LUKA 15:16 - Lai (Hakha) Common Language Bible 2006

¹⁶ Vok nih an eimi bekawng hmanh kha ṭam lenning ti a duh, asinain ahohmanh nih ei awk zeihmanh an pe lo.

Laibaibal Thiang (BSI)

¹⁶ Vawk nih an eimi bekawng hna i paw i khimter kha a duh ngaingai. Asinain ahohmanh nih zeihmanh an pe lo.

LUKA 15:16 Referans Kwoze

HOSEA 12:1

Efraim cu a tuurun thli menmen a simi kha a khal i Amah cu chun nitlak in nichuahlei thil a dawi lengmangmi kha a si; Assiria he khan biakamnak kha a va ser i Izipt ram ah khan laksawng chiti kha a vun phorh.

ṬAHNAK HLA 4:5

Rawl thawthaw in cawm a rak simi hna kha zeihmanh ngei loin khuachung lam ah an ṭhu ko, Puan ṭhaṭha a rak i aih tawnmi hna kha ekpon cungah an ṭhu ko.

ISAIAH 44:20

Cu ti a tuah cu vutcam ei sullam bantuk men a si. Ruahnak hrut a rak ngeihmi nih khan a pingah a hruai tuk cang caah bawmh khawh hmanh a si ti lo. Ka kut i kaa putmi siasal hi pathian a si hrimhrim lo ti kha a hngal lo.

SALM 142:4

Ka pawngkam kha ka zoh tikah, a ka bawmtu ding ahohmanh ka hmu hna lo, a ka hupphengtu ding ahohmanh an um lo, ahohmanh ka zawn a ka ruattu an um lo.

ISAIAH 57:3

Nannih misual mi, mifihnung hna, hika ah hin biaceih awkah ra tuah u. Nannih cu vacung in pa a duhmi hna le hlawhhlangnu hna nakin nan ṭha deuh hlei lo.

ISAIAH 55:2

Zeicahdah rawl a si ṭung lomi ah nan phaisa kha nan hloh? Zeicahdah nan nihlawh man vialte cu nan hman dih ṭung i rawlṭam in nan um ṭhiamṭhiam ṭung? Ka bia ngai u law ka chimmi kha tuah tuah u, rawl vialte lakah a thaw bik kha nan ei lai.

SALM 73:22

Ka hrut i zeihmanh ka hngalthiam lo; na cung i ka umtuning cu saram umtuning bantuk a si.

MATTHAI 7:6

“A thiangmi thil cu uico kha va pe hna hlah u — an i let lai i nanmah lehlam kha an in seh hna lai. Nan lungvar cu vok hmaiah va thla hlah u, vok nih cun a lamh in an lamh men ko lai.

LUKA 15:15

Cucaah cuka ram mipa pakhat sinah khan kuli va ṭuan awkah a kal i cu pa nih cun vok cawngh awkah a lo ah a rak kalter.

LUKA 15:17

A donghnak ah cun a lung a hung fim i, ‘Ka Pa kuli vialte hmanh nih ei cawk loin ei awk an ngei, kei vial hika ah hin rawlṭam in ka thi cuahmah.

JOB 30:4

Rawl caah cite kung le hlingkung hnah kha an ṭawh hna i hmunphiah kung hram kha an cawh hna.