LAMKALTU 23:15 - Lai (Hakha) Common Language Bible 2006

¹⁵ Cucaah nanmah le khawngsil pawl nih khan Rom ralkap haotu kha bia hei cah u law, Paul kongah bia fiang deuh in theih a duh bantukin i umter u law, Paul kha kan sinah run thlah tuah tiah ti u law, kannih nih hika a phak hlanah rak that dingin timhcia tein kan rak um lai,” an ti.

Laibaibal Thiang (BSI)

¹⁵ Cucaah nannih nih, biaceihtu hna he amah kong ruat ṭhân ding bangin thaizingah nan sinah ratpi dingah ralkap hotu bawi sinah va chim u, cuticun nan pawng a phâk hlan ah amah that dingin timhcia in kan rak um lai,’ tiah an ti.

LAMKALTU 23:15 Referans Kwoze

ISAIAH 59:7

Ṭhat lonak pakhatkhat tuah ding kha khua nan khang zungzal i cu nan khanmi tuah kha a ngan in nan ngang kho lo. A sual lomi thah kha nan i thlachiat bal lo. Nan phaknak kip ah rawhralnak le ṭhat lonak kha nan chiahtak i

PHUNGTHLÛKBIA 1:16

Zeicahtiah an ke cu ṭhat lonak leiah a tlik in an tli i Thisen chuah awkah a nam in an i nam.

LAMKALTU 22:30

Ralkapbu haotu nih cun Judah mi nih Paul hi zei sette dah an puh ti kha hngalh a duh caah a thaizing ah cun Paul cu a thir cikcin kha a phoih i tlangbawi upa hna le khawngsil pawl kha i pum u tiah nawl a pek hna. Cun Paul cu a kalpi i an hmaiah khan a dirter.

PHUNGTHLÛKBIA 4:16

Zeicahtiah annih cu thil sual pakhat tal an tuah lo ahcun an it kho lo i mi pakhat tal an tlukrilhter hna lo ahcun an i hngilh kho lo.

SALM 21:11

A cung i ṭhat lonak tuah kha an i tim lai i khua an khang lai, sihmanhsehlaw an khuakhanmi le an timhnak cu an tling kho lai lo.

LAMKALTU 25:3

Paul cu lam ṭim i rak thah awk kha khua an khan caah Festas cu zaangfahnak tein Paul cu Jerusalem ah ratter ko tiah an nawl.

JOHAN 18:12

Ralkap hna le an bawipa le Judah palik hna nih cun Jesuh cu an tlaih i an khih i

LAMKALTU 23:1

Khawngsil pawl cu Paul nih dengteo in a zoh hna i, “Ka u le ka nau hna, nihin ni hrimhrim tiangin Pathian hmaika i ka nunning ah ka chiaṭha thleidannak lungthin a thiang,” tiah a ti.

LAMKALTU 23:6

Paul nih cuka bu chungmi cu a cheu Sadusi mi an si i a cheu Farasi mi an si kha a hmuh hna tikah khawngsil chungah cun a au i, “Ka u le ka nau hna, kei cu Farasi mi, Farasi mi hna fa ka si. Hika i biaceih i ka um hi a thimi kha nunnak ah an tho ṭhan lai ti ruahchannak ka ngeih ruangah a si,” tiah a ti.

2 SAMUEL 13:5

Jonadab nih anih cu, “Na ihkhun ah it law i zawtter; cun na pa nih nangmah zoh awkah a rat tikah, ka farnu Tamar kha ka sinah hin ra seh law, ei awk rawl ka pe seh law, cun ka hmuh khawh nakhnga ka mit hmuh ah hin rawl cu chuang tuah seh, a kut chung ta cu ka ei nakhnga,’ na ti lai,” tiah a ti.