LUKA 1:32 - Lai (Hakha) Common Language Bible 2006

³² Amah cu milian mingan a si lai i Cungnung Bik Pathian fapa tiah ti a si lai. Amah a hringsortu Siangpahrang David bawiṭhutdan kha Pathian nih amah cu a pek i

Laibaibal Thiang (BSI)

³² Mi ngan a si lai i Cungnung bik Fapa an ti lai; Bawipa Pathian nih apa David ṭhutdanh kha a pêk lai.

LUKA 1:32 Referans Kwoze

ISAIAH 16:5

Khi tikah David tefa pakhat cu siangpahrang a si lai i a mi kha zumhawktlak le dawtnak in a uk hna lai. A hmaanmi thil tuah ah khan a khul a rang lai i mi kha dinnak cu a tuahter hna lai.)

LUKA 1:35

Vancungmi nih cun a leh i, “Thiang Thlarau kha na cungah a phan lai i Pathian ṭhawnnak cu na cungah aa fu lai. Hi ruangah hin a thiangmi fa cu Pathian Fapa tiah ti a si lai.

SALM 132:11

David sinah biakamnak fek pakhat, na let ṭhan lo dingmi kha na rak ser, cu na biakamnak cu hihi a si: “Na fapa pakhat cu siangpahrang ah ka ser lai i na hnuah amah cu uktu bawi a rung si lai.

MARKA 5:7

fak piin a au i, “Cung Nung Bik Pathian Fapa Jesuh, zeidah na ka duhnak a um? Zei kan ti hnga, dan cu ka tat sawh hlah,” tiah a ti.

BIAPHUAN 3:7

“Filadelfia khua i a ummi Khrihfabu vancungmi sinah hi bangin va ṭial tuah: Hi bia hi a thiangmi le a taktak a simi, David tawh a tlaitu, innka a hun tikah ahohmanh nih an khar khawh ti lomi, a khar tikah ahohmanh nih an hun khawh ti lomi bia kha a si.

LUKA 1:76

Nang, ka fa, nangmah hi Cungnung Bik Pathian profet tiah ti na si lai; Amah lam kha rak sersiam chung awkah Bawipa hmaiah cun na rak kal chung lai.

MATTHAI 28:18

Jesuh nih cun a hun naih hna i, “Vancung le vawlei cung i a ummi nawl ngeihnak vialte cu pek ka si cang.

ROM 1:4

thlarau lei in le a thiannak kong in ti ahcun, ṭhawnnak nganpi in thihnak in thawhter a sinak nih khan Pathian Fapa a si kha a langhter.

LAMKALTU 2:30

Amah cu profet a rak si i Pathian nih a sinah biakamnak a tuahmi kha a hngalh. Pathian nih bia a rak kammi cu, David tefa pakhat khat cu amah David bantuk khan siangpahrang ah a canter te lai, ti hi a si.

2 SAMUEL 7:16

Cun na inn le na pennak cu ka hmaiah a zungzal fek dingin ser a si lai; na bawi ṭhutdan cu zungzal in a hmun lai,’ a ti,” tiah a ti.

MATTHAI 1:1

Jesuh Khrih chuahkehnak cu hitihin a si. Amah cu David tefa kha a si i David cu Abraham tefa kha a si.

LAMKALTU 16:17

Amah nih cun Paul le kannih kha a kan zulh i, “Hi hna hi Cung Nung Bik Pathian sal an si i anmah nih hin zeitindah khamh nan si khawh lainak kha an in thanh hna,” tiah a au.

LAMKALTU 2:36

“Israel mi vialte hna, nannih nih vailam tahnak thing cungah nan khenh chihmi Jesuh hrimhrim hi Pathian nih Bawipa ah le Messiah ah a ser cang, ti kha fiang tein hngal u,” tiah a ti.

JOHAN 12:34

Mibupi nih cun an hei leh i, “Kan Phung nih Messiah cu zungzal in a nung lai, tiah a kan chimh. A si kun ah cun zeitindah Mi Fapa cu hler a si lai tiah na ti khawh? Mi Fapa timi cu ahodah a si?” an ti.

JOHAN 6:69

Atu cu nangmah hi Pathian sinin a rami Mi Thiang na si kha kan zumh i kan hngalh cang,” tiah a ti.

MARKA 14:61

Sihmanhsehlaw Jesuh cu dai tein a um ko i zeihmanh a let lo. Cun Tlangbawi Ngan nih cun, “A Liannganmi Pathian Fapa Messiah cu na si maw?” tiah a hal ṭhan.

LAMKALTU 7:48

“Sihmanhsehlaw Cung Nung Bik Pathian cu, profet nih,

MATTHAI 3:11

Nan sualnak nan i ngaihchih cang ti hngalhnak ah kei nih cun ti in tipilnak kan pek hna; sihmanhsehlaw ka hnu in a ra lai ding pa nih cun Thiang Thlarau le mei in tipilnak an pek hna lai. Amah cu keimah nakin tampi in a ngan deuh; kei cu a kedan putu hmanh ah kaa tlak lo.

LUKA 6:35

Cuticun nan tuah awk a si lo. Nan ral kha daw hna u, an cungah khan ṭhatnak tuah u, chaw kha mi va cawih hna u law ka hmuh ṭhan lai, tiah ruahchannak ngei hlah u. Laksawng tampi nan hmuh lai i Cung Nung Bik Pathian fa nan si lai, zeicahtiah amah cu miṭhalo mi hna le lawmh hmanh a duh lomi hna cung hmanh ah a ṭha.

LUKA 3:16

Cucaah Johan nih cun an dihlak in a thawh hna i, “Kei nih cun tiin tipilnak kan pek hna, sihmanhsehlaw keimah nakin a ngan deuh ngaingaimi a ra lio. A kedan hri phoihtu hmanh ah kei cu kaa tlak lo. Amah nih cun Thiang Thlarau le mei in tipilnak an pek hna lai.

LUKA 1:15

Zeicahtiah amah cu Bawipa hmaiah mi ngan a si lai. Zu siseh, zureu siseh, zeihmanh a ding lai lo. A chuahka hrimhrim in Thiang Thlarau in a khat lai;

MATTHAI 12:42

Biaceih Ni ah cun Thlanglei Siangpahrangnu kha a dir lai i sual an phawt hna lai, zeicahtiah anih cu vanhramdeng in a ra riangmang i Solomon fimnak kha a hung zoh; atu hi Solomon nakin a ngan deuhmi hika ah hin a um,” tiah a ti hna.

SALM 132:12

Na fapale hna nih khan ka biakamnak kha an zulh i nawl ka pekmi hna kha an tuah ahcun, an fapale hna zong cu nangmah hnu zulh in siangpahrang an si zungzal lai.”

JEREMIAH 17:25

hi khuapi kutka hna chungah hin David bawiṭhutdan ah a ṭhu dingmi siangpahrang hna kha an lut lai. Annih nih rangleng hna le rangtum hna kha an i cit hna lai i an ralbawi hna le Judah ram mi hna le Jerusalem khuami hna nih an cawngh hna lai: cun hi khua cu zungzal in a hmun lai, tiah Bawipa nih a ti.

DANIEL 2:44

Cu siangpahrang hna chan ah cun vancung Pathian nih pennak pakhat a ser lai i cu pennak cu zeitikhmanh ah a rawk lai lo; cu pennak cu midang sinah aa ṭhial lai lo; hi pennak vialte hi a hrawh dih hna lai i a donghter dih hna lai, sihmanhsehlaw cu pennak tu cu zungzal in a hmun lai.