LAMKALTU 23:3 - Lai (Hakha) Common Language Bible 2006

³ Amah cu Paul nih a thawh i, “Si rang thuhmi vampang, nangmah cu Pathian nih an bengh lai. Zeitindah keimah cu Phung ningin ka bia ceih awkah khaka ah khan na ṭhut i Phung he aa ralchanh in, hei beng u, na ti fawn ṭung hna?” tiah a ti.

Laibaibal Thiang (BSI)

³ Paul nih, “Nang vampang rantermi pa, Pathian nih an bengh deuh lai. Nawlbia bangin ka kong ceih dingin na ṭhu i nawlbia ning loin bengh ding na ti maw?” tiah a ti.

LAMKALTU 23:3 Referans Kwoze

JOHAN 7:51

“Kan phungning ah cun, ahohmanh a bia kan theih hlan le a tuahmi kan hmuh hlanah cun sual kan phaw kho hna lo,” tiah a ti. Nikodemu cu voi khat Jesuh a va lengtu kha a si.

AMOS 5:7

Biading kha a bingtalet in a thlai i, Dinnak kha vawlei ah a hril i,

PHUNGCHIMTU 3:16

Cuhleiah vanrang tangah hin ṭhat lonak nih dinnak le a hmaanmi thil kha an hmun a rolh lengmang hna ti kha ka hmuh.

SALM 94:20

Bawipa, ziknawh a eimi biaceihtu hna he cun zeitinhmanh in nan i tlak kho lo, dinlonak kha dinnak ah a ser i

LEVITIKAS 19:35

“Tahnak ah mi nan hleng lai lo; a saulei tahnak ah siseh, a rih leiah siseh, a tam leiah siseh, nan lih lai lo.

LEVITIKAS 19:15

“Biaceihnak ah dinlonak nan tuah lai lo; sifakmi kha na duhdanh hna lai lo, mingan zong kha na hmaizah hlei lai lo, sihmanhsehlaw dinnak in na innpa bia kha na ceih lai.

JOHAN 18:24

Cuticun, an khih bu cun, Annas nih khan Tlangbawi Ngan Kaiafas sinah khan a hei kuat.

1 SIANGPAHRANG 22:24

Khi tikah Khenaanah fapa Zedekiah kha a pawngah a ra i Mikaiah kha a biang ah a bengh i, “Zeitik ah dah Bawipa thlarau cu nangmah sin i bia chim awkah ka sinin a chuah cu a si?” tiah a ti.

LAMKALTU 23:4

Paul pawng i a dirmi hna nih cun, “Pathian Tlangbawi Ngan na serhsat,” an ti.