LAMKALTU 9:38 - Lai (Hakha) Common Language Bible 2006

³⁸ Joppa khua cu Lidda khua khan a hla tuk lo i zultu pawl nih khan Peter cu Lidda ah a um ti an theih tikah mi pahnih an hei thlah hna i, “Khulrang in kan sinah ra ta tuah,” tiah bia an cah.

Laibaibal Thiang (BSI)

³⁸ Lidda khua cu Joppa khua pawng a si caah zultu hna nih cuka i Peter a um kha an theih tikah a ran khawh chungin an sinah ra dingin nawl awkah mi pahnih an thlah.

LAMKALTU 9:38 Referans Kwoze

LAMKALTU 9:36

Cun Joppa khua ah hin Jesuh zummi nu pakhat a min Tabitha a simi a um, (amah cu Grik holh cun Dorkas ti a si i a sullam cu sazuk tinak a si.) ṭhatnak tuah le sifak bawmh ah khan a caan vialte cu a hman dih tawn.

LAMKALTU 11:26

A hmuh tikah Antiok khua ah khan a ratpi i kum khat chung kha Khrihfabu chungmi hna he khan an i pum i mi tampi kha an cawnpiak hna. Antiok khua ah hin pei Jesuh zultu hna kha, “Khrihfa,” tiah an rak ti hmasa bik hna cu.

LAMKALTU 9:32

Peter cu khuazakip ah khan a kal i voi khat cu Lidda khua i a ummi Pathian mi hna kha a va tlawng hna.

JOSHUA 19:46

le Mejarkon le Rakkon le Joppa changtu ram cu an i tel.

2 CHANRELNAK 2:16

cun kannih nih na herhmi thing paoh cu Lebanon in kan rak in haupiak lai i rili in Joppa khua ah pum in kan ratpi lai i nang nih Jerusalem khua ah na hun kalpi hna lai,” a ti.

EZRA 3:7

Cucaah lung lei zungthiam hna le lehtama hna kha phaisa an pek hna i, Persia siangpahrang Sairas nih a onh hna ningin, sidar thing kha Lebanon tlang in rili ah, Joppa khua ah, ratpi awkah, Sidon mi le Tair mi hna cu rawl le din awk le chiti kha an pek hna.

JONAH 1:3

Sihmanhsehlaw Jonah cu Bawipa sinin zam awkah khan Tarshish khua lei tu i kal awkah aa thawh. Joppa khua ah khan a va kal i khika ah Tarshish khua lei i a kal dingmi lawng pakhat kha a hmuh. A kalnak ding man kha a pek dih in lawng kha aa cit i Bawipa nih a phak khawh lonak Tarshish khua ah khan, cu lawng cun ka kal lai, tiah a ruah.

LAMKALTU 9:19

cun rawl a ei dih hnuah a thazang kha a tlung ṭhan. Saul cu Damaskas khua i a ummi zultu hna sinah khan ni tlawmpal a cam.

LAMKALTU 9:42

Hi thawng nih cun Joppa khua kha a cul dih i mi tampi nih Bawipa kha an zumh.

LAMKALTU 9:43

Peter cu Joppa khua ah khan saphaw sertu Simon sinah saupi a cam.

LAMKALTU 10:5

Cucaah atu ah Joppa khua ah mi hei thlah hna law a min Simon Peter a simi pa kha va auhter hna.

LAMKALTU 10:8

Thil umtuning vialte kha a chimh hna i Joppa khua ah cun a thlah hna.

LAMKALTU 11:5

Aa thawh i, “Joppa khua ah khan thla ka cam i langhnak kha ka hmuh. Puan nganpi pakhat, a ki pali in van in an run thlakmi he aa lomi thil khi ka hmuh i ka pawngah khan a rung dir.

LAMKALTU 11:13

Amah nih cun a inn chungah vancungmi pakhat a rung dir i, ‘Joppa khua ah mi hei thlah hna law a min tling Simon Peter a simi mipa pakhat kha va au hna seh.