LAMKALTU 23:35 - Lai (Hakha) Common Language Bible 2006

³⁵ “Taza an cuaitu hna an rat tikah na bia cu kan ceihpiak te lai,” tiah a ti. Cun Paul cu Herod Siangpahrang inn ah khan va cawng u, tiah ralkap kha a fial hna.

Laibaibal Thiang (BSI)

³⁵ “Nangmah sual puhtu hna an rak phâk tikah, na bia cu ka ruah lai,” tiah a ti. Cuticun Herod inah kilvennâk tang i chia dingin nawl a pêk hna.

LAMKALTU 23:35 Referans Kwoze

LAMKALTU 23:30

Cun Judah mi a cheukhat nih amah thah khawhnak ding khua an khang ti kha ka theih tikah nangmah sinah ka rak kuat ahcun a ṭha lai tiah ka ruah. Cun sual a phawtu hna cu ka thawh hna i amah cu nangmah hmaika ah taza va cuai u, tiah ka ti hna,” tiah a ti.

LAMKALTU 25:16

Sihmanhsehlaw Rom mi nih cun ahohmanh an si ah taza a cuaitu hna kha hmaitonh tein an ton hna i sual an puhmi kha i chim khawh venak dingah a caan pek lo cun sual an puhmi kha an sinah pek phung a si lo, tiah ka ti hna.

MATTHAI 27:27

Cun Pilat ralkap pawl nih khan Jesuh cu mangki bawi innpi chungah khan an luhpi i an kampani dihlak in an kulh.

LAMKALTU 24:22

Cu Lam kong fiang tein a hngalmi Feliks nih cun an bia cu a donghter i, “Nan bia cu ralkapbu haotu Lisias a rat tikah ka khiah te lai,” tiah a ti hna.

LAMKALTU 24:19

Sihmanhsehlaw cuka ah cun Asia ram in a rami Judah mi tlawmpal bel an um; annih nih sualphawt awk an ka ngeih a si ahcun bia chimtu dingah anmah cu pei zung ah hin ra chuah awk an si cu.

LAMKALTU 24:10

Mangki bawipa nih khan Paul cu bia chim ve tuah tiah a kut a hei zaoh i Paul nih cun, “Nangmah cu hi miphun hna cungah kum tampi biaceihtu na si cang ti kha ka hngalh i cucaah nangmah hmai i humhaknak bia chim hi ka saduhthah ngaingaimi a si.

LAMKALTU 24:1

Ni nga hnuah Tlangbawi Ngan Ananias cu upa tlawmpal le sihni Tertullas he Sisaria ah khan an kal. Mangki bawi Feliks hmaiah khan an chuak i Paul sual an phawtnak bia cu an chim.

JOHAN 18:28

Jesuh cu Kaiafas inn khan an chuahpi i Mangki bawi inn ah an kalpi. Cu caan cu zingkate a si. Judah mi cu mangki bawi inn chungah khan an lut lo, zeicahtiah phunglam lei in thian i cheh i Lanhtak Puai rawl ei khawh kha an duh.

MATTHAI 2:16

Herod nih, nichuahlei mifim hna nih an ka hlen, ti kha a hngalh tikah, a thin a hung ngaingai. Arfi a chuahnak kong nichuahlei mifim hna nih an chimning khan a caan cu a tuak i Bethlehem khua le a pawngkam i a ummi khua hna chung i ngakchiapa kum hnih ri in a tanglei paoh kha thah dih hna awkah nawlbia a pek hna.

MATTHAI 2:3

Cu bia cu Siangpahrang Herod nih a theih tikah a awlok a chong ngaingai i cu bantuk cun Jerusalem khuami vialte hna zong kha an si ve.

MATTHAI 2:1

Jesuh cu, Judea ram Bethlehem khua ah, Siangpahrang Herod bawi a si lioah khan a chuak. A chuah tlawmpal ah cun arfi zohthiammi hna kha nichuahlei in Jerusalem khua ah khan an ra i,

JEREMIAH 38:13

Cun Jeremiah cu hri in an hnuh i tikhor chung cun an chuah. Jeremiah cu ralvennak inntual ah cun a um.

LAMKALTU 24:23

Paul a cawngtu ralbawipa cu Paul kha luat deuh in na umter lai i a hawile nih a duh herhmi tuahpiak ding kha na thlauh hna lai lo, tiah a ti.