LEVITIKAS 1:5 - Lai (Hakha) Common Language Bible 2006

⁵ Cun Bawipa hmaiah cawtum kha a thah lai i Aaron fapa hna, tlangbawi hna nih khan, sa thi cu an pek lai i, tonnak thlam innka i a ummi biakṭheng kha a velchum in an theh lai.

LEVITIKAS 1:5 Referans Kwoze

LEVITIKAS 3:8

A laksawng lu cungah cun a kut a chuan lai i tonnak thlam hmaiah a thah lai; cun Aaron fapa hna nih a thi cu biakṭheng a velchum ah khan an theh lai.

LEVITIKAS 1:11

cun Bawipa hmaiah a ummi biakṭheng chaklei kamah a thah lai i Aaron fapa hna tlangbawi hna nih khan a thi cu biakṭheng kha a velchum in an theh lai.

LEVITIKAS 3:2

Cun a pekchanhmi lu cungah a kut a chuan lai i tonnak thlam innka ah a thah lai i Aaron fapa hna, tlangbawi hna nih khan, a thi cun biakṭheng kha a velchum in an theh lai.

1 PETER 1:2

Jesuh Khrih kha a nawl ngaih awk le a thi in nannih cu tlengh awkah Pathian kan Pa tinhning in thim nan si i a Thlarau nih miphun thiang ah an ser hna. Vel le daihnak cu tling khitkhet in nan ta si ko seh.

HEBRU 12:24

Biakamnak thar a sertu Jesuh sin le Abel thisen nih a chimmi thil nakin a let tam piin a ṭha deuhmi thil kong a chimtu a thletmi a thisen sin kha nan phan cang.

2 CHANRELNAK 35:11

Cun Lanhtak Puai tuufa kha an thah i tlangbawi nih khan an sinin an lakmi thisen cu an theh i Levi mi nih khan sa cu an phaw an hawh hna.

LEVITIKAS 3:13

A lu cungah a kut a chuan lai i tonnak thlam hmaiah a thah lai; cun Aaron fapa hna nih a thi cu biakṭheng a velchum ah khan an theh lai.

EXODUS 29:16

Nan thah lai i a thi cu biakṭheng velchum ah khan na thlet lai.

HEBRU 10:11

Judah tlangbawi hna nih cun, dirhmun in an rian kha ni fate an ṭuan lengmang i raithawinak an pekchanh tawnmi kha voi tampi an pekchanh lengmang. Sihmanhsehlaw hi raithawinak nih hin sualnak kha a thianh kho taktak bal lo.

MIKAH 6:6

Bawipa cu ka fuh tikah zeidah kaa put lai? Cungsang ah a ummi Pathian hmaiah zeitindah ka kun lai? Khangh thawinak le kum khat a timi cawfa hna he maw amah cu ka fuh lai?

EZEKIEL 36:25

Nan cungah ti thiang kan theh hna lai i nannih an thurhhnawmhtertu hna thil vialte khan kan thianh hna lai; nan siasal biaknak thurhhnawmhnak vialte khan kan thianh dih hna lai.

ISAIAH 52:15

Sihmanhsehlaw atu cu miphun tampi kha amah an hmuh tikah an khuaruah a har lai, an khuaruah a har tuk ah siangpahrang hna cu ar ko in an um lai. An hngalh bal lomi thil kha an hmuh lai i an hngalh lai,” a ti.

NAMBAR 18:17

Sihmanhsehlaw caw fater siseh, tuu fater siseh, meheh fater siseh, na tlan hna lai lo; annih cu an thiang. An thi cu biakṭheng cungah na theh lai i an thau cu mei in thawinak caah, Bawipa ca i rimthaw ah, na khangh lai;

LEVITIKAS 16:15

“Cun mi zapi ca i a simi sual thawinak meheh kha a thah lai i a thi cu puanzar chungah a luhpi lai, cun a thi cu cawtum thi a tuah bantuk khan a tuah lai, velngeihnak ṭhutdan cung le velngeihnak ṭhutdan hmai kha a theh lai;

LEVITIKAS 1:15

Cun tlangbawi nih biakṭheng ah a rak put lai i a lu cu cat lak in a merh lai i biakṭheng cungah a khangh lai; cun a thi cu biakṭheng sirah cun a thlor lai;

EXODUS 29:11

Bawipa hmaika ah cun pumhnak thlam innka ah khan cawtum cu na thah lai.

LEVITIKAS 4:29

Cun sual thawinak lu cungah cun a kut a chuan lai i sual thawinak cu khangh thawinak hmun ah khan a thah lai.

LEVITIKAS 4:33

sual thawinak lu cungah cun a kut a chuan lai i sual thawinak caah khangh thawinak an thahnak hmun ah khan a thah lai.

LEVITIKAS 17:11

Zeitintiah titsa nunnak cu thi chungah a um i nan nunnak ca i biakṭheng cung i remnak sernak caah kan pekmi hna a si; zeitintiah nunnak thawng cun thi cu remnak sertu cu a si.

1 SAMUEL 1:25

Cun cawtum kha an thah i ngakchia cu Eli sinah an ratpi.

EZEKIEL 43:18

A ka thawh i, “Mipa, hihi Bawipa Pathian bia an si: Biakṭheng cu ser dih a si tikah pumpek thawinak pekchanhnak ca le a cung i thi thehnak ding caah hihi zulh awk phunglam an si lai.

EXODUS 40:6

Pumhnak thlam hmaiah khan khangh thawinak biakṭheng kha na chiah lai.

LEVITIKAS 4:7

Cun tlangbawi nih tonnak thlam chung a ummi rimthaw zihmui biakṭheng ki hna ah cun, Bawipa hmaika ah, thi cu tlawmpal a thuh lai. Cun cawtum thi a taang mi cu tonnak thlam innka ah a ummi khangh thawinak biakṭheng hram ah cun a thlet lai.