LAMKALTU 20:17 - Lai (Hakha) Common Language Bible 2006

¹⁷ Paul nih Miletas khua khan mi a thlah hna i Efesa khua khrihfa upa kha rak ka tong hna seh tiah bia a cah hna.

Laibaibal Thiang (BSI)

¹⁷ Melitas khua in Efesa khua ah mi a thlah i kawhhran upa kha a va kawhter hna.

LAMKALTU 20:17 Referans Kwoze

TITAS 1:5

Krit tikulh i kan chiahtak ah khan ka rak i tinhmi cu, kan ṭuannak i kan nganh tami kha a ningcang tein na hun sersiam hna lai i khua kip ah Khrihfa upa kha na hun chiah hna lai, ti a si. Na hun zulh awkah tiin cawnpiaknak kan chiahtami kha philh hna hlah.

LAMKALTU 11:30

Cuticun an tuah i tangka cu khrihfa upa hna sinah khan Barnabas le Saul kut in an kuat.

1TIMOTE 5:17

Khrihfabu ṭha tein a hruaitu Khrihfa upa hna cu, an hmuh awk a simi kha a let hnih in hmuh awkah an i tlak; cu hna lak zongah cun phungchim le cawnpiak i a ṭangmi kha hmuh awkah an i tlak khun.

JEIM 5:14

A zawmi nan um ahcun, Khrihfa upa kha au hna u law thla in campiak hna seh law Bawipa min in chiti kha in thuh hna seh.

LAMKALTU 20:28

Nanmah lila kha i veng u law nan zohkhenh awkah Thiang Thlarau nih an pekmi hna tuurun kha ṭha tein va zohkhenh hna u. Pathian nih amah Fapa thihnak thawngin amah ta ah aa sermi khrihfabu tuukhal kha si ko u.

LAMKALTU 14:23

Khrihfabu kip ah khan khrihfa upa an chiah hna i thlacamnak le rawl ulhnak he, an i bochanmi Bawipa kut chungah khan, an chiah hna.

3 JOHAN 1:1

Khrihfa Upa nih, Ka dawt taktakmi Gaius, ca kan kuat.

2 JOHAN 1:1

Khrihfa Upa nih, Ka dawtmi Bawinu le a fale hna kha ca kan kuat hna. Keimah lawnglawng hi an dawtu hna ka si lo, biatak kha a hngalmi vialte nih cun an in dawt hna,

1 PETER 5:1

Khrihfa upa hna, kei zong Khrihfa upa ka si ve bantukin kan nawl hna. Khrih nih temhnak a inmi tehte pakhat ka si ve i a lang laimi sunparnak zongah kaa tel ve lai.

LAMKALTU 16:4

Khua khat hnu khua khat an tlawng i an tlawnpah cun zumtu hna cu Jerusalem khua i a ummi lamkaltu hna le upa hna nih an khiahmi phung kha an chimh hna i cu phung cu nan zulh lai tiah an ti hna.

LAMKALTU 15:23

A tanglei ca hi an kut cun an kuat hna: “Kannih, lamkaltu hna le upa hna, nan unau hna nih, Antiok, Siria le Silisia i a ummi unau vialte, chuahkehnak lei in Jentail mi a simi nan kut kan in tlaih hna.

LAMKALTU 15:6

Hi bia ruah ṭi awkah hin lamkaltu hna le upa hna kha an i pum.

LAMKALTU 15:4

Jerusalem khua an va phak tikah khrihfabu le lamkaltu hna le upa hna nih khan an rak conglawmh hna i anmah thawngin Pathian nih a tuahmi vialte kha an chimh hna.

LAMKALTU 18:19

Efesa khua kha an phan i khika ah Paul nih khan Prisilla le Akuila kha a kaltak hna. Pumhnak inn chungah khan a lut i Judah mi kha bia a chimh hna.

LAMKALTU 20:15

Cuka cun kan chuak i a thaizing ah Khios tikulh zawn kha kan phan. Cun a thaizing nolh ah cun Samos kha kan phan i a kiptuh ah Miletas kha kan phan.