LAMKALTU 4:28 - Lai (Hakha) Common Language Bible 2006

²⁸ Nangmah nih a hung um te lai ding na rak ruah ciami le na rak khah ciami vialte kha tlinter awkah an i pum.

Laibaibal Thiang (BSI)

²⁸ Nangmah kut hrimhrim in tuah awkah nâ timhmi le na remruatcia tlam tlinter dingin.

LAMKALTU 4:28 Referans Kwoze

LAMKALTU 2:23

Pathian nih Jesuh cu nan sin i pek awkah khan a rak ruah ciami le a rak khiah ciami a si bangin nannih nih amah cu nan thah, misual mi hna kha amah cu vailamtahnak thing cungah thir in nan khenhter hna.

ISAIAH 46:10

A hramthawk tein a phichuak zeidah a si te lai ti kha ka rak chim; thil um ding kha a um hlan piin ka rak chim. Kaa tinhmi cu ka tlolh bal lai lo, ka ti; tuah kaa timhmi cu a dihlak in ka tuah lai.

GENESIS 50:20

Ka cung i ṭhat lonak tuah awkah khua nan khan, sihmanhsehlaw cu nan khuakhannak cu Pathian nih thil ṭha ah a canter. Cu a canter cu zeicahdah a si ti ahcun cu thawngin nihin i a nungmi mi tampi hna hi, an nunnak khamh awkah a rak si.

MATTHAI 26:24

Mi Fapa cu Cathiang nih a thi lai a tining khan a thi lai, sihmanhsehlaw Mi Fapa a rawitu caah cun ngaihchia a si ko. Cu pa cu chuak loin rak um seh law a caah a ṭha deuh hnga,” tiah a ti.

LAMKALTU 3:18

Pathian nih hlan lio pi in a profet vialte hna sin khan, ka Messiah nih cun fahnak a in lai, ti kha a rak thanh chung cang i cu a bia cu hiti ning hin a tlinter.

ISAIAH 53:10

Bawipa nih aa thawh i, “Temhnak a in cu ka rak duhmi a si ko; thihnak cu ngaihthiamnak a umtertu raithawinak a si. Cucaah a tefa kha a hmuh hna lai i chan saupi a nung lai, cun amah thawngin khua ka khanmi cu a tlam a tling lai.

HEBRU 6:17

Cu bantukin Pathian zong nih, bia a kamhmi hna nih khan a biakam cu a let hrimhrim lai lo, ti kha fiang tein hngal hna seh ti a duh caah, cu a biakamnak cu chiatsernak in a fehter.

EFESA 1:11

Zeizong vialte hi Pathian khuakhanning le tinhning in an kal ko; Khrih he kan i pehtlaihnak thawngin Pathian nih amah mi si ding i a kan thim cu amah nih a rak i tinhmi a si ko i a hramthawk tein tuah awkah a rak i khiah ciami a si.

LUKA 22:22

Pathian nih a khiah cia bantukin Mi Fapa cu a thi lai, sihmanhsehlaw a rawitu caah cun ṭihnung a va si hringhran dah!” tiah a ti.

MATTHAI 26:54

Sihmanhsehlaw cu ti a si ahcun, zeitindah hi bantukin a si lai, tiah a rak chimtu Cathiang bia cu a tlin khawh kun hnga?” tiah a ti.

ISAIAH 40:13

Bawipa cu, hihi na tuah awk a si, tiah a chim khomi aho tal an um maw? Aho tal nih Bawipa cu an cawnpiak kho in ruahnak an cheu kho maw?

ISAIAH 28:29

Hi bantuk fimnak vialte hi Ralkapbu Bawipa sinin a rami a si. Pathian khuakhannak cu a fimmi a si zungzal i thlua a chuak zungzal.

ISAIAH 5:19

Nan i thawh i, “Bawipa nih ka tuah lai a timi cu khulrang in tuah tuah ngat seh, kan zoh fom lai ta. Israel Pathian nih cun aa timhmi cu tuah tuah ngat seh. A lung chungah zeidah aa chiah ti cu kan zoh fom lai ta,” nan ti.

PHUNGTHLÛKBIA 21:30

Fimnak siseh, hngalhnak siseh, chunglei thil purh khawhnak siseh, Bawipa hmaiah cun zeihmanh an si lo.

SALM 76:10

Minung thinhunnak nih cun nangmah thangṭhatnak tu kha a karhter chin lehlam; ral chungin a nung in a tangmi hna nih na puai kha an tuah hna lai.

ISAIAH 14:24

Ralkapbu Bawipa nih chiatser in, “Siseh tiah ka khanmi cu a si ko lai. Ka tuah lai ka timi cu tuah a si ko lai.

ISAIAH 37:26

“Hi thil vialte hi hlan piin keimah nih ka rak timh cangmi an si ti kha na thei bal lo maw? Atu cu ka tlinter cang hna. Kulhmi khua kha hnawmpon i ser khawhnak nawl cu kan pek.