha an bawh i mi ngiatu an thlah hna. “Zumh awktlakmi bantukin nan i umter lai i bia nan hal lai. A bia kha tlaih nan i zuam lai i cu a bia cu nawlngeitu mangki bawi sin i phakpinak ding ca i sonhtarhnak ah kan hman lai,” an ti hna.

TITAS 1:10

Uk khawh lomi tam tuk an um i Judah phung in Khrihfa phung i a hung lutmi hna lakah hin an tam khun; an duhduh in bia an chim i mi ruahnak kha a ping a pang ah an kalter.

ROM 3:19

Nawlbia chung bia cu Nawlbia tang i a ummi hna caah khan a si ti kha kan hngalh; cu tiin a sinak cu mi nih silhnalh khawhnak zeihmanh an ngeih khawh nakhnga lo le vawlei cu a ningpi in Pathian biaceihnak hmai i a dir ding a si kha a langh nakhnga caah a si.

LUKA 13:17

Bia a lehnak nih cun a ral vialte hna cu ningzak in a umter dih hna i khuaruahhar a tuahmi cungah khan mizapi cu an i lawm.

MATTHAI 22:34

Jesuh nih Sadusi mi kha holh awk hngal loin a tuah hna ti kha Farasi mi nih an theih tikah, hmun khat ah an i pum i

MATTHAI 22:22

Cucu an theih tikah an khuaruah a har i an kaltak.

MATTHAI 22:12

Siangpahrang nih cun, ‘Ka kawi, zeitindah hika ah hin nupi ṭhitnak puan loin na luh zia,” tiah a hal. Mipa nih cun zeihmanh a chim lo.

DANIEL 6:4

Khi tikah vuanzi pawl le mangki bawi hna nih khan Daniel nih ram a ukning sual kawl khawhnak ding caah lam an kawl, sihmanhsehlaw thil ṭhalo a tuahmi kha pakhat hmanh an hmu kho lo; zeicahtiah siangpahrang nih a fialmi kha fel tein a tuah.

MATTHAI 8:10

Cu bia cu Jesuh nih a theih tikah a khuaruah a har i a zulmi mizapi hna cu, Hi pa bantukin zumhnak a ngeimi Israel mi hna lakah ahohmanh ka hmu rih hna lo.

LUKA 11:54

zei maw ti tal in bia a chim sualmi a um kho in a chim sualmi lila ah cun kan tlai kho hnga maw tiin thil tampi kong ah bia an hal lengmang.