LEVITIKAS 26:36 - Lai (Hakha) Common Language Bible 2006

³⁶ Nannih lak i a tangmi hna tu cu, an ral hna ram chungah an lung chungah lungdernak ka umter lai; hnahchawl aa hninmi thawng nih a zamter hna lai i vainam lak i zam bantukin an zam lai i ahohmanh i dawi lo ah an thi lai.

LEVITIKAS 26:36 Referans Kwoze

EZEKIEL 21:7

Annih nih zeicahdah na hrum-ai lengmang ko, tiah an in hal tikah, thawh hna law, ‘Ka theihmi thil kongah ka hrum ka ai, a rat tikah lungthin vialte a zor dih lai, ralṭhatnak vialte kha a lo lai, kut vialte kha an thlep dih lai, khuk vialte kha an zun didor an i thlauhmi nih a ciah dih hna lai. Cu thil cu a ra lio. Hika hi a phan ko cang,’ ti hna. Mah hihi Bawipa Pathian bia hrimhrim a si,” tiah a ti.

ISAIAH 30:17

Ral pakhat nan hmuh tikah, thong khat nan zam lai i nan dihlak in an zamtertu hna dingah hin ral panga lawnglawng a za ko lai. Nan ralkapbu chung khan ahohmanh an tang lai lo, tlang par i alan nan thlainak tung te lawng kha a tang lai.

LEVITIKAS 26:17

ka hmai kan chiathnawh hna lai i nan ral nih an in tei hna lai; an huami nih an in uk hna lai i ahohmanh nih an in dawi hna lo zongah nan zam lai.

EZEKIEL 21:15

An lungre a theih nakhnga le mi tampi an rilh i an tluk nakhnga, Nimtlau bantukin a tleu i mi thahnak ding caah phawimi nam cu an kutka ah ka chiah dih hna.

EZEKIEL 21:12

“Atu ah mipa, au law awn tuah, zeicahtiah hi thil vialte cu ka mi hna cungah a tla, vainam in thah awkah chanhmi hna Israel bawile hna cungah khan a tla i ka mi hna he an thi ṭi.

ISAIAH 7:4

Amah cu, i ralring peng in lungdai tein um ko, lau hlah, awlokchong in um hlah, nan va ti lai. Rezin Siangpahrang le a mi Siria mi hna thinhunnak le Siangpahrang Pekah thinhunnak cu a mit dengmangmi thingthu bul pahnih khu tluk fang men a si ko.

ISAIAH 7:2

Judah siangpahrang nih Siria ralkap hna cu Israel ram chung kha an phan cang, ti kha a theih tikah, amah le a mi hna cu an thin a phang tuk hringhran i thlitu nih thingkung a hninh bantuk khin an i hnin.

PHUNGTHLÛKBIA 28:1

Miṭhalo cu ahohmanh nih dawi loin an zam, sihmanhsehlaw miding mi cu chiandeih bantukin an ral a ṭha.

2 CHANRELNAK 14:14

Gerar pawngkam khua vialte cu an tuk i Bawipa kha an ṭih caah an tei hna. Khua vialte kha an chungah hranchaw tampi an um caah an ramh hna.

1 SAMUEL 17:24

Israel mi vialte nih mipa kha an hmuh tikah an zam i an thin a phang ngaingai.

JOSHUA 5:1

Jordan khattelei ral nitlaklei i a ummi Amor mi hna siangpahrang vialte le rili pawngah a ummi Kanaan mi siangpahrang vialte nih Israel mi caah an tan dih hlantiang Jordan tiva ti cu Bawipa nih a kaoter tiah an theih tikah, Israel mi hna ruangah cun an thin a phang i an chungah thlarau zeihmanh a um ti lo.

DEUTERONOMI 1:44

Cun khi tlangram i a ummi Amor mi hna nih cun an in chuahhnawh hna i khuai nih mi an dawi bantukin an in dawi hna i Seir in Hormah tiang an in den chih len hna.

GENESIS 35:5

Jakob le a fapa hna cu kal awk i an i thawh tikah khan, an pawngkam khuami hna cungah cun ṭihnak nganpi a tlung i cucaah an dawi ngam hna lo.

GENESIS 4:12

Lo na thlawh tikah vawlei nih rawl zeihmanh an chuahpiak lai lo; vawlei cungah inn ngei loin a vak lengmangmi na si lai,” a ti.

LEVITIKAS 26:35

A ṭhin chung vialte cu aa din ko lai; a chungah nan um lio i nan sabbath kum hna ah ram nih a hmuh lomi dinhnak cu a hmuh lai.

JOSHUA 7:5

cun Ai khuami nih sawm thum le paruk tluk an rak thah hna i kutka hmailei ah Shebarim tiangin an dawi hna i zuanchuknak ah khan an thah hna. Cun mi zapi cu an thin a phang i ti bantuk an si.

JOB 13:25

Thli nih a choihmi thinghnah cu na dawi lai maw? Favai ro tah na dawi lai maw?

SALM 53:5

Sihmanhsehlaw Pathian nih nan ral hna cu an ruh kha a ṭhek dih hna caah an thin a phang ngaingai lai; hmasa i an thin a rak phan tawnning bantuk sawhsawh kha si loin atu cu an thin a phang taktak lai. Annih cu a hlawt cang hna caah an sung cikcek lai.

JEREMIAH 37:10

Khaldi mi ralkapbu nanmah an dotu hna cu an ningpi khin hei tei bia hna u law, hmapumi lawng kha anmah le an thlam cio ah khan hei tang hna seh law, cu hmanh ah cun an tho ṭhan lai i hi khua cu mei in an khangh ṭhiamṭhiam ko lai,’ a ti, na ti lai,” tiah a ti.

JEREMIAH 46:16

Izipt mizapi hna cu an ril i an tlu, pakhat le pakhat an i pah dih; ‘Tho tuah, kanmah mi hna sinah khan, kan chuahnak ram ah khan kir u sih, Hremtu vainam hi zamtak u sih,’ tiah an i ti.

ṬAHNAK HLA 1:3

Saltang harnak chungah le A dong lo rian hrang ṭuannak chungah Judah cu a lut cang, Miphun hna lakah khua a sa i dinhnak hmun a hmu lo; Amah a harnak chungah khan A dawitu hna nih khan an phak.

ṬAHNAK HLA 1:6

Zion fanu sinin lianhngannak vialte a lo cang, A bawi hna cu, ram ṭam awk hmu kho loin a zam lengmangmi sakhi, ba cikcek in sakap nih an dawimi bantuk an si.

ṬAHNAK HLA 4:19

A kan dawitu hna cu van i langta hna nakkhin an khul a rang deuh; Tlang cungah kan sul khan heh tiah an kan zulh i Kannih kha tlaih awkah ramlak in an kan bawh.

SALM 53:6

Israel khamhnak cu Zion in ra seh ti ka hei duh hringhran dah! Pathian nih a mi cu rumnak a pek ṭhan hna tikah Jakob tefa cu an lung aa lawm lai, Israel mi cu an tha a nuam lai.

SALM 89:43

A hriamnam cu santlailo ah na ser hna i raltuknak hmun ah na sunghter.

HOSEA 8:3

Sihmanhsehlaw a ṭhami thil kha an duh lo. Hi ruangah hin an ral nih an dawi hna lai.